24 جِینویں کلام ءچ لِکھیا ہے جو ”ہر بندہ گھاہ آلی کار ہے اُوندی ساری شان گھاہ دے پُھل وانگُوں ہے گھاہ سُک ویندی تے پُھل ڈھے ویندے
بس جِیں ویلے خُدا میدان دی گھاہ کُوں جیہڑی اَج ہے تے کل تنُور ءچ سَٹ ڈِتی ویسی ایجھی پُشاک پویندے، تاں کمزور اِیمان آلیو! کیا تُہاکُوں نہ پویسی؟
تُساں نئیں جانڑدے جو کل کیا تھیسی۔ تُہاڈی زندگی ہے ای کیا؟ بُخارات آلی کار ہے۔ ہُنڑیں نظر آئے، ہُنڑیں غیب تھی گئے۔
دُنیا تے اُوندیاں خواہشاں ڈوہائیں ختم تھی ویندیاں ہِن پر جیہڑا خُدا دی مرضی اُتے ٹُردے، او ہمیشاں تئیں قائم راہندے۔