1 پطرس 2:7 - کِتاب مُقدّس سرائیکی ترجمہ

⁷ تُساں اِیمان گِھن آوݨ آلیاں کیتے تاں او قیمتی ہے پر اِیمان نہ گِھن آوݨ آلیاں کیتے نئیں، جِینویں جو لِکھیا ہے جو ”جِیں پتھر کُوں مِستریاں رَد کر ڈِتا اُوہو کونے دے سرے دا پتھر تھی گِیا۔“

1 پطرس 2:7 Iomraidhean Croise

متّی 21:42

یسُوع اُنہاں کُوں آکھیا، ”کیا تُساں خُدا دے کلام ءچ کڈھائیں نئیں پڑھیا جو ’جِیں پتھر کُوں مِستریاں رَد کر ڈِتا۔ اُوہو کونے دے سرے دا پتھر تھی گِیا۔ ایہ رب العالمین دی طرفوں تھیّا تے ساڈی نظر ءچ حیران کُن ہے؟‘

لُوقا 2:32

تاں جو او غیر قوماں کُوں روشنی ڈیوݨ آلا نُور تے تیڈی اُمت اِسرائیل دا جلال بنڑے۔“

لُوقا 2:34

شمعون اُنہاں کیتے دُعائے خیر کیتی تے اُوندی ماء مریم کُوں آکھیا، ”ایہ بال اِسرائیل ءچ بہُوں سارے لوکاں دے ڈھاوݨ تے کھڑے تھیوݨ کیتے مقرر تھئے۔ او ایجھا نشان ہوسی جیندی مخالفت کیتی ویسی،

لُوقا 20:17

یسُوع اُنہاں اُتے نِگاہ کیتی تے آکھیا، ”وَل ایہ کیا لِکھیا ہے جو ’جِیں پتھر کُوں مِستریاں رَد کر ڈِتا اُوہو کونے دے سرے دا پتھر تھی گِیا؟‘

یُوحنّا 4:42

اُنہاں اُوں عورت کُوں آکھیا، ”ہُنڑ اساں تیڈے آکھنڑ تے ای اِیمان نئیں گِھن آئے کیوں جو اساں خود سُنڑ گِھدے تے جانڑدے ہیں جو ایہ فی الحقیقت دُنیا دا نجات ڈیوݨ آلا ہے۔“

اعمال 26:19

اِیں واسطے اگرِپّا بادشاہ! مَیں اُوں اسمانی رویا دا نافرمان نئیں تھیّا۔

رومیوں 10:21

پر بنی اِسرائیل دے بارے ءچ او فرمیندا ہے جو ”سارا ڈینہہ مَیں باغی تے ضِدی قوم کیتے آپنڑے ہتھ ودھائی ریہا۔“

رومیوں 15:31

دُعا کرو جو مَیں یہُودیہ دے غیر اِیمانداراں کنُوں بچیا راہاں تے میڈی خدمت یروشلیم دے مُقدّساں کُوں پسند آوے۔

2کُرِنتھِیوں 2:16

کُجھ لوکاں کیتے تاں موت ڈیوݨ آلی بدبُو تے کُجھ لوکاں کیتے زندگی ڈیوݨ آلی خوشبو ہیں۔ تے کوݨ اِیں کم دے لائق ہے؟

کلُسِّیوں 2:10

تے تُساں مسیح ءچ معمُور تھی گئے ہیوے جیہڑا ہر حکُومت تے اِختیار دا سر ہے۔

طِطُس 3:3

اساں وی ہِک وقت نادان، نافرمان تے گُمراہ ہسے تے ہر طرحاں دیاں خواہشاں تے عیاشیاں دی غُلامی ءچ ہسے، تے کینہ تے حسد ءچ زندگی گُزریندے پئے ہسے۔ ڈُوجھے ساڈے تُوں نفرت کریندے ہَن تے اساں ڈُوجھیاں تُوں۔

عبرانیوں 11:31

اِیمان دی وجہ کنُوں ای راحب طوائف اِسرائیلی جاسُوساں کُوں سلامتی نال قبول کیتا تے اِیں واسطے او نافرماناں دے نال ہلاک تھیوݨ تُوں بچ گئی۔

عبرانیوں 4:11

اِیں واسطے آؤ، اساں اُوں ارام ءچ داخل تھیوݨ دی پُوری کوشش کرُوں تاں جو کوئی بندہ پِیُو ڈاڈا دے نافرمانی دے نمونے اُتے ٹُر تے، ڈھے نہ پووے۔

1 پطرس 1:8

تُساں یسُوع کُوں نئیں ڈِٹھا وَل وی اُوندے نال محبت کریندے ہیوے۔ بھانویں تُساں اِیں وقت اُونکُوں نئیں ڈیدھے، وَل وی اُوندے اُتے اِیمان رکھیندے ہوئے ایجھی خوشی منیندے ہیوے جیہڑی بیان تُوں باہر تے جلال آلی ہے۔

1 پطرس 2:4

تُساں مسیح دے یعنی اُوں زندہ پتھر دے کولھ آندے پئے ہیوے، جِینکُوں اِنساناں رَد کر ڈِتا ہا، پر خُدا چُنڑ گِھدا تے قیمتی سمجھیا۔

1 پطرس 2:8

تے او ”تُھڈا لواوݨ دا ہِک پتھر تے ٹھوکر کھواوݨ دی ہِک چٹان بنڑ گِیا۔“ او کلام اُتے اِیمان نہ گِھن آوݨ دی وجہ کنُوں تُھڈا کھاندے ہِن۔ تے اِیہو کُجھ اُنہاں دا مُقدر وی ہا۔