1 یُوحنّا 3:17 - کِتاب مُقدّس سرائیکی ترجمہ

¹⁷ جے کہیں دے کولھ دُنیا دا مال موجود ہووے پر او آپنڑے بِھرانواں کُوں مُتھاج ڈیکھ تے اُنہاں اُتے رحم نہ کرے تاں خُدا دی محبت اُوندے ءچ کِینویں قائم رہ سگدی ہے؟

1 یُوحنّا 3:17 Iomraidhean Croise

لُوقا 3:11

اُوں جواب ءچ آکھیا، ”جیندے کولھ ڈُو چولے ہووݨ، او ہِک اُونکُوں ڈیوے جیندے کولھ ہِک وی کائنی، تے جیندے کولھ کھانڑا ہووے او وی اِینویں ای کرے۔“

2کُرِنتھِیوں 8:9

کیوں جو تُساں ساڈے خُداوند یسُوع مسیح دے فضل کُوں جانڑدے ہیوے جو او بھانویں دولت مند ہا، وَل وی تُہاڈی خاطر غریب بنڑ گِیا تاں جو تُساں اُوندی غریبی دے سببّوں دولت مند بنڑ ونجو۔

عبرانیوں 13:16

تے بھلائی تے سخاوت کرݨ نہ بُھلائے کیوں جو خُدا ایجھیاں قُربانیاں کُوں پسند کریندے۔

یعقُوب 2:15

جے کہیں بِھرا یا بھینڑ کولھ کپڑے تے روزانہ کھاوݨ کیتے روٹی نہ ہووے،

یعقُوب 2:16

تے تُہاڈے ءچوں کوئی اُونکُوں آکھے جو ”سلامتی نال وَنج، گرم تھی، تے کھا پی،“ پر اُنہاں کُوں جِسمانی ضرورت دیاں چیزاں نہ ڈیوے تاں کیا فائدہ؟

1 یُوحنّا 4:20

جے کوئی آکھے جو ”مَیں خُدا نال محبت رکھیندا ہاں“ پر آپنڑے بِھرا نال دُشمنڑی رکھیندے تاں او کُوڑا ہے۔ جیہڑا آپنڑے بِھرا نال جِینکُوں اُوں ڈِٹھے، محبت نئیں رکھیندا، او خُدا نال کِینویں محبت رکھ سگدے جِینکُوں اُوں نئیں ڈِٹھا؟

1 یُوحنّا 5:1

جیہڑا کوئی ایہ اِیمان رکھیندے جو یسُوع ای المسیح ہے، او خُدا دا فرزند ہے تے جیہڑا باپ نال محبت رکھیندے او اُوندے فرزنداں نال وی محبت رکھیندے۔