1 یُوحنّا 4:14 - کِتاب مُقدّس سرائیکی ترجمہ

¹⁴ اساں ڈیکھ گِھدے تے ہُنڑ گواہی ڈیندے ہیں جو باپ آپنڑے پوتر کُوں دُنیا دا نجات ڈیوݨ آلا بنڑا تے بھیج ڈِتے۔

1 یُوحنّا 4:14 Iomraidhean Croise

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

یُوحنّا 1:29

ڈُوجھے ڈینہہ یُوحنّا یسُوع کُوں آپنڑے کولھ آندے ڈیکھ تے آکھیا ”ڈیکھو ایہ خُدا دا لیلا ہے جیہڑا دُنیا دا گُناہ چا تے گِھن ویندے۔

یُوحنّا 10:36

تاں تُساں میڈے بارے ءچ جِینکُوں باپ مقرر کر تے دُنیا ءچ بھیجیا، کِینویں اکھیندے ہیوے جو تُوں کُفر بکدا ہیں، اِیں واسطے جو مَیں آکھیا، مَیں خُدا دا پوتر ہاں؟

یُوحنّا 12:47

جے کوئی میڈے گالھیں سُنڑدے تے اُنہاں اُتے عمل نئیں کریندا تاں مَیں اُوندی عدالت نہ کریساں کیوں جو مَیں دُنیا دی عدالت کرݨ نئیں آیا بلکہ نجات ڈیوݨ آیا ہاں۔

یُوحنّا 3:11

مَیں تیکُوں سچ آدھا ہاں جو جیہڑا کُجھ اساں جانڑدے ہیں، اُوہو آدھے ہیں، تے جِینکُوں اساں ڈِٹھے اُوندی گواہی ڈیندے ہاں، پر تُساں ساڈی گواہی قبول نئیں کریندے۔

یُوحنّا 3:32

جیہڑا کُجھ اُوں ڈِٹھا تے سُنڑیا اُونہی دی گواہی ڈیندے، پر اُوندی گواہی کوئی قبول نئیں کریندا۔

یُوحنّا 3:34

کیوں جو جِینکُوں خُدا بھیجیا ہے او خُدا دے گالھیں اکھیندے، اِیں واسطے جو خُدا رُوح القُدس ناپ ناپ تے نئیں ڈیندا۔

یُوحنّا 4:42

اُنہاں اُوں عورت کُوں آکھیا، ”ہُنڑ اساں تیڈے آکھنڑ تے ای اِیمان نئیں گِھن آئے کیوں جو اساں خود سُنڑ گِھدے تے جانڑدے ہیں جو ایہ فی الحقیقت دُنیا دا نجات ڈیوݨ آلا ہے۔“

یُوحنّا 5:39

تُساں خُدا دے کلام ءچ گولھیندے ہیوے کیوں جو سمجھدے ہیوے جو اُوندے ءچ تُہاکُوں ہمیشاں دی زندگی مِلدی ہے۔ ایہ او ہے جیہڑا میڈی گواہی ڈیندے،

اعمال 18:5

جِیں ویلے سِیلاس تے تِیمُتِھیُس مَکِدُنیہ تُوں آئے تاں پولُس آپنڑا سارا وقت کلام دی تبلیغ کرݨ ءچ گُزارݨ لگا۔ او یہُودیاں دے سامنڑے گواہی ڈیندا ہا جو یسُوع ای المسیح ہے۔

1 پطرس 5:12

مَیں سِیلاس دے ہتھ جیہڑا میڈی نظر ءچ ہِک وفادار بِھرا ہے، ایہ مختصر خط لِکھوا تے تُہاکُوں بھیجیا ہے تاں جو تُہاڈی حوصلہ افزائی تھیوے۔ مَیں گواہی ڈیندا ہاں جو خُدا دا سچا فضل اِیہو ہے۔ اِیندے اُتے قائم راہو۔

1 یُوحنّا 4:10

محبت ایہ نئیں جو اساں خُدا نال محبت کیتی بلکہ ایہ ہے جو اُوں ساڈے نال محبت کیتی تے آپنڑے پوتر کُوں بھیجیا تاں جو او ساڈے گُناہاں دا کفارہ بنڑے۔

1 یُوحنّا 5:9

جِیں ویلے اساں اِنساناں دی گواہی قبول کر گِھندے ہیں تاں خُدا دی گواہی اُوں کنُوں کتنی ودھ ہے تے ایہ اُوہو گواہی ہے جیہڑی اُوں آپنڑے پوتر دے حق ءچ ڈِتی۔