1 پطرس 3:21 - کِتاب مُقدّس سرائیکی ترجمہ

²¹ اُوہو پانڑی بپتسمہ دو اِشارہ ہے جیہڑا یسُوع مسیح دے زندہ تھیوݨ دے وسیلے نال ہُنڑ تُہاکُوں بچیندے۔ ایہ نئیں جو تُہاڈے جِسم دی گندگی دھویج ویندی ہے بلکہ تُساں نیک نیّتی نال خُدا دے طالب تھی ویندے ہیوے۔

1 پطرس 3:21 Iomraidhean Croise

متّی 28:19

اِیں واسطے تُساں ونجو تے ساریاں قوماں کُوں شاگرد بنڑاؤ تے اُنہاں کُوں باپ تے بیٹے تے رُوح القُدس دے ناں ءچ بپتسمہ ڈیؤ۔

مرقس 16:16

جیہڑا اِیمان گِھن آوے تے بپتسمہ گِھنے او نجات پیسی، پر جیہڑا اِیمان نہ گِھن آوے او مُجرم کھڑایا ویسی۔

یُوحنّا 13:9

شمعون پطرس اُونکُوں آکھیا، ”مالک! صرف میڈے پیر ای نئیں بلکہ ہتھ تے سر وی دھو ڈیؤ۔“

اعمال 16:33

اُونہی ویلے رات کُوں او اُنہاں کُوں گِھن گِیا تے اُنہاں دے زخم دھوتے۔ وَل اُوں تے اُوندے سارے گھر آلیاں بپتسمہ گِھدا۔

اعمال 2:38

پطرس اُنہاں کُوں آکھیا، ”توبہ کرو تے تُہاڈے ءچوں ہر ہِک آپنڑے گُناہاں دی معافی کیتے یسُوع مسیح دے ناں ءچ بپتسمہ گِھنے تاں تُساں رُوح القُدس دی نعمت پے سو۔

اعمال 22:16

ہُنڑ کیجھی دیر؟ اُٹھی بپتسمہ گِھن، تے اُوندا ناں گِھن تے آپنڑے گُناہ دھو گِھن۔‘

اعمال 8:36

او رستے ءچ ویندے ہوئے، ایجھی جاہ اُتے پُجے جِتھاں پانڑی ہا۔ خوجے آکھیا ”ڈیکھ اِتھاں پانڑی موجود ہے، ہُنڑ میکُوں بپتسمہ گِھننڑ تُوں کیہڑی چیز روکیندی ہے؟“

اعمال 8:37

[فِلپُس آکھیا جو ”جے تُساں دل تے جان نال اِیمان رکھیندے ہیوے تاں بپتسمہ گِھن سگدے ہیوے۔“ اُوں جواب ڈِتا، ”مَیں اِیمان رکھیندا ہاں جو یسُوع مسیح خُدا دا پوتر ہے۔“]

رومیوں 5:14

وَل وی آدم کنُوں مُوسیٰ تئیں موت اُنہاں اُتے وی حکُومت کیتی، جِنہاں آدم دی نافرمانی وانگُوں گُناہ نہ کیتا، جیہڑا آوݨ آلے مسیح دو اِشارہ ہا۔

1کُرِنتھِیوں 12:13

کیوں جو اساں ساریاں بھانویں یہُودی ہِن یا یُونانی، بھانویں غُلام ہِن یا آزاد، ہِکو رُوح دے وسیلہ نال ہِک بدن تھیوݨ کیتے بپتسمہ گِھدے، تے ساکُوں ساریاں کُوں ہِکو رُوح القُدس مِلیا ہے۔

1کُرِنتھِیوں 4:6

بِھراؤ! مَیں تُہاڈی خاطر اِنہاں گالھیں ءچ آپنڑا تے اپُلّوس دا ذِکر مثال دے طور تے پیش کیتے تاں جو تُساں ساڈے ذریعے سِکھو جو ”لِکھے ہوئے کنُوں اگھاں نہ ودھو۔“ تے تُہاڈے ءچوں کوئی کہیں ہِک دی حمایت ءچ ڈُوجھے دے خلاف نہ پُھنڈے۔

2کُرِنتھِیوں 1:12

ساکُوں آپنڑے ضمیر دی اِیں گواہی اُتے فخر ہے جو اساں دُنیا ءچ تے خاص طور تے تُہاڈے سامنڑے اُوں پاک دِلی تے سچائی نال زندگی گُزاری ہے جیہڑی خُدا دی طرفوں مِلدی ہے۔ ایہ ساڈی آپنڑی اِنسانی حِکمت نال نئیں بلکہ خُدا دے فضل نال تھئے۔

2کُرِنتھِیوں 7:1

عزیزو، ساڈے نال ایجھے وعدے کیتے گئے ہِن، اِیں واسطے آؤ اساں آپنڑے آپ کُوں جِسم تے رُوح کُوں ناپاک کرݨ آلی ہر چیز کنُوں پاک کرُوں تے خُدا دا خوف منیندے ہوئے آپنڑی پاکیزگی کُوں کمال تئیں پُچاؤں۔

گلتِیوں 3:27

تُساں ساریاں جِنہاں مسیح ءچ شریک تھیوݨ دا بپتسمہ گِھدے، مسیح کُوں کپڑے پاوݨ وانگُوں پا گِھدے۔

اِفِسیوں 5:26

تاں جو او کلیسیا کُوں کلام دے ذریعے پانڑی نال غُسل ڈے تے صاف تے مُقدّس بنڑا ڈیوے،

کلُسِّیوں 2:12

جِیں ویلے تُساں بپتسمہ گِھدا تاں تُساں مسیح دے نال دفن تھی گئے، تے تُساں اُوندے نال زندہ وی کیتے گئے کیوں جو تُساں خُدا دی قُدرت اُتے اِیمان گِھن آئے جئیں مسیح کُوں مُردیاں ءچوں زندہ کیتا۔

1 تِیمُتھِیُس 1:5

میڈی اِیں نصیحت دا مقصد او محبت ہے جیہڑی پاک دِلی، نیک نیّتی تے حقیقی اِیمان نال پیدا تھیندی ہے۔

1 تِیمُتھِیُس 6:12

اِیمان دی چنگی کُشتی لڑ۔ ہمیشاں دی زندگی اُتے قبضہ کر گِھن جیندے کیتے تُوں سڈیا گِیا ہَویں، تے جِیندے بارے ءچ تَیں بہُوں سارے گواہاں دے سامنڑے چنگا اِقرار کیتا ہا۔

عبرانیوں 10:22

اِیں واسطے آؤ اساں سچے دل تے پُورے اِیمان نال خُدا دے کولھ جُلوں، کیوں جو ساڈے دل خون دے چھِنڈکیاں نال گُناہ تُوں پاک کیتے گئے ہِن تے ساڈے بدن صاف پانڑی نال دھوتے گئے ہِن۔

عبرانیوں 11:19

ابرہام سمجھیا جو خُدا مُردیاں کُوں وی زندہ کرݨ دی قُدرت رکھیندے۔ تے اِیں لحاظ نال اِضحاق اُونکُوں مُردیاں ءچوں ولا زندہ مِلیا۔

عبرانیوں 13:18

ساڈے کیتے دُعا کریندے راہو۔ ساکُوں یقین ہے جو ساڈا دل صاف ہے تے اساں ہر لحاظ نال نیک زندگی گُزارݨ چاہندے ہیں۔

عبرانیوں 9:14

تاں مسیح دا خون جئیں ازلی رُوح القُدس دے وسیلے نال آپنڑے آپ کُوں خُدا دے حضُور ءچ ہِک بے عیب قُربانی دے طور تے پیش کر ڈِتا، تُہاڈے دل کُوں موت گِھن آوݨ آلے کماں تُوں کیوں نہ پاک کریسی تاں جو تُساں زندہ خُدا دی عبادت کر سگو۔

عبرانیوں 9:24

مسیح اِنسانی ہتھاں دے بنڑے مُقدّس گھر ءچ داخل نئیں تھیّا، جیہڑا حقیقی مُقدّس گھر دی صرف نقل ہے، بلکہ اسمان ءچ ای داخل تھیّا تاں جو او ساڈی خاطر خُدا دے سامنڑے حاضر تھیوے۔

1 پطرس 1:3

ساڈے خُداوند یسُوع مسیح دے خُدا تے باپ دی حمد تھیوے۔ اُوں یسُوع مسیح کُوں مُردیاں ءچوں زندہ کر تے آپنڑی وڈی رحمت نال ساکُوں نویں سرے تُوں پیدا کیتا، تے ہُنڑ ساکُوں ہِک زندہ اُمید مِلی ہے

1 پطرس 3:16

تے آپنڑی نیّت صاف رکھو تاں جو تُہاڈے نیک چال چلنڑ دے بارے ءچ جیہڑا مسیح ءچ ہے، غلط بیانی کرݨ آلے آپنڑے اِلزام لاوݨ اُتے شرمندہ تھیوݨ۔