1 پطرس 1:22 - کِتاب مُقدّس سرائیکی ترجمہ

²² تُساں سچائی دے تابع تھی تے آپنڑے آپ کُوں پاک کیتے، جیندی وجہ کنُوں بِھرانواں ءچ سچی محبت پیدا تھئی۔ اِیں واسطے آپس ءچ دل و جان نال محبت رکھو۔

1 پطرس 1:22 Iomraidhean Croise

یُوحنّا 15:17

مَیں اِنہاں گالھیں دا حُکم تُہاکُوں اِیں واسطے ڈیندا ہاں جو تُساں ہِک ڈُوجھے نال محبت رکھو۔

یُوحنّا 15:3

تُساں اُوں کلام دے سببّوں جیہڑا مَیں تُہاڈے نال کیتے پاک تھی گئے ہیوے۔

یُوحنّا 17:17

سچائی دے وسیلہ اُنہاں کُوں آپنڑے کیتے وقف کر ڈے۔ تیڈا کلام سچائی ہے۔

یُوحنّا 17:19

مَیں آپنڑے آپ کُوں اُنہاں دی خاطر وقف کریندا ہاں تاں جو او وی سچائی دے وسیلے وقف کیتے ونجنڑ۔

اعمال 15:9

تے اِیمان دے وسیلہ نال اُنہاں دے دل پاک کر تے ساڈے ءچ تے اُنہاں ءچ کوئی فرق نئیں کیتا۔

اعمال 6:7

خُدا دا کلام پھیلدا ریہا تے یروشلیم ءچ شاگرداں دی تعداد بہُوں ای ودھ گئی تے بہُوں سارے کاہِن اِیمان گِھن آئے۔

رومیوں 1:5

جیندے وسیلے تے ناں دی خاطر ساکُوں فضل تے رسُول ہووݨ دی ذمہ داری مِلی، تاں جو سبھ قوماں ءچوں لوک اِیمان گِھن آ تے یسُوع دے تابع تھی ونجنڑ۔

رومیوں 2:8

پر جیہڑے خود غرض ہِن تے سچائی کُوں چھوڑ تے بُرائی دے پِچُھوں چلدے ہِن اُنہاں اُتے قہر تے عذاب نازل تھیسی۔

رومیوں 8:13

کیوں جو جے تُساں جِسمانی فطرت دے مطابق زندگی گُزریسو تاں ضرور مرسو پر جے رُوح القُدس دے ذریعے جِسم دے بُرے کماں کُوں مریسو تاں تُساں زندہ راہسو۔

2کُرِنتھِیوں 6:6

پاکیزگی، علم، تحمل، مہربانی، رُوح القُدس، سچی محبت،

گلتِیوں 3:1

نادان گلِتیو! تُہاڈے اُتے کئیں جادُو کر ڈِتے؟ تُہاڈے سامنڑے یسُوع مسیح تے اُوندی صلیبی موت کُوں اِتنی صفائی نال پیش کیتا گئے جِینویں ایہ تُہاڈے اکھیں دے سامنڑے تھیّا ہووے۔

گلتِیوں 5:5

پر اساں رُوح القُدس دے وسیلے اِیمان نال راستباز تھیوݨ دے انتظار ءچ ہیں، جیندی ساکُوں اُمید ہے۔

گلتِیوں 5:7

تُساں چنگی طرحاں بھجدے پئے ہَوے۔ کئیں تُہاکُوں سچائی اُتے عمل کرݨ تُوں روک ڈِتے؟

اِفِسیوں 4:3

رُوح القُدس تُہاکُوں ہِک کر ڈِتے، اِیں واسطے ہِک ڈُوجھے نال صُلح ءچ بدھے رہ تے اِینکُوں قائم رکھنڑ دی کوشش کرو۔

فِلِپّیوں 1:9

میڈی دُعا ہے جو تُہاڈی محبت ودھدی ونجے تے تُساں علم تے ہر طرحاں دی سمجھ ءچ ودھدے ونجو،

1تھِسّلُنیکیوں 3:12

خُداوند کرے جو جِینویں ساکُوں تُہاڈے نال محبت ہے اُونویں ای تُہاڈی محبت وی آپس ءچ تے سبھ لوکاں نال ودھدی ونجے۔

2تھِسّلُنیکیوں 1:3

بِھراؤ! ساڈے اُتے فرض ہے جو ہر ویلے تُہاڈے کیتے خُدا دا شُکر کریندے راہوں۔ تے ایہ مناسب وی ہے کیوں جو تُساں اِیمان ءچ بہُوں ترقی کریندے پئے ہیوے تے تُہاڈی آپس دی محبت وی ودھدی ویندی ہے۔

2تھِسّلُنیکیوں 2:13

پر بِھراؤ تے خُداوند دے پیاریو! تُہاڈے کیتے خُدا دا شُکر کریندے راہوݨ ساڈے اُتے فرض ہے کیوں جو اُوں تُہاکُوں شروع کنُوں ای چُنڑ گِھدے جو تُساں رُوح القُدس دے ذریعے پاکیزگی حاصل کر تے، تے حق اُتے اِیمان گِھن آ تے نجات پاؤ۔

1 تِیمُتھِیُس 1:3

مَیں مَکِدُنیہ دو روانہ تھیندے ویلے تیکُوں نصیحت کیتی ہئی جو تُوں اِفِسُس ءچ رہ تے، غلط تعلیم ڈیوݨ آلیاں کُوں تاکید کر جو او اِینویں کرݨ تُوں باز آ ونجنڑ،

1 تِیمُتھِیُس 1:5

میڈی اِیں نصیحت دا مقصد او محبت ہے جیہڑی پاک دِلی، نیک نیّتی تے حقیقی اِیمان نال پیدا تھیندی ہے۔

1 تِیمُتھِیُس 4:12

کوئی وی تیڈی جوانی دی وجہ تُوں تیکُوں حقیر نہ سمجھے بلکہ تُوں کلام کرݨ، چال چلنڑ، محبت، اِیمان تے پاکیزگی ءچ اِیمانداراں کیتے نمونہ بنڑ۔

1 تِیمُتھِیُس 5:2

وڈی عُمر آلیاں عورتاں کُوں ماء سمجھ تے، تے جوان عورتاں کُوں پاکیزگی نال بھینڑاں سمجھ تے۔

2 تِیمُتھِیُس 1:14

تے رُوح القُدس دی مدد نال جیہڑا ساڈے ءچ وسدا پئے، اُوں چنگی امانت دی حفاظت کر جیہڑی تیڈے سپُرد کیتی گئی ہے۔

عبرانیوں 11:8

اِیمان دی وجہ کنُوں ای ابرہام جِیں ویلے سڈیا گِیا تاں خُدا دا حُکم مَن تے اُوں جاہ دو چلیا گِیا جیہڑی بعد ءچ اُونکُوں میراث ءچ مِلنڑ آلی ہئی۔ بھانویں جو او جانڑدا وی نہ ہا جو او کِتھاں ویندا پئے، وَل وی روانہ تھی گِیا۔

عبرانیوں 13:1

برادرانہ محبت قائم رکھو۔

عبرانیوں 5:9

اِیں طرح کاملیت تئیں پُجنڑ تُوں بعد او اُنہاں ساریاں کیتے ابدی نجات دا سبب بنڑیا جیہڑے اُوندی تابعداری کریندے ہَن۔

عبرانیوں 6:10

کیوں جو خُدا بے اِنصاف نئیں جو او تُہاڈے کم تے اُوں محبت کُوں بُھل ونجے جیہڑی تُساں اُوندے ناں دی خاطر اُوندے مُقدّساں دی خدمت کر تے ظاہر کیتی تے ہُنڑ وی کریندے پئے ہیوے۔

عبرانیوں 9:14

تاں مسیح دا خون جئیں ازلی رُوح القُدس دے وسیلے نال آپنڑے آپ کُوں خُدا دے حضُور ءچ ہِک بے عیب قُربانی دے طور تے پیش کر ڈِتا، تُہاڈے دل کُوں موت گِھن آوݨ آلے کماں تُوں کیوں نہ پاک کریسی تاں جو تُساں زندہ خُدا دی عبادت کر سگو۔

یعقُوب 1:21

اِیں واسطے ساری ناپاکی تے بُرائی کُوں دُور کر تے اُوں کلام کُوں فروتنی نال قبول کر گِھنو جیہڑا تُہاڈے دِلاں ءچ رہایا گئے تے تُہاکُوں نجات ڈے سگدے۔

یعقُوب 4:8

خُدا دے نیڑے آؤ تاں او تُہاڈے نیڑے آسی۔ گُنہگارو، آپنڑے ہتھاں کُوں صاف کر گِھنو۔ تے ڈُو دِلیو، آپنڑے دِلاں کُوں پاک کر گِھنو۔

1 پطرس 1:2

خُدا باپ تُہاکُوں ازلی علم دے مطابق چُنڑ گِھدا تے اُوندے رُوح تُہاکُوں مخصوص تے مُقدّس کیتا۔ نتیجے ءچ تُساں یسُوع مسیح دی فرمانبرداری کریندے ہیوے تے اُوندے چِھنڈکے گئے خون نال پاک صاف تھی گئے ہیوے۔ تُہاکُوں ڈھیر سارا فضل تے اِطمینان حاصل تھیندا راہوے۔

1 پطرس 2:17

سبھ دی عزت کرو، آپنڑے اِیماندار بِھرانواں نال محبت رکھو۔ خُدا تُوں ڈرو تے بادشاہ دی عزت کرو۔

1 پطرس 3:1

ذالو! اِینویں ای تُساں وی آپنڑے پایاں دے تابع راہو۔ وَل بھانویں اُنہاں ءچوں کُجھ خُدا دے کلام کُوں نہ منیندے ہووݨ، او آپنڑی ذال دا چال چلنڑ ڈیکھ تے اِیمان دو آ ویسن۔ اُنہاں کُوں کُجھ آکھنڑ دی ضرورت نہ ہوسی،

1 پطرس 3:20

جیہڑیاں پِچھلے زمانہ ءچ نافرمان ہَن، جِیں ویلے خُدا نُوح دی کشتی بنڑݨ تئیں صبر نال اِنتظار کیتا۔ اُوں کشتی ءچ بہُوں تھوڑے یعنی اَٹھ بندے پانڑی ءچوں لنگھ تے بچ نِکلے۔

1 پطرس 3:8

آخری گالھ ایہ ہے جو تُساں سارے ہِک ڈُوجھے نال ہمدردی، برادرانہ محبت، رحم دِلی تے عاجزی نال راہو۔

1 پطرس 4:17

کیوں جو عدالت دا ویلا آ گئے تے عدالت خُدا دے گھر آلیاں تُوں شروع تھیسی تے جڈاں عدالت ساڈے تُوں شروع تھیسی تاں اُنہاں دا انجام کیا ہوسی جیہڑے خُدا دی خوشخبری کُوں نئیں منیندے۔

1 پطرس 4:8

سبھ تُوں اہم گالھ تاں ایہ ہے جو آپس ءچ گھاٹی محبت رکھو کیوں جو محبت بہُوں سارے گُناہاں اُتے پڑدہ پا ڈیندی ہے۔

2 پطرس 1:7

تے دینداری نال برادرانہ پیار تے برادرانہ پیار نال محبت ودھے۔

1 یُوحنّا 3:11

ایہ اُوہو پیغام ہے جیہڑا تُساں شروع کنُوں سُنڑیا ہے جو ہِک ڈُوجھے نال محبت رکھو۔

1 یُوحنّا 3:23

تے اُوندا حُکم ایہ ہے جو اساں اُوندے پوتر یسُوع مسیح دے ناں اُتے اِیمان رکھوں تے اُوندے حُکم دے مطابق ہِک ڈُوجھے نال محبت رکھوں۔

1 یُوحنّا 4:12

خُدا کُوں کہیں کڈھائیں نئیں ڈِٹھا پر جے اساں ہِک ڈُوجھے نال محبت رکھیندے ہیں تاں خُدا ساڈے ءچ راہندے تے اُوندی محبت ساڈے ءچ کامِل تھی گئی ہے۔

1 یُوحنّا 4:20

جے کوئی آکھے جو ”مَیں خُدا نال محبت رکھیندا ہاں“ پر آپنڑے بِھرا نال دُشمنڑی رکھیندے تاں او کُوڑا ہے۔ جیہڑا آپنڑے بِھرا نال جِینکُوں اُوں ڈِٹھے، محبت نئیں رکھیندا، او خُدا نال کِینویں محبت رکھ سگدے جِینکُوں اُوں نئیں ڈِٹھا؟

1 یُوحنّا 4:7

عزیزو! آؤ اساں ہِک ڈُوجھے نال محبت رکھوں کیوں جو محبت خُدا دی طرفوں ہے تے جیہڑا کوئی محبت رکھیندے، او خُدا دا فرزند ہے تے خُدا کُوں جانڑدے۔

مُکاشفہ 2:4

پر میکُوں تَیں تُوں ایہ شکایت ہے جو تَیں آپنڑی پہلے آلی محبت چھوڑ ڈِتی ہے۔