1 یُوحنّا 2:25 - کِتاب مُقدّس سرائیکی ترجمہ

²⁵ تے جیہڑا وعدہ اُوں ساڈے نال کیتے، او ہمیشاں دی زندگی ہے۔

1 یُوحنّا 2:25 Iomraidhean Croise

لُوقا 18:30

تے اِیں زمانے ءچ اُونکُوں کئی گُنا زیادہ نہ مِلے تے آوݨ آلی دُنیا ءچ ہمیشاں دی زندگی۔“

یُوحنّا 10:28

مَیں اُنہاں کُوں ہمیشاں دی زندگی ڈیندا ہاں تے او کڈھائیں ہلاک نہ تھیسن، تے کوئی اُنہاں کُوں میڈے ہتھ کنُوں کَھس نہ سگسی۔

یُوحنّا 12:50

تے مَیں جانڑدا ہاں جو اُوندا حُکم ہمیشاں دی زندگی ہے۔ بس مَیں اُوہو آدھا ہاں جیندے آکھنڑ دا حُکم میکُوں باپ ڈِتے۔“

یُوحنّا 3:15

تاں جو جیہڑا کوئی اُوندے اُتے اِیمان گِھن آوے ہمیشاں دی زندگی پاوے۔

یُوحنّا 5:39

تُساں خُدا دے کلام ءچ گولھیندے ہیوے کیوں جو سمجھدے ہیوے جو اُوندے ءچ تُہاکُوں ہمیشاں دی زندگی مِلدی ہے۔ ایہ او ہے جیہڑا میڈی گواہی ڈیندے،

یُوحنّا 6:27

فانی خوراک کیتے محنت نہ کرو بلکہ اُوندے کیتے جیہڑی ہمیشاں دی زندگی تئیں باقی راہندی ہے جیہڑی اِبنِ آدم تُہاکُوں عطا کریسی۔ کیوں جو خُدا باپ اُونہی اُتے مُہر کیتی ہے۔“

یُوحنّا 6:40

کیوں جو میڈے بھیجنڑ آلے دی مرضی ایہ ہے جو جیہڑا کوئی پوتر کُوں ڈیکھے تے اُوندے اُتے اِیمان گِھن آوے او ہمیشاں دی زندگی پاوے تے مَیں اُونکُوں قیامت آلے ڈینہہ ولا زندہ کراں۔“

یُوحنّا 6:47

مَیں تُہاکُوں سچ آدھا ہاں جو جیہڑا کوئی اِیمان گِھن آندے، ہمیشاں دی زندگی اُوندی ہے۔

یُوحنّا 6:54

جیہڑا میڈا گوشت کھاندے تے میڈا خون پِیندے، اُوندے ءچ ہمیشاں دی زندگی ہے تے مَیں اُونکُوں قیامت آلے ڈینہہ ولا زندہ کریساں۔

یُوحنّا 6:68

شمعون پطرس اُونکُوں جواب ڈِتا، ”مالک! اساں کیندے کولھ ونجُوں؟ ہمیشاں دی زندگی دے گالھیں تاں تُہاڈے ای کولھ ہِن۔

رومیوں 2:7

جیہڑے نیک کماں ءچ قائم رہ تے جلال، عزت تے ختم نہ ہووݨ آلی زندگی دے طالب ہِن اُنہاں کُوں ہمیشاں دی زندگی ڈیسی۔

رومیوں 5:21

تاں جو جِینویں گُناہ موت دے ذریعے حکُومت کیتی، اُونویں ای خُدا دا فضل وی راستبازی دے ذریعے حکُومت کریسی تے ساڈے خُداوند یسُوع مسیح دے وسیلے نال ہمیشاں دی زندگی ڈیسی۔

رومیوں 6:23

کیوں جو گُناہ دی مزدُوری موت ہے پر خُدا دی نعمت ساڈے خُداوند یسُوع مسیح ءچ ہمیشاں دی زندگی ہے۔

گلتِیوں 6:8

جیہڑا کوئی آپنڑیاں بُریاں خواہشاں کیتے رہیندے، او ہلاکت دی فصل کپیسی۔ تے جیہڑا کوئی رُوح القُدس کُوں خوش کرݨ کیتے رہیندے، او رُوح القُدس دی طرفوں ہمیشاں دی زندگی دی فصل کپیسی۔

1 تِیمُتھِیُس 1:16

پر میڈے اُتے رحم اِیں واسطے تھیّا جو خُداوند یسُوع مسیح میڈے ذریعے جیہڑا سبھ تُوں وڈا گُنہگار ہاں، آپنڑا کمال صبر ظاہر کرے تاں جو مَیں اُنہاں ساریاں کیتے نمونہ بنڑ سگاں جیہڑے اُوندے اُتے اِیمان گِھن آ تے ہمیشاں دی زندگی پیسن۔

1 تِیمُتھِیُس 6:12

اِیمان دی چنگی کُشتی لڑ۔ ہمیشاں دی زندگی اُتے قبضہ کر گِھن جیندے کیتے تُوں سڈیا گِیا ہَویں، تے جِیندے بارے ءچ تَیں بہُوں سارے گواہاں دے سامنڑے چنگا اِقرار کیتا ہا۔

1 تِیمُتھِیُس 6:19

اِینویں او آپنڑے کیتے ہِک چنگا خزانہ جمع کریسن یعنی آوݨ آلے زمانے کیتے ہِک مضبوط بنیاد، تے اِینویں حقیقی زندگی اُتے قبضہ کرݨ۔

طِطُس 1:2

تے اُوں ہمیشاں دی زندگی دی اُمید اُتے قائم راہوݨ، جِیندا وعدہ خُدا جیہڑا کُوڑ نئیں مریندا، زمانے دے شروع تھیوݨ کنُوں وی پہلے کر ڈِتے۔

طِطُس 3:7

تاں جو اساں اُوندے فضل دے طفیل راستباز کھڑائے ونجُوں تے اُوں ہمیشاں دی زندگی دے وارث بنڑوں جیندی اساں اُمید رکھیندے ہیں۔

1 یُوحنّا 1:2

او جیہڑا خود زندگی ہا، ظاہر تھیّا تے اساں اُونکُوں ڈِٹھا۔ اساں اُوندی گواہی ڈے تے تُہاکُوں اُوں ہمیشاں دی زندگی دی خبر ڈیندے ہیں، جیہڑی باپ دے نال ہئی تے ساڈے اُتے ظاہر تھئی۔

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔

یہُوداہ 1:21

آپنڑے آپ کُوں خُدا دی محبت ءچ قائم رکھو تے خُداوند یسُوع مسیح دی رحمت دے منتظر راہو جِیندا نتیجہ ابدی زندگی ہے۔