1 یُوحنّا 4:2 - کِتاب مُقدّس سرائیکی ترجمہ

² تُساں خُدا دے رُوح القُدس کُوں اِینویں پچھاݨ سگدے ہیوے جو جیہڑی رُوح ایہ اِقرار کرے جو یسُوع مسیح اِنسانی جسم ءچ آئے، او خُدا دی طرفوں ہے۔

1 یُوحنّا 4:2 Iomraidhean Croise

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

1کُرِنتھِیوں 12:3

اِیں واسطے مَیں تُہاکُوں سمجھاوݨ چاہندا ہاں جو جیہڑا بندہ خُدا دے رُوح القُدس دی ہدایت نال گالھ کریندے، او کڈھائیں وی ”یسُوع اُتے لعنت“ نئیں کر سگدا، تے کوئی وی رُوح القُدس دی ہدایت دے بغیر نئیں آکھ سگدا جو ”یسُوع خُداوند ہے۔“

1 تِیمُتھِیُس 3:16

اِیندے ءچ کوئی شک نئیں جو ساڈے اِیمان دا راز وڈا ہے یعنی او جِسم ءچ ظاہر تھیّا، رُوح دے وسیلے نال صادق ثابت تھیّا فرشتیاں کُوں ڈِکھالی ڈِتا، غیر قوماں ءچ اُوندی تبلیغ تھئی دُنیا ءچ لوک اُوندے اُتے اِیمان گِھن آئے تے او جلال ءچ اسمان اُتے چاتا گِیا۔

1 یُوحنّا 1:2

او جیہڑا خود زندگی ہا، ظاہر تھیّا تے اساں اُونکُوں ڈِٹھا۔ اساں اُوندی گواہی ڈے تے تُہاکُوں اُوں ہمیشاں دی زندگی دی خبر ڈیندے ہیں، جیہڑی باپ دے نال ہئی تے ساڈے اُتے ظاہر تھئی۔

1 یُوحنّا 2:23

جیہڑا کوئی پوتر دا اِنکار کریندے، اُوندے کولھ باپ وی نئیں تے جیہڑا پوتر دا اِقرار کریندے، اُوندے کولھ باپ وی ہے۔

1 یُوحنّا 4:15

جیہڑا کوئی اِقرار کریندے جو یسُوع خُدا دا پوتر ہے، خُدا اُوندے ءچ راہندے تے او خُدا ءچ۔

1 یُوحنّا 4:3

پر جیہڑی رُوح یسُوع دے بارے ءچ ایہ اِقرار نہ کرے تاں او خُدا دی طرفوں نئیں۔ اِیہو مسیح دے مخالف دی رُوح ہے جیندے بارے ءچ تُساں سُنڑ گِھدے جو او آوݨ آلا ہے بلکہ ہُنڑ وی دُنیا ءچ موجود ہے۔

1 یُوحنّا 5:1

جیہڑا کوئی ایہ اِیمان رکھیندے جو یسُوع ای المسیح ہے، او خُدا دا فرزند ہے تے جیہڑا باپ نال محبت رکھیندے او اُوندے فرزنداں نال وی محبت رکھیندے۔

2 یُوحنّا 1:7

کیوں جو گُمراہ کرݨ آلے بہُوں سارے لوک دُنیا ءچ نِکل آئے ہِن جیہڑے یسُوع مسیح دے اِنسانی جِسم ءچ آوݨ دا اِنکار کریندے ہِن۔ ایجھا ہر بندہ گُمراہ کرݨ آلا تے مسیح دا مخالف ہے۔