1 یُوحنّا 3:2 - کِتاب مُقدّس سرائیکی ترجمہ

² عزیزو! اساں اِیں ویلے خُدا دے فرزند ہیں پر اجنڑ تئیں ایہ ظاہر نئیں تھیّا جو بِیا کیا کُجھ ہوسُوں۔ پر اِتنا جانڑدے ہیں جو جِیں ویلے یسُوع ظاہر تھیسی تاں اساں اُوندے وانگُوں ہوسُوں کیوں جو اساں اُونکُوں اُونویں ای ڈیکھسوں جِینویں او اصل ءچ ہے۔

1 یُوحنّا 3:2 Iomraidhean Croise

متّی 5:8

مُبارک ہِن او جیہڑے پاک دل ہِن، کیوں جو او خُدا کُوں ڈیکھسن۔

لُوقا 17:30

اِبنِ آدم دے ظاہر تھیوݨ دے ڈینہہ وی اِینویں ای تھیسی۔

لُوقا 20:36

کیوں جو او وَل نہ مرسن اِیں واسطے جو او فرشتیاں وانگُوں ہوسن۔ تے او قیامت دے فرزند تھی تے خُدا دے وی فرزند ہوسن۔

یُوحنّا 1:12

پر جِتنیاں اُونکُوں قبول کیتا یعنی جیہڑے اُوندے ناں اُتے اِیمان گِھن آئے ہِن، اُوں اُنہاں کُوں خُدا دے فرزند بنڑݨ دا حق بخشیا۔

یُوحنّا 11:52

تے نہ صرف یہُودی قوم کیتے بلکہ اِیں واسطے وی جو خُدا دے فرزنداں کُوں جیہڑے تِتربِتر تھی گئے ہَن جمع کر تے ہِک کر ڈیوے۔

یُوحنّا 17:24

باپ! مَیں چاہندا ہاں جو جِنہاں کُوں تَیں میڈے حوالے کیتے، او میڈے نال اُتھاں ہووݨ جِتھاں مَیں ہاں، تاں جو او اُوں جلال کُوں ڈیکھ سگنڑ جیہڑا تَیں میکُوں ڈِتے کیوں جو تَیں دُنیا دے بنڑݨ کنُوں وی پہلے ای میڈے نال محبت رکھی ہے۔

رومیوں 8:16

رُوح القُدس آپ ساڈی رُوح دے نال مِل تے گواہی ڈیندے جو اساں خُدا دے فرزند ہیں۔

رومیوں 8:18

مَیں سمجھدا ہاں جو جیہڑے ڈُکھ اساں اِیں زمانے ءچ سہندے پئے ہیں، اُوں جلال دے مُقابلے ءچ کُجھ وی نئیں جیہڑا ساڈے اُتے ظاہر تھیوݨ آلا ہے۔

رومیوں 8:19

کیوں جو ساری مخلوق بہُوں شوق نال خُدا دے پوتراں دے ظاہر تھیوݨ دے اِنتظار ءچ ہے۔

رومیوں 8:29

کیوں جو جِنہاں کُوں خُدا پہلے کنُوں جانڑیا، اُنہاں کُوں اُوں پہلے کنُوں مقرر وی کیتا جو او اُوندے پوتر آلی کار بنڑݨ تاں جو اُوندا پوتر بہُوں سارے بِھرانواں ءچوں پلیٹھی دا ہووے۔

1کُرِنتھِیوں 13:12

ہُنڑ ساکُوں شیشے ءچ دُھندلا نظر آندے پر اُوں ویلے آمنڑے سامنڑے ڈیکھسوں۔ اِیں ویلے میڈا علم نامکمل ہے پر اُوں ویلے پُوری طرحاں پچھاݨ گِھنساں، جِینویں خُدا میکُوں پُوری طرحاں پچھانڑے۔

1کُرِنتھِیوں 15:49

جِینویں اساں اُوں خاکی دی صورت اُتے پیدا تھئے، اُونویں ای اساں اُوں اسمانی اِنسان دی صورت اُتے وی ہوسُوں۔

1کُرِنتھِیوں 2:9

پر جِینویں پاک کلام ءچ لِکھیا ہے اُونویں ای تھیّا جو ”جیہڑا نہ تاں کہیں اکھ ڈِٹھا، نہ کہیں کَن سُنڑیا، نہ کہیں دے خیال ءچ آیا، او سبھ کُجھ خُدا اُنہاں کیتے تیار کیتا جیہڑے اُوں نال محبت رکھیندے ہِن۔“

2کُرِنتھِیوں 3:18

اِیں واسطے شیشے آلی کار اساں ساریاں دے بے نقاب چہریاں تُوں خُداوند دا جلال ظاہر تھیندے تے اساں خُداوند دے رُوح القُدس دے وسیلے نال آہستہ آہستہ اُوندی جلالی صورت ءچ بدلدے ویندے ہیں۔

2کُرِنتھِیوں 4:17

ساڈی ایہ بہُوں عارضی تے ہلکی جیہی مُصیبت ساڈے کیتے ایجھا بھاری تے ابدی جلال پیدا کریندی پئی ہے۔

گلتِیوں 3:26

کیوں جو تُساں سارے یسُوع مسیح اُتے اِیمان گِھن آوݨ دے وسیلے نال خُدا دی اولاد بنڑ گئے ہیوے۔

گلتِیوں 4:6

کیوں جو تُساں پوتر ہیوے اِیں واسطے خُدا آپنڑے پوتر دا رُوح القُدس ساڈے دِلاں ءچ بھیجیا تے او ”ابّا“ یعنی ”باپ“ آکھ تے سڈیندا راہندے۔

فِلِپّیوں 3:21

او آپنڑی طاقت نال سارے چیزاں کُوں آپنڑے تابع کر سگدے تے اِیں طاقت دے ذریعے او ساڈے پست حال بدن دی شکل بدل تے اُونکُوں آپنڑے بدن وانگُوں جلال آلا بنڑا ڈیسی۔

کلُسِّیوں 3:4

جِیں ویلے مسیح جیہڑا تُہاڈی زندگی ہے، ظاہر تھیسی تاں تُساں وی اُوندے نال جلال ءچ ظاہر تھیسو۔

عبرانیوں 9:28

اُونویں ای مسیح وی بہُوں سارے لوکاں دے گُناہ آپنڑے سر اُتے چاوݨ کیتے ہِکے پھیری قُربان تھیّا۔ تے او ڈُوجھی پھیری گُناہ چاوݨ کیتے نئیں بلکہ اُنہاں لوکاں کُوں نجات ڈیوݨ کیتے ڈِکھالی ڈیسی جیہڑے اُوندے اِنتظار ءچ ہِن۔

2 پطرس 1:4

اِنہاں دے ذریعے اُوں ساڈے نال قیمتی تے بہُوں وڈے وعدے کیتے تاں جو اُنہاں دے وسیلہ نال تُساں اِیں دُنیاوی خرابی کنُوں جیہڑی بُری خواہش دے سببّوں ہے، چُھٹ تے خُدا دی اِلٰہی ذات ءچ شریک تھی ونجو۔

1 یُوحنّا 2:28

ہُنڑ پیارے بالو! مسیح ءچ قائم راہو تاں جو جِیں ویلے او ظاہر تھیوے تاں ساکُوں اعتماد ہووے تے اُوندے آوݨ اُتے اساں اُوندے سامنڑے شرمندہ نہ تھیؤں۔

1 یُوحنّا 2:7

عزیزو! مَیں تُہاکُوں کوئی نواں حُکم نئیں لِکھیندا پِیا بلکہ اُوہو پُرانڑا حُکم جیہڑا شروع کنُوں تُہاکُوں مِلیا ہے۔ ایہ پُرانڑا حُکم اُوہو پیغام ہے جیہڑا تُساں سُنڑ گِھدے۔

1 یُوحنّا 3:1

ڈیکھو باپ ساڈے نال کیجھی محبت کیتی ہے جو اساں خُدا دے فرزند اکھویندے ہیں۔ تے اساں واقعی ہیں وی۔ دُنیا ساکُوں اِیں واسطے نئیں جانڑدی جو اِیں اُونکُوں وی نہ جانڑیا۔

1 یُوحنّا 3:10

اِتُھوں پتہ چلدے جو کیہڑے خُدا دے فرزند ہِن تے کیہڑے ابلیس دے۔ جیہڑا نیک کم نئیں کریندا تے آپنڑے بِھرانواں نال محبت نئیں رکھیندا، او خُدا دا بندہ کائنی۔

1 یُوحنّا 3:21

عزیزو! جے ساڈا دل ساکُوں قصُوروار نئیں کھڑیندا تاں اساں دلیری نال خُدا دے سامنڑے آ سگدے ہیں۔

1 یُوحنّا 5:1

جیہڑا کوئی ایہ اِیمان رکھیندے جو یسُوع ای المسیح ہے، او خُدا دا فرزند ہے تے جیہڑا باپ نال محبت رکھیندے او اُوندے فرزنداں نال وی محبت رکھیندے۔

مُکاشفہ 2:28

تے مَیں اُونکُوں صُبح دا تارہ وی ڈیساں۔

مُکاشفہ 22:4

او اُوندا مُنہ ڈیکھسن تے اُوندا ناں اُنہاں دے متھیاں اُتے لِکھیا ہوسی۔