1 یُوحنّا 2:2 - کِتاب مُقدّس سرائیکی ترجمہ

² اُوہو ساڈے گُناہاں دا کفارہ ڈیوݨ آلا ہے تے نہ صرف ساڈے گُناہاں دا بلکہ ساری دُنیا دے گُناہاں دا وی۔

1 یُوحنّا 2:2 Iomraidhean Croise

لُوقا 14:22

نوکر آکھیا، ’مالک! تیڈے آکھنڑ دے مطابق عمل کیتا گِیا ہے پر ہُنڑ وی جاہ خالی ہے۔‘

یُوحنّا 1:29

ڈُوجھے ڈینہہ یُوحنّا یسُوع کُوں آپنڑے کولھ آندے ڈیکھ تے آکھیا ”ڈیکھو ایہ خُدا دا لیلا ہے جیہڑا دُنیا دا گُناہ چا تے گِھن ویندے۔

یُوحنّا 12:32

تے جِیں ویلے مَیں زمین کنُوں اُتے چڑھایا ویساں تاں ساریاں کُوں آپنڑے کولھ چھیک گِھنساں۔“

یُوحنّا 4:42

اُنہاں اُوں عورت کُوں آکھیا، ”ہُنڑ اساں تیڈے آکھنڑ تے ای اِیمان نئیں گِھن آئے کیوں جو اساں خود سُنڑ گِھدے تے جانڑدے ہیں جو ایہ فی الحقیقت دُنیا دا نجات ڈیوݨ آلا ہے۔“

عبرانیوں 2:17

اِیں واسطے ضروری ہا جو او ہر لحاظ نال آپنڑے بِھرانواں وانگُوں بنڑے، تاں جو او خُدا دی خدمت کریندے ہوئے ہِک رحم دل تے وفادار کاہِن ِ اعظم بنڑ تے اُنہاں دے گُناہاں دا کفارہ ڈے سگے۔

1 پطرس 2:24

او خود آپنڑے ای بدن اُتے ساڈے گُناہاں دا بھار چا تے صلیب اُتے چڑھ گِیا تاں جو اساں گُناہاں دے اعتبار نال مر تے راستبازی دے اعتبار نال زندہ تھی ونجُوں۔ ”اُوندے زخماں تُوں تُہاکُوں شِفا مِلی ہے۔“

1 پطرس 3:18

کیوں جو مسیح جیہڑا راستباز ہا، بدکاراں دے گُناہاں دی خاطر ہمیشاں کیتے ہِکے پھیری ڈُکھ چاتا تاں جو ساکُوں خُدا تئیں پُچا ڈیوے۔ او جِسم دے اعتبار نال تاں ماریا گِیا پر رُوح دے اعتبار نال زندہ کیتا گِیا۔

1 یُوحنّا 1:7

پر جے اساں نُور ءچ ٹُردے ہیں جِینویں جو او خود نُور ءچ ہے تاں اساں ہِک ڈُوجھے نال رفاقت رکھیندے ہیں تے اُوندے پوتر یسُوع دا خون ساکُوں سبھ گُناہاں تُوں پاک کریندے۔

1 یُوحنّا 3:5

تے تُساں جانڑدے ہیوے جو یسُوع اِیں واسطے ظاہر تھیّا ہا جو گُناہاں کُوں چا گِھن ونجے تے اُوندے ءچ کوئی گُناہ نئیں۔

1 یُوحنّا 4:10

محبت ایہ نئیں جو اساں خُدا نال محبت کیتی بلکہ ایہ ہے جو اُوں ساڈے نال محبت کیتی تے آپنڑے پوتر کُوں بھیجیا تاں جو او ساڈے گُناہاں دا کفارہ بنڑے۔

1 یُوحنّا 4:14

اساں ڈیکھ گِھدے تے ہُنڑ گواہی ڈیندے ہیں جو باپ آپنڑے پوتر کُوں دُنیا دا نجات ڈیوݨ آلا بنڑا تے بھیج ڈِتے۔

1 یُوحنّا 5:19

اساں جانڑدے ہیں جو اساں خُدا دے فرزند ہیں، تے ایہ وی جو ساری دُنیا ابلیس دے قبضہ ءچ ہے۔

مُکاشفہ 12:9

تے او وڈا اژدہا یعنی اُوہو پُرانڑا نانگ جِیندا ناں ابلیس تے شیطان ہے تے جیہڑا ساری دُنیا کُوں گُمراہ کریندے، او تے اُوندے فرشتے وی زمین اُتے سَٹ ڈِتے گئے۔