1 یُوحنّا 3:21 - کِتاب مُقدّس سرائیکی ترجمہ

²¹ عزیزو! جے ساڈا دل ساکُوں قصُوروار نئیں کھڑیندا تاں اساں دلیری نال خُدا دے سامنڑے آ سگدے ہیں۔

1 یُوحنّا 3:21 Iomraidhean Croise

رومیوں 14:22

تیڈا جیہڑا اِیمان ہے، اُونکُوں آپنڑے تے خُدا دے حضُور ای راہنڑ ڈے۔ او بندہ مُبارک ہے جیہڑا اُوں چیز دی وجہ کنُوں جِینکُوں او جائز سمجھدے آپنڑے آپ کُوں قصُوروار نئیں کھڑیندا۔

1کُرِنتھِیوں 4:4

میڈا ضمیر میکُوں ملامت نئیں کریندا پر اِیں تُوں مَیں بے قصُور ثابت نئیں تھیندا، بلکہ میڈا پرکھنڑ آلا خُداوند ہے۔

2کُرِنتھِیوں 1:12

ساکُوں آپنڑے ضمیر دی اِیں گواہی اُتے فخر ہے جو اساں دُنیا ءچ تے خاص طور تے تُہاڈے سامنڑے اُوں پاک دِلی تے سچائی نال زندگی گُزاری ہے جیہڑی خُدا دی طرفوں مِلدی ہے۔ ایہ ساڈی آپنڑی اِنسانی حِکمت نال نئیں بلکہ خُدا دے فضل نال تھئے۔

اِفِسیوں 3:12

ہُنڑ مسیح ءچ تے مسیح اُتے اِیمان رکھ تے اساں دلیری تے اعتماد نال خُدا دے کولھ آ سگدے ہیں۔

1 تِیمُتھِیُس 2:8

بس مَیں چاہندا ہاں جو بندے ہر جاہ، کاوڑ تے تکرار دے بغیر پاک ہتھاں کُوں چا تے دُعا کرݨ۔

عبرانیوں 10:22

اِیں واسطے آؤ اساں سچے دل تے پُورے اِیمان نال خُدا دے کولھ جُلوں، کیوں جو ساڈے دل خون دے چھِنڈکیاں نال گُناہ تُوں پاک کیتے گئے ہِن تے ساڈے بدن صاف پانڑی نال دھوتے گئے ہِن۔

عبرانیوں 4:16

اِیں واسطے اساں خُدا دے فضل دے تخت دے کولھ دلیری نال جُلوں تاں جو او ساڈے اُتے رحم کرے تے اساں اُوں فضل کُوں حاصل کرُوں جیہڑا ضرورت ویلے ساڈی مدد کرے۔

1 یُوحنّا 2:28

ہُنڑ پیارے بالو! مسیح ءچ قائم راہو تاں جو جِیں ویلے او ظاہر تھیوے تاں ساکُوں اعتماد ہووے تے اُوندے آوݨ اُتے اساں اُوندے سامنڑے شرمندہ نہ تھیؤں۔

1 یُوحنّا 2:7

عزیزو! مَیں تُہاکُوں کوئی نواں حُکم نئیں لِکھیندا پِیا بلکہ اُوہو پُرانڑا حُکم جیہڑا شروع کنُوں تُہاکُوں مِلیا ہے۔ ایہ پُرانڑا حُکم اُوہو پیغام ہے جیہڑا تُساں سُنڑ گِھدے۔

1 یُوحنّا 3:2

عزیزو! اساں اِیں ویلے خُدا دے فرزند ہیں پر اجنڑ تئیں ایہ ظاہر نئیں تھیّا جو بِیا کیا کُجھ ہوسُوں۔ پر اِتنا جانڑدے ہیں جو جِیں ویلے یسُوع ظاہر تھیسی تاں اساں اُوندے وانگُوں ہوسُوں کیوں جو اساں اُونکُوں اُونویں ای ڈیکھسوں جِینویں او اصل ءچ ہے۔

1 یُوحنّا 3:20

جے ساڈا دل ساکُوں قصُوروار کھڑیندے تاں خُدا ساڈے دل تُوں وڈا ہے تے سبھ کُجھ جانڑدے۔

1 یُوحنّا 4:17

اِینویں محبت ساڈے ءچ کامِل تھی گئی ہے، تاں جو عدالت دے ڈینہہ ساکُوں دلیری ہووے کیوں جو جِینویں مسیح ہے، اُونویں ای اساں وی اِیں دُنیا ءچ ہیں۔

1 یُوحنّا 5:14

ساکُوں خُدا اُتے ایہ اعتماد ہے جو اساں جیہڑا کُجھ اُوندی مرضی دے مطابق منگدے ہیں، او ساڈی سُنڑدے۔