1 یُوحنّا 5:13 - کِتاب مُقدّس سرائیکی ترجمہ

¹³ مَیں تُہاکُوں جیہڑے خُدا دے پوتر دے ناں اُتے اِیمان گِھن آئے ہیوے، ایہ گالھیں اِیں واسطے لِکھیاں ہِن جو تُساں جاݨ گِھنو جو تُہاڈے کولھ ہمیشاں دی زندگی ہے۔

1 یُوحنّا 5:13 Iomraidhean Croise

یُوحنّا 1:12

پر جِتنیاں اُونکُوں قبول کیتا یعنی جیہڑے اُوندے ناں اُتے اِیمان گِھن آئے ہِن، اُوں اُنہاں کُوں خُدا دے فرزند بنڑݨ دا حق بخشیا۔

یُوحنّا 2:23

جِیں ویلے یسُوع فسح دی عید کیتے یروشلیم ءچ ہا تاں بہُوں سارے لوک اُوندے معجزے ڈیکھ تے اُوندے اُتے اِیمان گِھن آئے،

یُوحنّا 20:31

پر ایہ اِیں واسطے لِکھے گئے جو تُساں اِیمان گِھن آؤ جو یسُوع ای خُدا دا پوتر، المسیح ہے تے اِیمان گِھن آ تے اُوندے ناں ءچ زندگی پاؤ۔

یُوحنّا 21:24

ایہ اُوہو شاگرد ہے جیہڑا اِنہاں گالھیں دی گواہی ڈیندے تے جئیں اِنہاں کُوں لِکھیا ہے تے اساں جانڑدے ہیں جو اُوندی گواہی سچی ہے۔

یُوحنّا 3:18

جیہڑا اُوندے اُتے اِیمان گِھن آندے اُوندے اُتے سزا دا حُکم نئیں تھیندا، پر جیہڑا اُوندے اُتے اِیمان نئیں گِھن آندا اُوندے اُتے سزا دا حُکم تھی گئے، اِیں واسطے جو او خُدا دے اِکلوتے پوتر دے ناں اُتے اِیمان نئیں گِھن آیا۔

یُوحنّا 5:24

مَیں تُہاکُوں سچ آدھا ہاں جو جیہڑا میڈا کلام سُنڑدے تے میڈے بھیجنڑ آلے دا یقین کریندے، ہمیشاں دی زندگی اُوندی ہے تے اُوندے اُتے سزا دا حُکم نئیں تھیندا بلکہ او موت ءچوں نِکل تے زندگی ءچ داخل تھی گِیا ہے۔

اعمال 3:16

یسُوع دے ناں اُتے اِیمان رکھنڑ نال اِیں بندے، جِینکُوں تُساں ڈیدھے تے جانڑدے ہیوے، شِفا پائی۔ اُوں اِیمان جیہڑا یسُوع دے وسیلے نال ہے اُونکُوں سبھ دے سامنڑے ایہ کامِل تندرُستی ڈِتی۔

اعمال 4:12

تے کہیں بئے دے وسیلے نجات نئیں مِلدی کیوں جو اسمان دے تلے لوکاں کُوں کوئی ڈُوجھا ناں نئیں بخشیا گِیا جیندے وسیلے نال اساں نجات پا سگوں۔“

2کُرِنتھِیوں 5:1

اساں جانڑدے ہیں جو جِیں ویلے ایہ تمبُو یعنی ساڈا بدن ڈھا ڈِتا ویسی جیہڑا زمین اُتے ساڈا گھر ہے تاں ساکُوں خُدا کنُوں اسمان اُتے ایجھا گھر مِلسی جیہڑا اِنسانی ہتھ دا بنڑیا ہویا نئیں بلکہ ابدی ہے۔

گلتِیوں 4:6

کیوں جو تُساں پوتر ہیوے اِیں واسطے خُدا آپنڑے پوتر دا رُوح القُدس ساڈے دِلاں ءچ بھیجیا تے او ”ابّا“ یعنی ”باپ“ آکھ تے سڈیندا راہندے۔

1 پطرس 5:12

مَیں سِیلاس دے ہتھ جیہڑا میڈی نظر ءچ ہِک وفادار بِھرا ہے، ایہ مختصر خط لِکھوا تے تُہاکُوں بھیجیا ہے تاں جو تُہاڈی حوصلہ افزائی تھیوے۔ مَیں گواہی ڈیندا ہاں جو خُدا دا سچا فضل اِیہو ہے۔ اِیندے اُتے قائم راہو۔

1 یُوحنّا 1:4

اساں ایہ گالھیں تُہاکُوں اِیں واسطے لِکھدے پئے ہیں جو ساڈی خوشی پُوری تھی ونجے۔

1 یُوحنّا 2:1

میڈے بالو! مَیں تُہاکُوں ایہ گالھیں اِیں واسطے لِکھدا پِیاں ہاں جو تُساں گُناہ نہ کرو۔ پر جے کوئی گُناہ کرے تاں خُدا باپ دے حضُور ءچ ساڈی سفارش کرݨ آلا ہِک موجود ہے یعنی یسُوع مسیح جیہڑا راستباز ہے۔

1 یُوحنّا 2:21

مَیں تُہاکُوں اِیں واسطے نئیں لِکھیا جو تُساں سچائی کُوں نئیں جانڑدے بلکہ اِیں واسطے جو تُساں سچائی کُوں جانڑدے ہیوے تے اِیں واسطے وی جو کوئی کُوڑ سچائی دی طرفوں نئیں۔

1 یُوحنّا 2:25

تے جیہڑا وعدہ اُوں ساڈے نال کیتے، او ہمیشاں دی زندگی ہے۔

1 یُوحنّا 2:26

مَیں ایہ گالھ اُنہاں دے بارے ءچ لِکھی ہے جیہڑے تُہاکُوں گُمراہ کرݨ دی کوشش کریندے ہِن۔

1 یُوحنّا 3:23

تے اُوندا حُکم ایہ ہے جو اساں اُوندے پوتر یسُوع مسیح دے ناں اُتے اِیمان رکھوں تے اُوندے حُکم دے مطابق ہِک ڈُوجھے نال محبت رکھوں۔

1 یُوحنّا 4:9

جیہڑی محبت خُدا ساڈے نال رکھیندے، اُونکُوں اُوں اِینویں ظاہر کیتا جو اُوں آپنڑے کلھے پوتر کُوں دُنیا ءچ بھیج ڈِتا تاں جو ساکُوں اُوندے وسیلے زندگی مِلے۔

1 یُوحنّا 5:10

جیہڑا خُدا دے پوتر اُتے اِیمان رکھیندے، او آپنڑے آپ ءچ اِیہو گواہی رکھیندے۔ جئیں خُدا اُتے یقین نئیں رکھیا، اُوں خُدا کُوں کُوڑا آکھیا کیوں جو او اُوں گواہی اُتے اِیمان نئیں رکھیندا جیہڑی خُدا آپنڑے پوتر دے حق ءچ ڈِتی ہے۔

1 یُوحنّا 5:11

تے او گواہی ایہ ہے جو خُدا ساکُوں ہمیشاں دی زندگی ڈِتی تے ایہ زندگی اُوندے پوتر ءچ ہے۔

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔