1 یُوحنّا 2:11 - کِتاب مُقدّس سرائیکی ترجمہ

¹¹ پر جیہڑا آپنڑے بِھرانواں نال دُشمنڑی رکھیندے، او اندھارے ءچ ہے تے اندھارے ءچ ای ٹُردے۔ او نئیں جانڑدا جو کِتھاں ویندے کیوں جو اندھارے اُونکُوں اندھا کر ڈِتے۔

1 یُوحنّا 2:11 Iomraidhean Croise

یُوحنّا 12:35

یسُوع اُنہاں کُوں جواب ڈِتا، ”نُور تُہاڈے نال تھوڑی دیر تئیں بِیا ہے۔ جئیں تئیں نُور تُہاڈے نال ہے نُور ءچ چلدے راہو، اِینویں نہ تھیوے جو اندھارا تُہاکُوں آ جھلے۔ جیہڑا بندہ اندھارے ءچ چلدے، او نئیں جانڑدا جو کِتھاں ویندے۔

یُوحنّا 12:40

”اُوں اُنہاں دے اکھیں کُوں اندھا تے دِلاں کُوں سخت کر ڈِتا تاں جو اِینویں نہ تھیوے جو او آپنڑے اکھیں کنُوں ڈیکھنڑ تے آپنڑے دِلاں کنُوں سمجھنڑ تے رجُوع کرݨ تے مَیں اُنہاں کُوں شِفا بخشاں۔“

2کُرِنتھِیوں 3:14

اُنہاں دے ذہن سخت تھی گئے تے اَج تئیں پُرانڑے عہد دیاں کتاباں پڑھدے ویلے اُنہاں دے دل اُتے پڑدہ پِیا راہندے۔ ایہ پڑدہ صرف مسیح دے وسیلے نال چاتا ویندے۔

2کُرِنتھِیوں 4:4

اِیں جہان دے خُدا یعنی شیطان غیر اِیمانداراں دی عقل کُوں اندھا کر ڈِتے تاں جو او خوشخبری دا نُور نہ ڈیکھ سگنڑ، جیہڑا مسیح دے جلال کُوں ظاہر کریندے یعنی مسیح دے جیہڑا خُدا دی صورت اُتے ہے۔

طِطُس 3:3

اساں وی ہِک وقت نادان، نافرمان تے گُمراہ ہسے تے ہر طرحاں دیاں خواہشاں تے عیاشیاں دی غُلامی ءچ ہسے، تے کینہ تے حسد ءچ زندگی گُزریندے پئے ہسے۔ ڈُوجھے ساڈے تُوں نفرت کریندے ہَن تے اساں ڈُوجھیاں تُوں۔

2 پطرس 1:9

پر جیندے ءچ ایہ خُوبیاں نہ ہووݨ، او اندھا ہے تے اُوندی نظر اِتنی کمزور ہے جو اُونکُوں صرف نزدیک دیاں چیزاں نظر آندیاں ہِن تے آپنڑے پہلے گُناہاں کنُوں پاک تھیوݨ کُوں بُھلی بیٹھے۔

1 یُوحنّا 1:6

جے اساں اُوندے نال رفاقت رکھنڑ دا دعویٰ کریندے ہیں پر اندھارے ءچ ٹُردے ہیں تاں اساں کُوڑے ہیں تے سچائی اُتے عمل نئیں کریندے۔

1 یُوحنّا 2:10

جیہڑا کوئی آپنڑے بِھرانواں نال محبت رکھیندے، او نُور ءچ راہندے تے اُوندے ءچ تُھڈا کھواوݨ آلی کوئی چیز نئیں۔

1 یُوحنّا 2:9

جیہڑا کوئی نُور ءچ ہووݨ دا دعویٰ کریندے، پر آپنڑے بِھرانواں نال دُشمنڑی رکھیندے، او حالی تئیں اندھارے ءچ ہے۔

1 یُوحنّا 3:15

جیہڑا کوئی آپنڑے بِھرا نال دُشمنڑی رکھیندے، او خونی ہے۔ تے تُساں جانڑدے ہیوے جو کہیں خونی ءچ ہمیشاں دی زندگی نئیں ہوندی۔

1 یُوحنّا 4:20

جے کوئی آکھے جو ”مَیں خُدا نال محبت رکھیندا ہاں“ پر آپنڑے بِھرا نال دُشمنڑی رکھیندے تاں او کُوڑا ہے۔ جیہڑا آپنڑے بِھرا نال جِینکُوں اُوں ڈِٹھے، محبت نئیں رکھیندا، او خُدا نال کِینویں محبت رکھ سگدے جِینکُوں اُوں نئیں ڈِٹھا؟

مُکاشفہ 3:17

تُوں آدھیں جو مَیں دولت مند ہاں تے مالدار بنڑ گِیا ہاں تے کہیں چیز دا مُتھاج نئیں پر تُوں ایہ نئیں جانڑدا جو تُوں بدبخت، ترس دے قابل، غریب، اندھا تے ننگا ہیں۔