1 یُوحنّا 4:20 - کِتاب مُقدّس سرائیکی ترجمہ

²⁰ جے کوئی آکھے جو ”مَیں خُدا نال محبت رکھیندا ہاں“ پر آپنڑے بِھرا نال دُشمنڑی رکھیندے تاں او کُوڑا ہے۔ جیہڑا آپنڑے بِھرا نال جِینکُوں اُوں ڈِٹھے، محبت نئیں رکھیندا، او خُدا نال کِینویں محبت رکھ سگدے جِینکُوں اُوں نئیں ڈِٹھا؟

1 یُوحنّا 4:20 Iomraidhean Croise

یُوحنّا 13:35

جے تُساں ہِک ڈُوجھے نال محبت رکھیسو تاں سارے لوک جاݨ گِھنسن جو تُساں میڈے شاگرد ہیوے۔“

1 پطرس 1:8

تُساں یسُوع کُوں نئیں ڈِٹھا وَل وی اُوندے نال محبت کریندے ہیوے۔ بھانویں تُساں اِیں وقت اُونکُوں نئیں ڈیدھے، وَل وی اُوندے اُتے اِیمان رکھیندے ہوئے ایجھی خوشی منیندے ہیوے جیہڑی بیان تُوں باہر تے جلال آلی ہے۔

1 یُوحنّا 1:6

جے اساں اُوندے نال رفاقت رکھنڑ دا دعویٰ کریندے ہیں پر اندھارے ءچ ٹُردے ہیں تاں اساں کُوڑے ہیں تے سچائی اُتے عمل نئیں کریندے۔

1 یُوحنّا 1:8

جے اساں بے گُناہ ہووݨ دا دعویٰ کرُوں تاں آپنڑے آپ کُوں دوکھا ڈیندے ہیں تے ساڈے ءچ سچائی کائنی۔

1 یُوحنّا 2:11

پر جیہڑا آپنڑے بِھرانواں نال دُشمنڑی رکھیندے، او اندھارے ءچ ہے تے اندھارے ءچ ای ٹُردے۔ او نئیں جانڑدا جو کِتھاں ویندے کیوں جو اندھارے اُونکُوں اندھا کر ڈِتے۔

1 یُوحنّا 2:4

جیہڑا آدھے جو ”مَیں مسیح کُوں جاݨ گِھدے“ پر اُوندے حُکماں اُتے عمل نئیں کریندا تاں او کُوڑا ہے تے اُوندے ءچ سچائی کائنی۔

1 یُوحنّا 2:9

جیہڑا کوئی نُور ءچ ہووݨ دا دعویٰ کریندے، پر آپنڑے بِھرانواں نال دُشمنڑی رکھیندے، او حالی تئیں اندھارے ءچ ہے۔

1 یُوحنّا 3:17

جے کہیں دے کولھ دُنیا دا مال موجود ہووے پر او آپنڑے بِھرانواں کُوں مُتھاج ڈیکھ تے اُنہاں اُتے رحم نہ کرے تاں خُدا دی محبت اُوندے ءچ کِینویں قائم رہ سگدی ہے؟

1 یُوحنّا 4:12

خُدا کُوں کہیں کڈھائیں نئیں ڈِٹھا پر جے اساں ہِک ڈُوجھے نال محبت رکھیندے ہیں تاں خُدا ساڈے ءچ راہندے تے اُوندی محبت ساڈے ءچ کامِل تھی گئی ہے۔