1 یُوحنّا 3:19 - کِتاب مُقدّس سرائیکی ترجمہ

¹⁹ اِیں تُوں اساں جاݨ گِھنسوں جو اساں سچائی دے ہیں تے خُدا دے حضُور دلیری حاصل کریسوں۔

1 یُوحنّا 3:19 Iomraidhean Croise

یُوحنّا 13:35

جے تُساں ہِک ڈُوجھے نال محبت رکھیسو تاں سارے لوک جاݨ گِھنسن جو تُساں میڈے شاگرد ہیوے۔“

یُوحنّا 18:37

پِیلاطُس اُونکُوں آکھیا، ”بس کیا تُوں بادشاہ ہیں؟“ یسُوع جواب ڈِتا، ”تُوں خود آدھیں جو مَیں بادشاہ ہاں۔ مَیں اِیں واسطے پیدا تھیّا تے اِیں مقصد نال دُنیا ءچ آیا ہاں جو سچائی دی گواہی ڈیواں۔ جیہڑا کوئی سچائی دا طرفدار ہے، او میڈی اواز سُنڑدے۔“

رومیوں 4:21

اُونکُوں پکا یقین ہا جو جِیں خُدا وعدہ کیتے او اُونکُوں پُورا کرݨ دی وی قُدرت رکھیندے۔

رومیوں 8:38

کیوں جو میکُوں یقین ہے جو کوئی چیز وی ساکُوں خُدا دی اُوں محبت کنُوں اَنج نہ کر سگسی جیہڑی ساڈے خُداوند یسُوع المسیح دے ذریعے ساڈے اُتے ظاہر کیتی گئی ہے، نہ موت، نہ زندگی،

2 تِیمُتھِیُس 1:12

اِیہو وجہ ہے جو مَیں ہُنڑ ڈُکھ چیندا ہاں۔ پر مَیں شرمیندا نئیں کیوں جو جئیں اُتے مَیں اِیمان رکھیندا ہاں، اُونکُوں جانڑدا ہاں تے میکُوں یقین ہے جو او آپنڑے وَل آوݨ آلے ڈینہہ تئیں میڈی امانت دی حفاظت کر سگدے۔

عبرانیوں 10:22

اِیں واسطے آؤ اساں سچے دل تے پُورے اِیمان نال خُدا دے کولھ جُلوں، کیوں جو ساڈے دل خون دے چھِنڈکیاں نال گُناہ تُوں پاک کیتے گئے ہِن تے ساڈے بدن صاف پانڑی نال دھوتے گئے ہِن۔

عبرانیوں 11:13

ایہ سارے لوک اِیمان رکھیندے ہوئے مر گئے تے وعدہ کیتیاں ہوئیاں چیزاں نہ پاتیاں، بلکہ صرف دُور کنُوں ای ڈیکھ تے خوش تھئے، تے اِقرار کیتا جو اساں زمین اُتے پردیسی تے مسافر ہیں۔

1 یُوحنّا 1:8

جے اساں بے گُناہ ہووݨ دا دعویٰ کرُوں تاں آپنڑے آپ کُوں دوکھا ڈیندے ہیں تے ساڈے ءچ سچائی کائنی۔

1 یُوحنّا 2:21

مَیں تُہاکُوں اِیں واسطے نئیں لِکھیا جو تُساں سچائی کُوں نئیں جانڑدے بلکہ اِیں واسطے جو تُساں سچائی کُوں جانڑدے ہیوے تے اِیں واسطے وی جو کوئی کُوڑ سچائی دی طرفوں نئیں۔

1 یُوحنّا 3:14

اساں جانڑدے ہیں جو اساں موت کنُوں نِکل تے زندگی ءچ داخل تھی گئے ہیں، کیوں جو اساں آپنڑے بِھرانواں نال محبت رکھیندے ہیں۔ جیہڑا کوئی محبت نئیں رکھیندا، او ہُنڑ تئیں موت دی حالت ءچ ہے۔

1 یُوحنّا 3:20

جے ساڈا دل ساکُوں قصُوروار کھڑیندے تاں خُدا ساڈے دل تُوں وڈا ہے تے سبھ کُجھ جانڑدے۔

1 یُوحنّا 3:21

عزیزو! جے ساڈا دل ساکُوں قصُوروار نئیں کھڑیندا تاں اساں دلیری نال خُدا دے سامنڑے آ سگدے ہیں۔