1 یُوحنّا 3:20 - کِتاب مُقدّس سرائیکی ترجمہ

²⁰ جے ساڈا دل ساکُوں قصُوروار کھڑیندے تاں خُدا ساڈے دل تُوں وڈا ہے تے سبھ کُجھ جانڑدے۔

1 یُوحنّا 3:20 Iomraidhean Croise

یُوحنّا 21:17

یسُوع تریجھی پھیری ولا اُونکُوں آکھیا، ”یُوحنّا دے پوتر شمعون! کیا تُوں میکُوں عزیز رکھیندیں؟“ پطرس ڈُکھی تھی گِیا کیوں جو اُوں اُونکُوں تریجھی پھیری آکھیا ہا، ”کیا تُوں میکُوں عزیز رکھیندیں؟“ اُوں اُونکُوں آکھیا، ”اے خُداوند! تُساں تاں سبھ کُجھ جانڑدے ہیوے۔ تُہاکُوں پتہ ہے جو مَیں تُہاکُوں عزیز رکھیندا ہاں۔“ یسُوع اُونکُوں آکھیا، ”تُوں میڈیاں بھیڈاں چَرا۔

یُوحنّا 8:9

او ایہ سُنڑ تے وڈے کنُوں چھوٹے تئیں ہِک ہِک کر تے کِھسک گئے تے یسُوع کلھا رہ گِیا تے او عورت اُتھاں کھڑی رہ گئی۔

اعمال 5:33

او ایہ سُنڑ تے کوڑیج گئے تے چاہندے ہَن جو اُنہاں کُوں قتل کر ڈیوݨ،

رومیوں 8:34

کوݨ اُنہاں کُوں قصُوروار کھڑا سگدے؟ مسیح یسُوع جیہڑا مر گِیا تے زندہ وی تھی گِیا تے جیہڑا خُدا دے سجے پاسُوں موجود ہے، اُوہو ساڈی شفاعت وی کریندے۔

1کُرِنتھِیوں 4:4

میڈا ضمیر میکُوں ملامت نئیں کریندا پر اِیں تُوں مَیں بے قصُور ثابت نئیں تھیندا، بلکہ میڈا پرکھنڑ آلا خُداوند ہے۔

طِطُس 3:11

یقین رکھ جو ایجھا بندہ گُمراہ تھی گئے تے گُناہ کر تے آپنڑے آپ کُوں قصُور وار بنڑیندے۔

عبرانیوں 4:13

کائنات دی کوئی چیز خُدا دی نظر کنُوں لُکی ہوئی نئیں، بلکہ جیندے حضُور ءچ ساکُوں جواب ڈیونڑے، اُوندی نظر ءچ ہر چیز بے نقاب تے ظاہر ہے۔

عبرانیوں 6:13

جِیں ویلے خُدا ابرہام نال وعدہ کیتا تاں اُوں آپنڑے ای ناں دی قَسم کھادی کیوں جو قَسم کھاوݨ کیتے خُدا کنُوں وڈا کوئی نہ ہا۔

1 یُوحنّا 3:19

اِیں تُوں اساں جاݨ گِھنسوں جو اساں سچائی دے ہیں تے خُدا دے حضُور دلیری حاصل کریسوں۔

1 یُوحنّا 3:21

عزیزو! جے ساڈا دل ساکُوں قصُوروار نئیں کھڑیندا تاں اساں دلیری نال خُدا دے سامنڑے آ سگدے ہیں۔

1 یُوحنّا 4:4

بالو! تُساں خُدا کنُوں ہیوے تے کُوڑے لوکاں اُتے غالب آ گئے ہیوے، کیوں جو جیہڑا تُہاڈے ءچ ہے، او اُوں کنُوں جیہڑا دُنیا ءچ ہے بہُوں وڈا ہے۔

مُکاشفہ 2:23

ہا، مَیں اُوں عورت دے فرزنداں کُوں جان کنُوں مار ڈیساں۔ وَل ساریاں کلیسیاواں کُوں پتا لگ ویسی جو مَیں ای ہاں جیہڑا دِلاں تے ذہناں کُوں پرکھدا ہاں تے مَیں تُہاڈے ءچوں ہر ہِک کُوں اُوندے کماں دے مطابق بدلہ ڈیساں۔