1 پطرس 2:11 - کِتاب مُقدّس سرائیکی ترجمہ

¹¹ عزیزو، مَیں تُہاڈی مِنت کریندا ہاں جو تُساں جیہڑے اِیں دُنیا ءچ پردیسیاں تے مسافراں وانگُوں ہیوے، اُنہاں بُریاں خواہشاں کنُوں دُور راہو جیہڑیاں تُہاڈے نال لڑائی کریندیاں راہندیاں ہِن۔

1 پطرس 2:11 Iomraidhean Croise

لُوقا 21:34

بس خبردار راہو، اِینویں نہ تھیوے جو تُہاڈے دل عیاشی تے شراب پِیوݨ تے اِیں زندگی دیاں فِکراں ءچ سُست تھی ونجنڑ تے او ڈینہہ تُہاڈے اُتے پھندے وانگُوں اچانک آ ونجے۔

اعمال 15:20

پر اُنہاں کُوں خط لِکھ تے ایہ ڈساؤں جو او بُتاں کُوں نذر کیتیاں ہوئیاں چیزاں تے حرام کاری تے گَل گُھٹ تے مارے ہوئے جانوراں تے خون کنُوں پرہیز کرݨ۔

اعمال 15:29

جو تُساں بُتاں دیاں قُربانیاں دے گوشت، خون تے گلا گُھٹ تے مارے ہوئے جانوراں دے گوشت تے حرام کاری کنُوں پرہیز کرو۔ جے تُساں آپنڑے آپ کُوں اِنہاں چیزاں کنُوں بچائی رکھیسو تاں چنگا کریسو۔ والسّلام۔

رومیوں 12:1

بس بِھراؤ! مَیں خُدا دیاں رحمتاں دا واسطہ ڈے تے تُہاڈی مِنت کریندا ہاں جو آپنڑے جِسم ہِک ایجھی قُربانی دے طور تے پیش کرو جیہڑی زندہ، پاک تے خُدا دی پسندیدہ ہے۔ اِیہو تُہاڈی مناسب عبادت ہے۔

رومیوں 7:23

پر میکُوں آپنڑے انگاں ءچ ہِک بئی شریعت نظر آندی ہے جیہڑی میڈی عقل دی شریعت نال لڑ تے میکُوں گُناہ دی اُوں شریعت دا قیدی بنڑا ڈیندی ہے جیہڑی میڈے انگاں ءچ کم کریندی ہے۔

رومیوں 8:13

کیوں جو جے تُساں جِسمانی فطرت دے مطابق زندگی گُزریسو تاں ضرور مرسو پر جے رُوح القُدس دے ذریعے جِسم دے بُرے کماں کُوں مریسو تاں تُساں زندہ راہسو۔

2کُرِنتھِیوں 5:20

اِیں واسطے اساں مسیح دے ایلچی ہیں جِینویں جو خُدا ساڈے ذریعے لوکاں کُوں سمجھیندے۔ تے اساں مسیح دی طرفوں تُہاڈی مِنت کریندے ہیں جو ”خُدا نال صُلح کر گِھنو۔“

2کُرِنتھِیوں 6:1

اساں جیہڑے خُدا دے کم ءچ شریک ہیں تُہاڈی مِنت کریندے ہیں جو خُدا دے اُوں فضل کُوں جیہڑا تُہاڈے اُتے تھئے بے فائدہ نہ تھیوݨ ڈیؤں۔

2کُرِنتھِیوں 7:1

عزیزو، ساڈے نال ایجھے وعدے کیتے گئے ہِن، اِیں واسطے آؤ اساں آپنڑے آپ کُوں جِسم تے رُوح کُوں ناپاک کرݨ آلی ہر چیز کنُوں پاک کرُوں تے خُدا دا خوف منیندے ہوئے آپنڑی پاکیزگی کُوں کمال تئیں پُچاؤں۔

گلتِیوں 5:24

تے جیہڑے مسیح یسُوع دے ہِن اُنہاں آپنڑی اِنسانی فطرت کُوں اُوندے جذبات تے بُریاں خواہشاں سمیت صلیب اُتے چڑھا ڈِتے۔

اِفِسیوں 2:19

بس ہُنڑ تُساں پردیسی تے اجنبی نئیں ریہے بلکہ خُدا دے مُقدّساں دے ہم وطن تے خُدا دے گھرانڑے دے لوک بنڑ گئے ہیوے۔

اِفِسیوں 4:1

بس مَیں جیہڑا خُداوند یسُوع دی خاطر قید ءچ ہاں، تُہاڈی مِنت کریندا ہاں جو اُوں بُلاوے دے لائق زندگی گُزارو جیندے کیتے خُدا تُہاکُوں سڈے۔

2 تِیمُتھِیُس 2:22

جوانی دیاں بُریاں خواہشاں کنُوں بھج۔ جیہڑے لوک پاک دل نال خُداوند تُوں دُعا کریندے ہِن اُنہاں دے نال رَل تے راستبازی، اِیمان، محبت تے صُلح دے پِچُھوں لگا رہ۔

عبرانیوں 11:13

ایہ سارے لوک اِیمان رکھیندے ہوئے مر گئے تے وعدہ کیتیاں ہوئیاں چیزاں نہ پاتیاں، بلکہ صرف دُور کنُوں ای ڈیکھ تے خوش تھئے، تے اِقرار کیتا جو اساں زمین اُتے پردیسی تے مسافر ہیں۔

عبرانیوں 6:9

عزیزو! بھانویں اساں ایہ گالھیں آدھے ہیں، وَل وی اساں تُہاڈے کیتے اِنہاں کنُوں چنگے گالھیں دا یقین رکھیندے ہیں جِنہاں دا تعلق نجات نال ہے۔

یعقُوب 4:1

تُہاڈے ءچ لڑائیاں تے جھیڑے کِتھوں آ گئے۔ کیا او اُنہاں نفسانی خواہشاں تُوں نئیں جیہڑیاں تُہاڈے ءچ فساد پیدا کریندیاں ہِن؟

1 پطرس 1:1

ایہ خط میں پطرس دی طرفوں ہے جیہڑا یسُوع مسیح دا رسُول ہاں، خُدا دے اُنہاں چُنڑے ہوئے لوکاں دے ناں جیہڑے پردیسیاں آلی کار پُنطُس، گلِتیہ، کپَدُکیہ، آسِیہ تے بتُھنیہ ءچ جاہ جاہ تے راہندے ہِن۔

1 پطرس 1:17

خُدا، جِیں تُوں تُساں باپ آکھ تے دُعا کریندے ہیوے، بغیر طرفداری دے ہر بندے دے عمل دے مطابق اُوندا اِنصاف کریندے، اِیں واسطے جئیں تئیں تُساں دُنیا ءچ مسافر دے طور تے راہندے ہیوے، خُدا دے خوف ءچ زندگی گُزارو۔

1 پطرس 4:12

عزیزو! جیہڑی مُصیبت بھاہ آلی کار تُہاڈی ازمائش کیتے تُہاڈے اُتے آئی ہے اُوندے تُوں حیران تھی تے ایہ نہ سوچو جو ساڈے نال انوکھی گالھ تھئی ہے۔

1 پطرس 4:2

ہُنڑ او دُنیا ءچ آپنڑی باقی زندگی اِنسانی بُریاں خواہشاں دے مطابق نئیں بلکہ خُدا دی مرضی دے مطابق گُزارے۔

2 پطرس 3:1

عزیزو! ایہ ڈُوجھا خط ہے جیہڑا مَیں تُہاکُوں لِکھدا پِیا ہاں۔ مَیں ڈُوہائیں خطاں ءچ تُہاڈی یاداشت کُوں تازہ کر تے تُہاڈے ذہناں ءچ پاک سوچ کُوں اُبھارݨ دی کوشش کیتی۔