1 پطرس 1:7 - کِتاب مُقدّس سرائیکی ترجمہ

⁷ تاں جو تُہاڈا ازمایا ہویا اِیمان جیہڑا بھاہ نال خالص کیتے ہوئے فانی سونے تُوں وی بہُوں قیمتی ہے، اصلی ثابت تھی ونجے تے یسُوع مسیح دے ظہور دے ڈینہہ تعریف، جلال تے عزت مِلنڑ دا سبب ہووے۔

1 پطرس 1:7 Iomraidhean Croise

متّی 19:28

یسُوع اُنہاں کُوں آکھیا، ”مَیں تُہاکُوں سچ آدھا ہاں جو نوِیں دُنیا ءچ جِیں ویلے اِبنِ آدم آپنڑے جلالی تخت اُتے بَہسی تاں تُساں وی جیہڑے میڈے پِچُھوں تھی پئے ہیوے بارہاں تختاں اُتے بہہ تے بنی اِسرائیل دے بارہاں قبیلیاں دا اِنصاف کریسو۔

متّی 25:21

اُوندے مالک اُونکُوں آکھیا، ’شاباش میڈے چنگے تے اِیماندار نوکر۔ تُوں تھوڑے ءچ اِیماندار ریہا۔ مَیں تیکُوں بہُوں ساریاں چیزاں دا مُختار بنڑیساں۔ آپنڑے مالک دی خوشی ءچ شریک تھی۔‘

متّی 25:23

اُوندے مالک اُونکُوں آکھیا، ’شاباش میڈے چنگے تے اِیماندار نوکر۔ تُوں تھوڑے ءچ اِیماندار ریہا، مَیں تیکُوں بہُوں ساریاں چیزاں دا مُختار بنڑیساں۔ آپنڑے مالک دی خوشی ءچ شریک تھی۔‘

لُوقا 12:33

آپنڑا مال ویچ تے خیرات کر ڈیؤ۔ تے آپنڑے کیتے ایجھے بٹوے بنڑاؤ جیہڑے پُرانڑے نئیں تھیندے یعنی اسمان اُتے ایجھا خزانہ جیہڑا خالی نئیں تھیندا، جِتھاں چور نئیں پُج سگدا تے کیڑا خراب نئیں کریندا۔

لُوقا 17:30

اِبنِ آدم دے ظاہر تھیوݨ دے ڈینہہ وی اِینویں ای تھیسی۔

یُوحنّا 12:26

جے کوئی میڈی خدمت کرݨ چاہندے، اُونکُوں ضرور ہے جو میڈی پیروی کرے، تے جِتھاں مَیں ہاں اُتھاں میڈا خادم وی ہوسی۔ جے کوئی میڈی خدمت کرے تاں میڈا باپ اُوندی عزت کریسی۔

یُوحنّا 5:44

تُساں ہِک ڈُوجھے کنُوں عزت چاہندے ہیوے، تے جیہڑی عزت خُدائے واحد دی طرفوں مِلدی ہے اُونکُوں حاصل کرݨ نئیں چاہندے۔ تُساں کِینویں اِیمان گِھن آ سگدے ہیوے؟

اعمال 8:20

پطرس اُونکُوں آکھیا ”تیڈے پیسے تیڈے نال برباد تھیوݨ، کیوں جو تُوں خُدا دی نعمت کُوں پیسیاں نال گِھننڑ دا خیال کیتا۔

رومیوں 2:10

پر ہر اُوں بندے کُوں جیہڑا نیکی کریندے جلال، عزت تے سکون مِلسی، پہلے یہُودی کُوں ولا غیریہُودی کُوں۔

رومیوں 2:29

بلکہ یہُودی اُوہو ہے جیہڑا دِلی طور تے یہُودی ہے تے ختنہ اُوہو ہے جیہڑا دل دا تے رُوحانی ہے نہ جو لِکھے ہوئے حُکم دا۔ ایجھے اِنسان دی تعریف آدمیاں دی طرفوں نئیں بلکہ خُدا دی طرفوں ہوندی ہے۔

رومیوں 2:7

جیہڑے نیک کماں ءچ قائم رہ تے جلال، عزت تے ختم نہ ہووݨ آلی زندگی دے طالب ہِن اُنہاں کُوں ہمیشاں دی زندگی ڈیسی۔

رومیوں 8:19

کیوں جو ساری مخلوق بہُوں شوق نال خُدا دے پوتراں دے ظاہر تھیوݨ دے اِنتظار ءچ ہے۔

1کُرِنتھِیوں 3:13

اُوندے کم کُوں بھاہ عدالت دے ڈینہہ ظاہر کر ڈیسی کیوں جو بھاہ کم کُوں ازما تے ثابت کریسی جو کیجھا ہے۔

1کُرِنتھِیوں 4:5

اِیں واسطے تُساں وقت کنُوں پہلے کہیں گالھ دا فیصلہ نہ کرو بلکہ خُداوند دے آوݨ دا انتظار کرو۔ جیہڑے گالھیں اندھارے ءچ لُکے ہوئے ہِن او اُنہاں کُوں روشنی ءچ گِھن آسی تے لوکاں دے دل دے منصوبے ظاہر کریسی۔ اُوں ویلے ہر ہِک دی تعریف خُدا دی طرفوں کیتی ویسی۔

یعقُوب 1:12

مُبارک ہے او بندہ جیہڑا ازمائش ویلے ثابت قدم راہندے، کیوں جو کامیاب تھیوݨ اُتے اُونکُوں اِنعام ءچ زندگی دا او تاج مِلسی جِیندا وعدہ خُداوند آپنڑے سبھ پیار کرݨ آلیاں نال کیتے۔

1 پطرس 1:13

اِیں واسطے ذہنی طور تے تیار تے ہوشیار تھی ونجو تے اُوں فضل اُتے پُوری اُمید رکھو جیہڑا یسُوع مسیح دے ظہور ویلے تُہاڈے اُتے تھیسی۔

1 پطرس 1:5

خُدا آپنڑی قُدرت دے ذریعے تے تُہاڈے اِیمان دے وسیلہ نال تُہاڈی حفاظت کریندا راہسی جئیں تئیں تُہاکُوں او نجات نہ مِل ونجے جیہڑی آخرت ءچ ظاہر تھیوݨ آلی ہے۔

1 پطرس 2:4

تُساں مسیح دے یعنی اُوں زندہ پتھر دے کولھ آندے پئے ہیوے، جِینکُوں اِنساناں رَد کر ڈِتا ہا، پر خُدا چُنڑ گِھدا تے قیمتی سمجھیا۔

1 پطرس 2:7

تُساں اِیمان گِھن آوݨ آلیاں کیتے تاں او قیمتی ہے پر اِیمان نہ گِھن آوݨ آلیاں کیتے نئیں، جِینویں جو لِکھیا ہے جو ”جِیں پتھر کُوں مِستریاں رَد کر ڈِتا اُوہو کونے دے سرے دا پتھر تھی گِیا۔“

1 پطرس 4:12

عزیزو! جیہڑی مُصیبت بھاہ آلی کار تُہاڈی ازمائش کیتے تُہاڈے اُتے آئی ہے اُوندے تُوں حیران تھی تے ایہ نہ سوچو جو ساڈے نال انوکھی گالھ تھئی ہے۔

1 پطرس 4:13

بلکہ خوشی مناؤ جو تُساں مسیح دے ڈُکھاں ءچ شریک تھی گئے ہیوے تاں جو جِیں ویلے اُوندا جلال ظاہر تھیوے تاں تُساں مزید وی خوش تھی سگو۔

1 پطرس 5:1

تُساں جیہڑے کلیسیا دے بزُرگ ہیوے، میں تُہاکُوں ہِک بزُرگ، مسیح دے ڈُکھاں دا گواہ، تے اُوندے ظاہر تھیوݨ آلے جلال ءچ شریک تھیوݨ آلے دی حیثیت نال ایہ نصیحت کریندا ہاں جو

2 پطرس 1:1

ایہ خط میں شمعون پطرس دی طرفوں جیہڑا یسُوع مسیح دا خادم تے رسُول ہاں، اُنہاں لوکاں دے ناں ہے جِنہاں ساڈے خُدا تے نجات ڈیوݨ آلے یسُوع مسیح دی راستبازی دے ذریعے ساڈے وانگُوں قیمتی اِیمان حاصل کیتے۔

2 پطرس 1:4

اِنہاں دے ذریعے اُوں ساڈے نال قیمتی تے بہُوں وڈے وعدے کیتے تاں جو اُنہاں دے وسیلہ نال تُساں اِیں دُنیاوی خرابی کنُوں جیہڑی بُری خواہش دے سببّوں ہے، چُھٹ تے خُدا دی اِلٰہی ذات ءچ شریک تھی ونجو۔

2 پطرس 3:14

بس عزیزو، کیوں جو تُساں اِنہاں گالھیں دے اِنتظار ءچ ہیوے، اِیں واسطے پُوری کوشش کرو جو تُساں خُدا دے نال صُلح ءچ اُوندے نزدیک بے داغ تے بے اِلزام تے ثابت تھیؤ۔

یہُوداہ 1:24

ہُنڑ جیہڑا تُہاکُوں گُمراہی تُوں بچا سگدے تے آپنڑی جلال آلی حضُوری ءچ بہُوں وڈی خوشی نال بے عیب بنڑا تے پیش کر سگدے،

مُکاشفہ 1:7

”ڈیکھو او بدلاں اُتے آوݨ آلا ہے تے ہر اکھ اُونکُوں ڈیکھسی جِنہاں اُونکُوں چھیدیا ہا او وی ڈیکھسن تے زمین دیاں سبھ قوماں اُوندے سببّوں دھاڑپِٹ کریسن ہا، اِینویں ای تھیوے۔ آمین۔“

مُکاشفہ 2:10

جیہڑے ڈُکھ تیکُوں سہنڑے ہوسن اُنہاں کنُوں نہ ڈر۔ ڈیکھ ابلیس تیڈے لوکاں ءچوں کُجھ کُوں قید ءچ بند کراوݨ آلا ہے تاں جو تیکُوں ازماوے تے تُوں ڈاہ ہِک ڈینہہ تئیں مُصیبت چانویں۔ جان ڈیوݨ تئیں وفادار رہ تاں مَیں تیکُوں زندگی دا تاج ڈیساں۔

مُکاشفہ 3:10

تَیں میڈے صبر کرݨ دے بارے ءچ کلام اُتے عمل کیتے، اِیں واسطے مَیں وی ازمائش دے اُوں ویلے جیہڑا ساری دُنیا اُتے آوݨ آلا ہے، تیڈی حفاظت کریساں۔

مُکاشفہ 3:18

میڈا مشورہ ایہ ہے جو مَیں کنُوں بھاہ ءچ خالص کیتا ہویا سونا مُل گِھن چا، تاں جو دولت مند تھی ونجیں تے مَیں کنُوں چِٹے کپڑے گِھن چا، تاں جو اُنہاں کُوں پا تے تیکُوں ننگا تھیوݨ دے سببّوں شرمندہ نہ تھیونڑا پووے تے آپنڑے اکھیں ءچ پاوݨ کیتے سُرمہ گِھن چا، تاں جو ڈیکھ سگیں۔