1 یُوحنّا 1:2 - کِتاب مُقدّس سرائیکی ترجمہ

² او جیہڑا خود زندگی ہا، ظاہر تھیّا تے اساں اُونکُوں ڈِٹھا۔ اساں اُوندی گواہی ڈے تے تُہاکُوں اُوں ہمیشاں دی زندگی دی خبر ڈیندے ہیں، جیہڑی باپ دے نال ہئی تے ساڈے اُتے ظاہر تھئی۔

1 یُوحنّا 1:2 Iomraidhean Croise

یُوحنّا 1:18

خُدا کُوں کڈھائیں کہیں نئیں ڈِٹھا پر اِکلوتا پوتر جیہڑا باپ دی گود ءچ ہے، اُوں ای اُونکُوں ظاہر کیتا۔

یُوحنّا 1:4

اُوندے ءچ زندگی ہئی تے او زندگی اِنساناں دا نُور ہئی۔

یُوحنّا 10:28

مَیں اُنہاں کُوں ہمیشاں دی زندگی ڈیندا ہاں تے او کڈھائیں ہلاک نہ تھیسن، تے کوئی اُنہاں کُوں میڈے ہتھ کنُوں کَھس نہ سگسی۔

یُوحنّا 14:6

یسُوع اُونکُوں آکھیا جو ”راہ، حق تے زندگی مَیں ہاں، میڈے وسیلہ دے بغیر کوئی باپ دے کولھ نئیں آندا۔

یُوحنّا 15:27

تے تُساں وی گواہی ڈیسو کیوں جو شروع کنُوں میڈے نال ہیوے۔“

یُوحنّا 16:28

مَیں باپ ءچوں نِکل تے دُنیا ءچ آیا ہاں۔ وَل دُنیا تُوں رُخصت تھی تے باپ کولھ ویندا ہاں۔“

یُوحنّا 17:3

تے ہمیشاں دی زندگی ایہ ہے جو او تَیں خُدائے واحد تے برحق کُوں تے یسُوع مسیح کُوں جِینکُوں تُوں بھیجیا ہے، جانڑن۔

یُوحنّا 17:5

تے ہُنڑ اے باپ! میکُوں آپنڑے حضُور ءچ جلال ڈے، او جلال جیہڑا مَیں دُنیا دے بنڑݨ کنُوں پہلے تیڈے نال رکھیندا ہم۔

یُوحنّا 19:35

جئیں ایہ ڈِٹھے اُوں گواہی ڈِتی ہے تے اُوندی گواہی سچی ہے تے او جانڑدا ہے جو سچ آدھا ہے تاں جو تُساں وی اِیمان گِھن آؤ۔

یُوحنّا 21:14

یسُوع مُردیاں ءچوں زندہ تھی ونجنڑ دے بعد ایہ تریجھی پھیری آپنڑے شاگرداں اُتے ظاہر تھیّا۔

یُوحنّا 3:13

کوئی اسمان اُتے نئیں گِیا سوائے اُوندے جیہڑا اسمان کنُوں لتھے یعنی اِبنِ آدم۔

یُوحنّا 7:29

مَیں اُونکُوں جانڑدا ہاں اِیں واسطے جو مَیں اُوندی طرفوں ہاں تے اُونہی میکُوں بھیجیا ہے۔“

یُوحنّا 8:38

مَیں جیہڑا کُجھ آپنڑے باپ دے حضُور ڈِٹھے، تُہاکُوں اکھیندا ہاں تے تُساں وی اُوہو کریندے ہیوے جیہڑا تُساں آپنڑے باپ کنُوں سُنڑیا ہے۔“

اعمال 10:41

او سارے لوکاں اُتے ظاہر نئیں تھیّا بلکہ صرف اُنہاں گواہاں اُتے جِنہاں کُوں خُدا پہلے کنُوں چُنڑ گِھدا ہا یعنی ساڈے اُتے جِنہاں اُوندے مُردیاں ءچوں زندہ تھیوݨ دے بعد اُوندے نال کھادا پِیتا۔

اعمال 2:32

خُدا یسُوع کُوں زندہ کیتا تے اساں سارے اِیں گالھ دے گواہ ہیں۔

اعمال 3:15

تُساں زندگی دے مالک کُوں قتل کر ڈِتا جِینکُوں خُدا مُردیاں ءچوں زندہ کیتا۔ اساں اِیندے گواہ ہیں۔

اعمال 5:32

اساں اِنہاں گالھیں دے گواہ ہیں تے رُوح القُدس وی، جیہڑا خُدا آپنڑے فرمانبرداراں کُوں عطا فرمائے۔“

رومیوں 8:3

ساڈی اِنسانی فطرت دی کمزوری دے سببّوں شریعت ساکُوں نہ بچا سگی پر خُدا ایہ کیتے۔ اُوں آپنڑے پوتر کُوں گُنہگاراں جِیہے جِسم ءچ بھیجیا تاں جو او گُناہ کیتے قُربان تھیوے۔ اِیں طرحاں خُدا جِسم ءچ ای گُناہ کُوں سزا ڈِتی،

گلتِیوں 4:4

پر جِیں ویلے وقت پُورا تھی گِیا تاں خُدا آپنڑے پوتر کُوں بھیجیا جیہڑا عورت تُوں پیدا تھیّا تے شریعت دے تابع پیدا تھیّا،

1 تِیمُتھِیُس 3:16

اِیندے ءچ کوئی شک نئیں جو ساڈے اِیمان دا راز وڈا ہے یعنی او جِسم ءچ ظاہر تھیّا، رُوح دے وسیلے نال صادق ثابت تھیّا فرشتیاں کُوں ڈِکھالی ڈِتا، غیر قوماں ءچ اُوندی تبلیغ تھئی دُنیا ءچ لوک اُوندے اُتے اِیمان گِھن آئے تے او جلال ءچ اسمان اُتے چاتا گِیا۔

2 تِیمُتھِیُس 1:10

پر ہُنڑ او ساڈے نجات ڈیوݨ آلے یسُوع مسیح دے آوݨ نال ظاہر تھئے۔ اُوں موت دی طاقت کُوں ختم کر ڈِتا تے غیر فانی زندگی کُوں آپنڑی خوشخبری دے وسیلے نال روشن کر ڈِتا۔

طِطُس 1:2

تے اُوں ہمیشاں دی زندگی دی اُمید اُتے قائم راہوݨ، جِیندا وعدہ خُدا جیہڑا کُوڑ نئیں مریندا، زمانے دے شروع تھیوݨ کنُوں وی پہلے کر ڈِتے۔

1 پطرس 5:1

تُساں جیہڑے کلیسیا دے بزُرگ ہیوے، میں تُہاکُوں ہِک بزُرگ، مسیح دے ڈُکھاں دا گواہ، تے اُوندے ظاہر تھیوݨ آلے جلال ءچ شریک تھیوݨ آلے دی حیثیت نال ایہ نصیحت کریندا ہاں جو

1 یُوحنّا 1:1

اساں زندگی دا او کلام بیان کریندے ہیں جیہڑا شروع کنُوں ہا، جِینکُوں اساں سُنڑیا تے آپنڑے اکھیں نال ڈِٹھا تے غور نال نظر کیتی بلکہ ہتھ لا تے ڈِٹھا۔

1 یُوحنّا 2:25

تے جیہڑا وعدہ اُوں ساڈے نال کیتے، او ہمیشاں دی زندگی ہے۔

1 یُوحنّا 3:5

تے تُساں جانڑدے ہیوے جو یسُوع اِیں واسطے ظاہر تھیّا ہا جو گُناہاں کُوں چا گِھن ونجے تے اُوندے ءچ کوئی گُناہ نئیں۔

1 یُوحنّا 3:8

جیہڑا کوئی گُناہ کریندا راہندے، او ابلیس دا بندہ ہے، کیوں جو ابلیس شروع کنُوں ای گُناہ کریندا ریہا ہے۔ خُدا دا پوتر اِیں واسطے ظاہر تھئے جو ابلیس دے کماں کُوں برباد کر ڈیوے۔

1 یُوحنّا 4:14

اساں ڈیکھ گِھدے تے ہُنڑ گواہی ڈیندے ہیں جو باپ آپنڑے پوتر کُوں دُنیا دا نجات ڈیوݨ آلا بنڑا تے بھیج ڈِتے۔

1 یُوحنّا 4:2

تُساں خُدا دے رُوح القُدس کُوں اِینویں پچھاݨ سگدے ہیوے جو جیہڑی رُوح ایہ اِقرار کرے جو یسُوع مسیح اِنسانی جسم ءچ آئے، او خُدا دی طرفوں ہے۔

1 یُوحنّا 5:11

تے او گواہی ایہ ہے جو خُدا ساکُوں ہمیشاں دی زندگی ڈِتی تے ایہ زندگی اُوندے پوتر ءچ ہے۔

1 یُوحنّا 5:13

مَیں تُہاکُوں جیہڑے خُدا دے پوتر دے ناں اُتے اِیمان گِھن آئے ہیوے، ایہ گالھیں اِیں واسطے لِکھیاں ہِن جو تُساں جاݨ گِھنو جو تُہاڈے کولھ ہمیشاں دی زندگی ہے۔

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔