1 یُوحنّا 2:16 - کِتاب مُقدّس سرائیکی ترجمہ

¹⁶ کیوں جو جیہڑا کُجھ دُنیا ءچ ہے یعنی جِسم دی بُری خواہش، اکھیں دا لالچ تے زندگی دی شیخی، او باپ دی طرفوں نئیں بلکہ دُنیا دی طرفوں ہے۔

1 یُوحنّا 2:16 Iomraidhean Croise

متّی 4:8

وَل ابلیس اُونکُوں ہِک بہُوں اُچے پہاڑ اُتے گِھن گِیا تے دُنیا دیاں ساریاں بادشاہیاں تے اُنہاں دی شان و شوکت اُونکُوں ڈِکھائی۔

متّی 5:28

پر مَیں تُہاکُوں ایہ آدھا ہاں جو جئیں کہیں عورت کُوں بُری نِگاہ نال ڈِٹھا تاں اُوں آپنڑے دل ءچ اُوندے نال زِنا کر گِھدا۔

لُوقا 4:5

وَل ابلیس اُونکُوں اُچی جاہ تے گِھن گِیا تے ہِک گھڑی ءچ دُنیا دیاں ساریاں بادشاہیاں ڈِکھائیاں،

رومیوں 13:14

بلکہ خُداوند یسُوع المسیح کُوں پا گِھنو تے جِسم دیاں بُریاں خواہشاں کُوں پُورا کرݨ ءچ نہ لگے راہو۔

1کُرِنتھِیوں 10:6

ایہ گالھیں ساڈے کیتے ہِک سبق ہِن تاں جو اساں اُنہاں لوکاں آلی کار بُرے چیزاں دی خواہش نہ کرُوں۔

گلتِیوں 5:17

کیوں جو نفس رُوح دے خلاف خواہش کریندے تے رُوح نفس دے خلاف۔ ایہ ڈوہائیں ہِک ڈُوجھے دے مخالف ہِن، اِیں واسطے جیہڑا کم تُساں کرݨ چاہندے ہیوے او نئیں کر سگدے۔

گلتِیوں 5:24

تے جیہڑے مسیح یسُوع دے ہِن اُنہاں آپنڑی اِنسانی فطرت کُوں اُوندے جذبات تے بُریاں خواہشاں سمیت صلیب اُتے چڑھا ڈِتے۔

اِفِسیوں 2:3

ہِک وقت ہا جِیں ویلے اساں وی اُنہاں ءچ شامل ہسے تے نفسانی خواہشاں ءچ زندگی گُزریندے تے دل تے دماغ دی ہر ہَوس کُوں پُورا کرݨ ءچ لگے راہندے ہسے۔ اساں ڈُوجھیاں وانگُوں فطرتی طور تے غضب دے حقدار ہسے۔

طِطُس 2:12

او فضل ساکُوں تربیت ڈیندے جو اساں بے دینی تے دُنیاوی خواہشاں کُوں چھوڑ تے اِیں موجودہ جہان ءچ پرہیزگاری، راستبازی، تے دینداری نال زندگی گُزاروں،

طِطُس 3:3

اساں وی ہِک وقت نادان، نافرمان تے گُمراہ ہسے تے ہر طرحاں دیاں خواہشاں تے عیاشیاں دی غُلامی ءچ ہسے، تے کینہ تے حسد ءچ زندگی گُزریندے پئے ہسے۔ ڈُوجھے ساڈے تُوں نفرت کریندے ہَن تے اساں ڈُوجھیاں تُوں۔

یعقُوب 3:15

ایجھی حِکمت اسمان کنُوں نئیں لہندی بلکہ دُنیاوی، نفسانی تے شیطانی ہے۔

یعقُوب 4:16

پر تُساں شیخی مریندے تے اُوندے اُتے فخر کریندے ہیوے۔ اِیں طرحاں دا سارا فخر بُرا ہے۔

1 پطرس 1:14

خُدا دے فرمانبردار فرزند ہوندے ہوئے آپنڑی جہالت دے زمانہ دیاں بُریاں خواہشاں دے تابع نہ تھیؤ،

1 پطرس 2:11

عزیزو، مَیں تُہاڈی مِنت کریندا ہاں جو تُساں جیہڑے اِیں دُنیا ءچ پردیسیاں تے مسافراں وانگُوں ہیوے، اُنہاں بُریاں خواہشاں کنُوں دُور راہو جیہڑیاں تُہاڈے نال لڑائی کریندیاں راہندیاں ہِن۔

2 پطرس 2:10

خاص کر اُنہاں کُوں جیہڑے آپنڑے جِسم دیاں گندیاں خواہشاں دی پیروی کریندے ہِن تے اِختیار کُوں حقیر سمجھدے ہِن۔ ایہ لوک گُستاخ تے مغرُور ہِن تے جلالی ہستیاں دی توہین کرݨ تُوں نئیں ڈردے۔

2 پطرس 2:18

ایہ لوک غرور دیاں فضول گالھیں کریندے ہِن، تے بے ہُودہ جسمانی خواہشاں نال ایجھے لوکاں کُوں ورغلیندے ہِن جیہڑے گُمراہی ءچ راہوݨ آلیاں ءچوں ہُنڑیں ہُنڑیں بچ نِکلے ہِن۔