1 یُوحنّا 2:6 - کِتاب مُقدّس سرائیکی ترجمہ

⁶ جیہڑا کوئی آدھے جو میں خُدا ءچ قائم ہاں تاں اُونکُوں چاہیدے جو او وی اُونویں ای زندگی گُزارے جِینویں مسیح گُزاری۔

1 یُوحنّا 2:6 Iomraidhean Croise

متّی 11:29

میڈی پنجالی چا گِھنو تے میڈے کنُوں سِکھو۔ کیوں جو مَیں نرم تے دل دا فروتن ہاں۔ وَل تُہاکُوں آرام مِل سی۔

یُوحنّا 13:15

کیوں جو مَیں تُہاکُوں ہِک نمونہ ڈِتے جو جِینویں مَیں کیتے، تُساں وی اُونویں ای کرو۔

یُوحنّا 15:10

جے تُساں میڈے حُکماں اُتے عمل کریسو تاں میڈی محبت ءچ قائم راہسو، جِینویں مَیں آپنڑے باپ دے حُکماں اُتے عمل کیتے تے اُوندی محبت ءچ قائم ہاں۔

1کُرِنتھِیوں 11:1

تُساں میڈے نمونے اُتے ٹُرو جِینویں مَیں مسیح دے نمونے اُتے ٹُردا ہاں۔

اِفِسیوں 5:2

تے تُساں وی محبت نال زندگی گُزارو جِینویں مسیح ساڈے نال محبت کیتی تے ساڈے کیتے آپنڑے آپ کُوں خوشبو دار نذرانہ تے قُربانی دے طور تے خُدا کُوں ڈے ڈِتا۔

1 پطرس 2:21

تُساں اِیں کیتے ای سڈے گئے ہیوے، کیوں جو مسیح تُہاڈے کیتے ڈُکھ چا تے ہِک نمونہ چھوڑ گِیا تاں جو تُساں اُوندے نقش ِ قدم اُتے ٹُرو۔

1 یُوحنّا 2:28

ہُنڑ پیارے بالو! مسیح ءچ قائم راہو تاں جو جِیں ویلے او ظاہر تھیوے تاں ساکُوں اعتماد ہووے تے اُوندے آوݨ اُتے اساں اُوندے سامنڑے شرمندہ نہ تھیؤں۔

1 یُوحنّا 2:4

جیہڑا آدھے جو ”مَیں مسیح کُوں جاݨ گِھدے“ پر اُوندے حُکماں اُتے عمل نئیں کریندا تاں او کُوڑا ہے تے اُوندے ءچ سچائی کائنی۔

1 یُوحنّا 3:24

جیہڑا کوئی خُدا دے حُکماں اُتے عمل کریندے، او خُدا ءچ قائم راہندے تے خُدا اُوندے ءچ۔ تے اساں جانڑدے ہیں جو خُدا ساڈے ءچ اُوں رُوح القُدس دے ذریعے جیہڑا اُوں ساکُوں بخشیا ہے، قائم راہندے۔

1 یُوحنّا 3:6

جیہڑا کوئی اُوندے ءچ قائم راہندے، او گُناہ نئیں کریندا۔ جیہڑا کوئی گُناہ کریندے، اُوں نہ تاں مسیح کُوں پچھانڑیا تے نہ اُونکُوں جانڑیا ہے۔

1 یُوحنّا 4:17

اِینویں محبت ساڈے ءچ کامِل تھی گئی ہے، تاں جو عدالت دے ڈینہہ ساکُوں دلیری ہووے کیوں جو جِینویں مسیح ہے، اُونویں ای اساں وی اِیں دُنیا ءچ ہیں۔