1 پطرس 1:17 - کِتاب مُقدّس سرائیکی ترجمہ

¹⁷ خُدا، جِیں تُوں تُساں باپ آکھ تے دُعا کریندے ہیوے، بغیر طرفداری دے ہر بندے دے عمل دے مطابق اُوندا اِنصاف کریندے، اِیں واسطے جئیں تئیں تُساں دُنیا ءچ مسافر دے طور تے راہندے ہیوے، خُدا دے خوف ءچ زندگی گُزارو۔

1 پطرس 1:17 Iomraidhean Croise

متّی 16:27

کیوں جو اِبنِ آدم آپنڑے باپ دے جلال ءچ آپنڑے فرشتیاں نال آسی۔ اُوں ویلے ہر ہِک کُوں اُوندے کماں دے مطابق اجر ڈیسی۔

متّی 22:16

بس اُنہاں آپنڑے شاگرداں کُوں ہیرودیس دے پیروکاراں نال اُوندے کولھ بھیجیا تے اُنہاں آکھیا، ”اُستاد! اساں جانڑدے ہیں جو تُساں سچے ہیوے تے سچائی نال خُدا دی راہ دی تعلیم ڈیندے ہیوے، تے کہیں دی پرواہ نئیں کریندے کیوں جو تُساں کہیں بندے دے طرفدار نئیں۔

متّی 6:9

بس تُساں اِینویں دُعا کیتا کرو جو ساڈے باپ، تُوں جیہڑا اسمان اُتے ہیں تیڈا ناں پاک منیا ونجے۔

رومیوں 11:20

ٹھیک ہے۔ پر او اِیمان نہ گِھن آوݨ دے سببّوں کپ ڈِتیاں گئیاں تے تُوں تاں اِیمان گِھن آوݨ دی وجہ کنُوں قائم ہیں۔ بس مغرُور نہ تھی بلکہ ڈردا رہ،

2کُرِنتھِیوں 1:2

ساڈے باپ خُدا تے خُداوند یسُوع مسیح دی طرفوں تُہاکُوں فضل تے اِطمینان حاصل تھیندا راہوے۔

2کُرِنتھِیوں 5:6

بس اساں ہمیشاں حوصلہ رکھیندے ہیں تے ایہ جانڑدے ہیں جو جئیں تئیں اساں بدن دے گھر ءچ ہیں، خُداوند دے گھر کنُوں دُور ہیں

2کُرِنتھِیوں 7:1

عزیزو، ساڈے نال ایجھے وعدے کیتے گئے ہِن، اِیں واسطے آؤ اساں آپنڑے آپ کُوں جِسم تے رُوح کُوں ناپاک کرݨ آلی ہر چیز کنُوں پاک کرُوں تے خُدا دا خوف منیندے ہوئے آپنڑی پاکیزگی کُوں کمال تئیں پُچاؤں۔

2کُرِنتھِیوں 7:11

بس ڈیکھو، او ڈُکھ جیہڑا خُدا دے مقصد دے مطابق ہا، اُوں تُہاڈے ءچ کتنا جوش، آپنڑا دفاع کرݨ دا کِتنا شوق، کِتنی ناراضگی، کِتنا ڈر، کِتنی سِک تے کِتنی غیرت پیدا کر ڈِتی تے سزا ڈیوݨ دی کِتنی تیاری۔ تُساں ہر لحاظ نال ثابت کر ڈِتے جو تُساں اِیں معاملے ءچ بے قصُور ہیوے۔

گلتِیوں 2:6

جماعت دے او لوک جیہڑے وڈے سمجھے ویندے ہَن (او کیجھے وی ہَن، میکُوں اِیندے نال کُجھ واسطہ نئیں کیوں جو خُدا کہیں بندے دا طرفدار نئیں،) اُنہاں میڈی تبلیغ ءچ کُجھ اضافہ نہ کیتا۔

اِفِسیوں 1:17

مَیں دُعا کریندا ہاں جو ساڈے خُداوند یسُوع مسیح دا خُدا جیہڑا جلال آلا باپ ہے، تُہاکُوں حِکمت تے مُکاشفے دی رُوح بخشے تاں جو تُساں اُونکُوں چنگی طرحاں جاݨ گِھنو

اِفِسیوں 3:14

اِیں واسطے مَیں آپنڑے خُداوند یسُوع المسیح دے باپ دے اگُوں گوڈے ٹیکدا ہاں،

اِفِسیوں 6:9

مالکو! تُساں وی آپنڑے نوکراں نال ایجھا ای سلوک کرو۔ اُنہاں کُوں دھمکیاں نہ ڈیؤ کیوں جو تُساں جانڑدے ہیوے جو اُنہاں دا تے تُہاڈا ڈُوہائیں دا مالک اسمان اُتے ہے تے او کہیں دا طرفدار نئیں۔

فِلِپّیوں 2:12

بس میڈے عزیزو، جِینویں تُساں ہمیشاں فرمانبرداری کیتی ہے، اُونویں ای ہُنڑ وی نہ صرف میڈی موجودگی ءچ بلکہ غیر موجودگی ءچ وی، ڈردے تے کمبدے ہوئے آپنڑی نجات دے کم کریندے راہو۔

کلُسِّیوں 3:25

پر بُرائی کرݨ آلا آپنڑی بُرائی دا بدلہ پے سی کیوں جو خُدا کہیں دی طرفداری نئیں کریندا۔

عبرانیوں 12:28

اِیں واسطے جڈاں ساکُوں ایجھی بادشاہی مِلدی پئی ہے، جیہڑی ہلائی نئیں وَنج سگدی، تاں آؤ اساں شُکر کرُوں تے خوف تے احترام نال خُدا دی ایجھی عبادت کرُوں جیہڑی اُونکُوں پسند ہے۔

عبرانیوں 4:1

بس جڈاں خُدا دا ایہ وعدہ قائم ہے جو اساں اُوندے ارام دی جاہ ءچ داخل تھی سگدے ہیں تاں ساکُوں خبردار راہونڑا چاہیدے، کِتھائیں اِینویں نہ تھیوے جو تُہاڈے ءچوں کوئی اُوندے ءچ داخل تھیوݨ کنُوں محروم رہ ونجے۔

1 پطرس 2:11

عزیزو، مَیں تُہاڈی مِنت کریندا ہاں جو تُساں جیہڑے اِیں دُنیا ءچ پردیسیاں تے مسافراں وانگُوں ہیوے، اُنہاں بُریاں خواہشاں کنُوں دُور راہو جیہڑیاں تُہاڈے نال لڑائی کریندیاں راہندیاں ہِن۔

1 پطرس 3:15

مسیح کُوں آپنڑے دِلاں ءچ خُداوند مَن تے مُقدّس جانڑو۔ تے جے کوئی تُہاڈے کنُوں تُہاڈی اُمید دی وجہ پُچھے تاں اُونکُوں جواب ڈیوݨ کیتے ہمیشاں تیار راہو، پر حلیمی تے خُدا دے خوف نال۔