1 پطرس 3:15 - کِتاب مُقدّس سرائیکی ترجمہ

¹⁵ مسیح کُوں آپنڑے دِلاں ءچ خُداوند مَن تے مُقدّس جانڑو۔ تے جے کوئی تُہاڈے کنُوں تُہاڈی اُمید دی وجہ پُچھے تاں اُونکُوں جواب ڈیوݨ کیتے ہمیشاں تیار راہو، پر حلیمی تے خُدا دے خوف نال۔

1 پطرس 3:15 Iomraidhean Croise

اعمال 21:39

پولُس آکھیا، ”مَیں یہُودی ہاں تے کلکیہ دے مشہور شہر تَرسُس دا راہنڑ آلا ہاں۔ مَیں تُہاڈی مِنت کریندا ہاں جو میکُوں لوکاں نال گالھ کرݨ دی اِجازت ڈیؤ۔“

اعمال 24:25

جِیں ویلے او راستبازی، پرہیزگاری تے آوݨ آلی عدالت دے بارے ءچ بیان کریندا پِیا ہا تاں فیلِکس ڈر تے آکھنڑ لگا، ”اجنڑ ایہ بہُوں ہے، تُوں وَنج سگدیں۔ جڈاں میکُوں فُرصت مِلسی تاں مَیں تیکُوں ولا سڈوا گِھنساں۔“

کلُسِّیوں 1:23

پر شرط ایہ ہے جو تُساں آپنڑے اِیمان دی بنیاد اُتے مضبوطی نال قائم راہو تے خوشخبری دی اُوں اُمید کُوں نہ چھوڑو جیہڑی تُہاکُوں خوشخبری سُنڑن نال مِلی ہے۔ خوشخبری دی تبلیغ اسمان دے تلے ساری مخلوقات ءچ کیتی گئی ہے تے مَیں پولُس اُوندا خادم بنڑیا۔

کلُسِّیوں 1:27

خُدا اُنہاں اُتے ایہ ظاہر کرݨ چاہندا ہا جو او راز غیر قوماں کیتے کِتنا بیش قیمت تے جلال آلا ہے۔ تے او راز ایہ ہے جو مسیح جیہڑا جلال دی اُمید ہے، تُہاڈے ءچ راہندے۔

کلُسِّیوں 1:5

ایہ اُنہاں اُمید کیتیاں ہوئیاں برکتاں دی وجہ کنُوں ہے جیہڑیاں تُہاڈے کیتے اسمان اُتے رکھیاں ہِن تے جِیندا ذِکر تُساں خوشخبری دے سچے کلام ءچ پہلے سُنڑ گِھدے،

کلُسِّیوں 4:6

تُہاڈی گُفتگو ایجھی فضل نال بھری تے سوہنڑی ہووے، جو تُہاکُوں ہر بندہ کُوں مناسب جواب ڈیونڑ آ ونجے۔

طِطُس 1:2

تے اُوں ہمیشاں دی زندگی دی اُمید اُتے قائم راہوݨ، جِیندا وعدہ خُدا جیہڑا کُوڑ نئیں مریندا، زمانے دے شروع تھیوݨ کنُوں وی پہلے کر ڈِتے۔

عبرانیوں 3:6

پر مسیح پوتر دی حیثیت نال خُدا دے گھر دا مُختار ہے۔ تے اُوندے گھر آلے اساں ہیں پر شرط ایہ ہے جو اساں اُوں دلیری تے اُمید کُوں مضبوطی نال قائم رکھوں جیندے اُتے اساں فخر کریندے ہیں۔

عبرانیوں 6:1

اِیں واسطے آؤ، اساں مسیح دے بارے ءچ بنیادی تعلیم دے گالھیں کُوں دُہراوݨ چھوڑ تے بالغ ہووݨ دو قدم ودھاؤں۔ اساں موت گِھن آوݨ آلے کماں کنُوں توبہ کرݨ، خُدا اُتے اِیمان رکھنڑ،

1 پطرس 1:17

خُدا، جِیں تُوں تُساں باپ آکھ تے دُعا کریندے ہیوے، بغیر طرفداری دے ہر بندے دے عمل دے مطابق اُوندا اِنصاف کریندے، اِیں واسطے جئیں تئیں تُساں دُنیا ءچ مسافر دے طور تے راہندے ہیوے، خُدا دے خوف ءچ زندگی گُزارو۔

1 پطرس 3:2

جڈاں او آپنڑی ذال دا پاک چال چلنڑ تے اُوندے ءچ خُدا دا خوف ڈیکھسن۔

1 پطرس 3:4

بلکہ تُساں باطنی طور تے یعنی حلیمی تے نرم مزاجی نال آپنڑے آپ کُوں سنوارو۔ اِیں غیرفانی خوبصورتی دی خُدا دی نظر ءچ بہُوں قدر ہے۔