1 پطرس 2:21 - کِتاب مُقدّس سرائیکی ترجمہ

²¹ تُساں اِیں کیتے ای سڈے گئے ہیوے، کیوں جو مسیح تُہاڈے کیتے ڈُکھ چا تے ہِک نمونہ چھوڑ گِیا تاں جو تُساں اُوندے نقش ِ قدم اُتے ٹُرو۔

1 پطرس 2:21 Iomraidhean Croise

متّی 10:38

تے جیہڑا کوئی آپنڑی صلیب چا تے میڈے پِچُھوں نئیں ٹُردا او میڈے لائق نئیں۔

متّی 11:29

میڈی پنجالی چا گِھنو تے میڈے کنُوں سِکھو۔ کیوں جو مَیں نرم تے دل دا فروتن ہاں۔ وَل تُہاکُوں آرام مِل سی۔

متّی 16:24

اُوں ویلے یسُوع آپنڑے شاگرداں کُوں آکھیا، ”جے کوئی میڈی پیروی کرݨ چاہندے تاں او آپنڑی خُودی دا اِنکار کرے تے آپنڑی صلیب چا تے میڈے پِچُھوں تھی پووے۔

لُوقا 24:26

کیا المسیح کیتے لازم نہ ہا جو او ڈُکھاں کُوں برداشت کرݨ تُوں بعد آپنڑے جلال ءچ داخل تھیندا؟“

یُوحنّا 13:15

کیوں جو مَیں تُہاکُوں ہِک نمونہ ڈِتے جو جِینویں مَیں کیتے، تُساں وی اُونویں ای کرو۔

یُوحنّا 16:33

مَیں تُہاڈے نال ایہ گالھیں اِیں واسطے کیتیاں ہِن جو تُساں میڈے ءچ اِطمینان پاؤ۔ دُنیا ءچ ڈُکھ چیندے ہیوے پر حوصلہ رکھو، مَیں دُنیا اُتے غالب آیا ہاں۔“

اعمال 14:22

تے شاگرداں دے دِلاں کُوں مضبوط کریندے تے ایہ نصیحت کریندے ہَن جو ”آپنڑے اِیمان اُتے قائم راہو“ تے آدھے ہَن ”ضرور ہے جو اساں بہُوں ساریاں مُصیبتاں سہہ تے خُدا دی بادشاہی ءچ داخل تھیؤں۔“

اعمال 17:3

او اُوندا مطلب واضح کریندا تے ثابت کریندا ہا جو ”المسیح دا ڈُکھ چاوݨ تے مُردیاں ءچوں زندہ تھیوݨ لازمی ہا“ تے ایہ جو ”جِیں یسُوع دی تبلیغ مَیں کریندا ہاں اُوہو المسیح ہے۔“

اعمال 9:16

تے مَیں اُونکُوں ڈِکھا ڈیساں جو میڈے ناں دی خاطر اُونکُوں کتنا ڈُکھ جھلنڑا پوسی۔“

رومیوں 8:29

کیوں جو جِنہاں کُوں خُدا پہلے کنُوں جانڑیا، اُنہاں کُوں اُوں پہلے کنُوں مقرر وی کیتا جو او اُوندے پوتر آلی کار بنڑݨ تاں جو اُوندا پوتر بہُوں سارے بِھرانواں ءچوں پلیٹھی دا ہووے۔

1کُرِنتھِیوں 11:1

تُساں میڈے نمونے اُتے ٹُرو جِینویں مَیں مسیح دے نمونے اُتے ٹُردا ہاں۔

اِفِسیوں 5:2

تے تُساں وی محبت نال زندگی گُزارو جِینویں مسیح ساڈے نال محبت کیتی تے ساڈے کیتے آپنڑے آپ کُوں خوشبو دار نذرانہ تے قُربانی دے طور تے خُدا کُوں ڈے ڈِتا۔

فِلِپّیوں 2:5

تُہاڈا مزاج اُونویں ای ہووے جِینویں مسیح یسُوع دا ہا۔

1تھِسّلُنیکیوں 3:3

تاں جو اِنہاں مُصیبتاں دے سببّوں کوئی گھبرا نہ ونجے، کیوں جو تُساں خود جانڑدے ہیوے جو اساں اِنہاں کیتے مقرر کیتے گئے ہیں۔

1تھِسّلُنیکیوں 4:2

کیوں جو تُساں جانڑدے ہیوے جو اساں خُداوند یسُوع دی طرفوں تُہاکُوں کیا کیا حُکم ڈِتے۔

2 تِیمُتھِیُس 3:12

اصل ءچ سبھ لوک جیہڑے مسیح یسُوع ءچ دینداری دی زندگی گُزارݨ چاہندے ہِن، او سبھ ستائے ویسن۔

عبرانیوں 2:10

کیوں جو مناسب ہا جو خُدا جیندے کیتے تے جیندے وسیلے نال سبھ چیزاں موجود ہِن، جِیں ویلے او بہُوں سارے فرزنداں کُوں آپنڑے جلال ءچ شامل کرے تاں اُنہاں دی نجات دے بانی یسُوع کُوں ڈُکھاں دے ذریعے کامِل بنڑاوے۔

1 پطرس 1:20

خُدا مسیح کُوں دُنیا بنڑاوݨ تُوں پہلے مقرر کیتا پر تُہاڈے کیتے اُونکُوں اِیں آخری زمانے ءچ ظاہر کیتا۔

1 پطرس 2:24

او خود آپنڑے ای بدن اُتے ساڈے گُناہاں دا بھار چا تے صلیب اُتے چڑھ گِیا تاں جو اساں گُناہاں دے اعتبار نال مر تے راستبازی دے اعتبار نال زندہ تھی ونجُوں۔ ”اُوندے زخماں تُوں تُہاکُوں شِفا مِلی ہے۔“

1 پطرس 3:18

کیوں جو مسیح جیہڑا راستباز ہا، بدکاراں دے گُناہاں دی خاطر ہمیشاں کیتے ہِکے پھیری ڈُکھ چاتا تاں جو ساکُوں خُدا تئیں پُچا ڈیوے۔ او جِسم دے اعتبار نال تاں ماریا گِیا پر رُوح دے اعتبار نال زندہ کیتا گِیا۔

1 پطرس 3:9

بُرائی دے بدلے بُرائی نہ کرو، تے مندھے دا جواب مندھے نال نہ ڈیؤ بلکہ اِیندے بجائے ڈُوجھیاں کیتے برکت چاہو کیوں جو خُدا تُہاکُوں برکت دے وارث تھیوݨ کیتے سڈیا ہے۔

1 پطرس 4:1

جڈاں مسیح جِسمانی طور تے ڈُکھ چاتا تاں تُساں وی اُوں وانگُوں ڈُکھ چاوݨ کیتے تیار راہو کیوں جو جئیں وی مسیح دی خاطر ڈُکھ سہے، اُوں گُناہ کُوں چھوڑ ڈِتے۔

1 پطرس 4:13

بلکہ خوشی مناؤ جو تُساں مسیح دے ڈُکھاں ءچ شریک تھی گئے ہیوے تاں جو جِیں ویلے اُوندا جلال ظاہر تھیوے تاں تُساں مزید وی خوش تھی سگو۔

1 یُوحنّا 2:6

جیہڑا کوئی آدھے جو میں خُدا ءچ قائم ہاں تاں اُونکُوں چاہیدے جو او وی اُونویں ای زندگی گُزارے جِینویں مسیح گُزاری۔

1 یُوحنّا 3:16

اساں محبت کُوں اِیں تُوں جانڑیا ہے جو یسُوع مسیح ساڈے کیتے آپنڑی جان قُربان کر ڈِتی۔ تے ساڈے اُتے وی ایہ فرض ہے جو اساں آپنڑے بِھرانواں کیتے آپنڑی جان قُربان کرُوں۔

مُکاشفہ 12:11

او لوک لیلے دے خون تے آپنڑی گواہی ڈیوݨ دے سببّوں اُوندے اُتے غالب آئے، اُنہاں آپنڑیاں زندگیاں کُوں عزیز نہ سمجھیا، اِتُھوں تئیں جو موت کُوں گَل لا گِھدا۔