1 یُوحنّا 1:10 - کِتاب مُقدّس سرائیکی ترجمہ

¹⁰ جے اساں دعویٰ کرُوں جو اساں گُناہ نئیں کیتا تاں خُدا کُوں کُوڑا آدھے ہیں تے اُوندا کلام ساڈے ءچ نئیں۔

1 یُوحنّا 1:10 Iomraidhean Croise

یُوحنّا 3:33

جئیں اُوندی گواہی قبول کیتی اُوں اِیں گالھ دی تصدیق کر ڈِتی جو خُدا سچا ہے۔

کلُسِّیوں 3:16

مسیح دے کلام کُوں آپنڑے دِلاں ءچ مکمل طور تے وسنڑ ڈیؤ تے کمال حِکمت دے نال ہِک ڈُوجھے کُوں تعلیم ڈیؤ تے نصیحت کرو۔ تے آپنڑے دِلاں ءچ شُکرگزاری کریندے ہوئے خُدا کیتے زبُور، حمد تے رُوحانی گیت گاؤ۔

1 یُوحنّا 1:8

جے اساں بے گُناہ ہووݨ دا دعویٰ کرُوں تاں آپنڑے آپ کُوں دوکھا ڈیندے ہیں تے ساڈے ءچ سچائی کائنی۔

1 یُوحنّا 2:14

بزُرگو! مَیں تُہاکُوں اِیں واسطے لِکھیا ہے جو تُساں اُونکُوں جیہڑا ازل کنُوں موجود ہے، جاݨ گِھدے۔ جوانو! مَیں تُہاکُوں اِیں واسطے لِکھیا ہے جو تُساں مضبوط ہیوے تے خُدا دا کلام تُہاڈے دِلاں ءچ وسدے، تے تُساں ابلیس اُتے غالب آ گئے ہیوے۔

1 یُوحنّا 2:4

جیہڑا آدھے جو ”مَیں مسیح کُوں جاݨ گِھدے“ پر اُوندے حُکماں اُتے عمل نئیں کریندا تاں او کُوڑا ہے تے اُوندے ءچ سچائی کائنی۔

1 یُوحنّا 4:4

بالو! تُساں خُدا کنُوں ہیوے تے کُوڑے لوکاں اُتے غالب آ گئے ہیوے، کیوں جو جیہڑا تُہاڈے ءچ ہے، او اُوں کنُوں جیہڑا دُنیا ءچ ہے بہُوں وڈا ہے۔

1 یُوحنّا 5:10

جیہڑا خُدا دے پوتر اُتے اِیمان رکھیندے، او آپنڑے آپ ءچ اِیہو گواہی رکھیندے۔ جئیں خُدا اُتے یقین نئیں رکھیا، اُوں خُدا کُوں کُوڑا آکھیا کیوں جو او اُوں گواہی اُتے اِیمان نئیں رکھیندا جیہڑی خُدا آپنڑے پوتر دے حق ءچ ڈِتی ہے۔

2 یُوحنّا 1:2

کیوں جو سچائی ساڈے ءچ قائم راہندی ہے تے ہمیشاں تئیں ساڈے نال راہسی۔