1 پطرس 1:23 - کِتاب مُقدّس سرائیکی ترجمہ

²³ تُساں فانی بیج کنُوں نئیں بلکہ غیرفانی بیج کنُوں، خُدا دے کلام دے وسیلے نال نویں سرے تُوں پیدا تھئے ہیوے، جیہڑا زندہ تے ہمیشاں تئیں قائم ہے۔

1 پطرس 1:23 Iomraidhean Croise

متّی 24:35

اسمان تے زمین ٹَل ویسن پر میڈے گالھیں کڈھائیں نہ ٹَلسن۔

لُوقا 8:11

اُوں مثال دا مطلب ایہ ہے۔ بیج خُدا دا کلام ہے۔

یُوحنّا 1:13

او نہ خون کنُوں، نہ جِسمانی خواہش کنُوں تے نہ اِنسان دے اِرادے کنُوں بلکہ خُدا کنُوں پیدا تھئے۔

یُوحنّا 1:3

سبھ چیزاں اُوندے وسیلے خلق تھیّاں تے جیہڑا کُجھ خلق تھئے، اُنہاں ءچوں کوئی چیز اُوندے بغیر خلق نئیں تھئی۔

یُوحنّا 3:3

یسُوع جواب ءچ اُونکُوں آکھیا، ”مَیں تیکُوں سچ آدھا ہاں جو جئیں تئیں کوئی نویں سرے تُوں پیدا نہ تھیوے، او خُدا دی بادشاہی کُوں ڈیکھ نئیں سگدا۔“

یُوحنّا 3:5

یسُوع جواب ڈِتا، ”مَیں تیکُوں سچ آدھا ہاں جو جئیں تئیں کوئی بندہ پانڑی تے رُوح نال پیدا نہ تھیوے او خُدا دی بادشاہی ءچ داخل نئیں تھی سگدا۔

یُوحنّا 6:63

زندہ کرݨ آلی تاں رُوح ہے، اِنسانی طاقت کنُوں کُجھ نئیں تھی سگدا۔ جیہڑے گالھیں مَیں تُہاکُوں آکھیاں ہِن، او رُوح ہِن تے زندگی وی ہِن۔

رومیوں 1:23

تے غیرفانی تے جلالی خُدا دی بجائے فانی اِنسان، پکھیاں، ڈھورڈنگراں تے کیڑے مکوڑیاں دی پُوجا کیتی۔

عبرانیوں 4:12

کیوں جو خُدا دا کلام زندہ تے موثر ہے۔ او ہر ڈُو دھاری تلوار کنُوں زیادہ تیز ہے، اِتُھوں تئیں جو جان تے رُوح، تے جوڑاں تے مِکھ کُوں چِیردا ہویا لنگھ ویندے، تے دل دے خیالاں تے اِرادیاں کُوں پرکھدے۔

یعقُوب 1:18

اُوں آپنڑی مرضی نال ساکُوں سچائی دے کلام دے وسیلے نال پیدا کیتا تاں جو اساں اُوندی مخلوقات ءچوں پہلے پھل وانگُوں خاص تھیؤں۔

1 پطرس 1:25

پر خُداوند دا کلام ہمیشاں تئیں قائم راہندے۔“ ایہ اُوہو خوشخبری دا کلام ہے جیہڑا تُہاکُوں سُنڑایا گئے۔

1 پطرس 1:3

ساڈے خُداوند یسُوع مسیح دے خُدا تے باپ دی حمد تھیوے۔ اُوں یسُوع مسیح کُوں مُردیاں ءچوں زندہ کر تے آپنڑی وڈی رحمت نال ساکُوں نویں سرے تُوں پیدا کیتا، تے ہُنڑ ساکُوں ہِک زندہ اُمید مِلی ہے

1 یُوحنّا 3:9

جیہڑا کوئی خُدا تُوں پیدا تھئے، او گُناہ نئیں کریندا راہندا کیوں جو اُوندے ءچ خُدا دی فطرت راہندی ہے۔ اُوندے کیتے گُناہ کرݨ ناممکن ہے کیوں جو او خُدا دا پوتر ہے۔

1 یُوحنّا 5:18

اساں جانڑدے ہیں جو جیہڑا کوئی خُدا دا فرزند بنڑ گئے، او گُناہ نئیں کریندا راہندا کیوں جو خُدا دا پوتر اُوندی حفاظت کریندے تے ابلیس اُونکُوں نُقصان نئیں پُچا سگدا۔