1کُرِنتھِیوں 9:1 - کِتاب مُقدّس سرائیکی ترجمہ

¹ کیا مَیں ازاد نئیں؟ کیا مَیں رسُول نئیں؟ کیا مَیں یسُوع کُوں نئیں ڈِٹھا جیہڑا ساڈا خُداوند ہے؟ کیا تُساں خُداوند کیتے میڈی خدمت دا پھل نئیں؟

1کُرِنتھِیوں 9:1 Iomraidhean Croise

اعمال 13:2

جِیں ویلے او خُداوند دی عبادت کریندے تے روزے رکھیندے پئے ہَن تاں رُوح القُدس آکھیا، ”میڈے کیتے برنباس تے ساؤل کُوں اُوں کم کیتے مخصوص کر ڈیؤ جیندے کیتے مَیں اُنہاں کُوں سڈیا ہے۔“

اعمال 14:14

جِیں ویلے رسُولاں یعنی پولُس تے برنباس ایہ سُنڑیا تاں آپنڑے کپڑے پھاڑ تے لوکاں ءچ وَنج وڑے تے اُچی اواز ءچ

اعمال 14:4

پر شہر دے لوک آپس ءچ ونڈیج گئے۔ کُجھ یہُودیاں نال تھی گئے تے کُجھ رسُولاں نال۔

اعمال 23:11

اُونہی رات خُداوند پولُس دے کولھ آ کھڑا تھیّا تے آکھیا، ”حوصلہ رکھ، جِینویں تَیں یروشلیم ءچ میڈی گواہی ڈِتی ہے، اُونویں ای تیکُوں روم ءچ گواہی ڈیونڑی پوسی۔“

اعمال 9:15

پر خُداوند حننیاہ کُوں آکھیا جو ”تُوں وَنج کیوں جو ایہ بندہ غیر قوماں، بادشاہاں تے بنی اِسرائیل ءچ میڈا ناں ظاہر کرݨ کیتے میڈا چُنڑیا ہویا وسیلہ ہے۔

اعمال 9:17

بس حننیاہ وَنج تے اُوں گھر ءچ داخل تھیّا تے آپنڑے ہتھ اُوندے اُتے رکھ تے آکھیا ”بِھرا ساؤل! خُداوند یسُوع جیہڑا رستے ءچ تیڈے اُتے ظاہر تھیّا جِیں ویلے تُوں آندا پِیا ہَویں، اُوں میکُوں بھیجیا ہے جو تُوں ولا کنُوں ڈیکھ سگیں تے رُوح القُدس نال بھریج ونجیں۔“

اعمال 9:3

جِیں ویلے او سفر کریندے کریندے دمشق دے نیڑے پُجیا تاں اچانک اسمان کنُوں ہِک روشنی اُوندے چودھارُوں آ چمکی۔

اعمال 9:5

ساؤل پُچھیا ”اے خُداوند! تُساں کوݨ ہیوے؟“ اُوں آکھیا ”مَیں یسُوع ہاں جِینکُوں تُوں سَتیندیں؟

رومیوں 1:1

ایہ خط میں پولُس دی طرفوں ہے جیہڑا یسُوع مسیح دا خادم ہاں۔ میں رسُول ہووݨ کیتے سڈیا گِیا ہاں تے خُدا دی خوشخبری سُناوݨ کیتے مقرر کیتا گِیا ہاں۔

رومیوں 1:5

جیندے وسیلے تے ناں دی خاطر ساکُوں فضل تے رسُول ہووݨ دی ذمہ داری مِلی، تاں جو سبھ قوماں ءچوں لوک اِیمان گِھن آ تے یسُوع دے تابع تھی ونجنڑ۔

رومیوں 11:13

ہُنڑ مَیں تُساں غیریہُودیاں کُوں آدھا ہاں۔ مَیں غیریہُودیاں کیتے رسُول مقرر تھیّا ہاں اِیں واسطے آپنڑی خدمت دی تعریف کریندا ہاں،

1کُرِنتھِیوں 1:1

ایہ خط میں پولُس دی طرفوں ہے جیہڑا خُدا دی مرضی نال یسُوع مسیح دا رسُول ہووݨ کیتے سڈیا گِیا، تے ساڈے بِھرا سوستھِنیس دی طرفوں،

1کُرِنتھِیوں 10:29

میڈا مطلب ہے تیڈے ضمیر کیتے نئیں بلکہ ڈُوجھے بندے دے ضمیر کیتے۔ میڈی ازادی ڈُوجھے بندے دے ضمیر دے سببّوں کیوں پرکھی ونجے ؟

1کُرِنتھِیوں 10:30

جے مَیں اُوں کھانڑے کُوں شُکر کر تے کھا گِھندا ہاں تاں اُوندے سببّوں کیوں بدنام کیتا ویندا ہاں، کیوں جو میں تاں اُونکُوں خُدا دا شُکر کر تے کھاندا ہاں۔

1کُرِنتھِیوں 11:16

جے کوئی اِیندے اُتے بحث کرݨ چاہندے تاں او جاݨ گِھنے جو نہ ساڈا ایجھا دستور ہے نہ خُدا دی کلیسیاواں دا۔

1کُرِنتھِیوں 3:6

مَیں بُوٹا لایا، اپُلّوس پانڑی ڈِتا پر ودھایا خُدا۔

1کُرِنتھِیوں 9:19

بھانویں مَیں ازاد ہاں تے کہیں دا پابند نئیں، وَل وی مَیں آپنڑے آپ کُوں سبھ دا غُلام بنڑا ڈِتے تاں جو زیادہ لوکاں کُوں مسیح کولھ گِھن آ سگاں۔

2کُرِنتھِیوں 10:7

تُساں ظاہری چیزاں اُتے غور کریندے ہیوے۔ جے کہیں کُوں آپنڑے آپ اُتے ایہ بھروسا ہے جو او مسیح دا ہے تاں اُونکُوں ایہ وی سوچ گِھننڑاں چاہیدے جو جِینویں او مسیح دا ہے اُونویں ای اساں وی ہیں۔

2کُرِنتھِیوں 11:5

مَیں نئیں سمجھدا جو مَیں اُنہاں ”افضل رسُولاں“ کنُوں کمتر ہاں۔

2کُرِنتھِیوں 6:1

اساں جیہڑے خُدا دے کم ءچ شریک ہیں تُہاڈی مِنت کریندے ہیں جو خُدا دے اُوں فضل کُوں جیہڑا تُہاڈے اُتے تھئے بے فائدہ نہ تھیوݨ ڈیؤں۔

گلتِیوں 1:1

ایہ خط میں پولُس رسُول دی طرفوں ہے۔ مَیں نہ تاں اِنساناں دی طرفوں، نہ کہیں بندے دے وسیلے رسُول مقرر کیتا گِیا بلکہ یسُوع المسیح تے خُدا باپ دے وسیلے جئیں یسُوع مسیح کُوں مُردیاں ءچوں زندہ کیتا۔

گلتِیوں 5:1

مسیح ساکُوں ازاد راہنڑ کیتے ازاد کیتے۔ بس اِیں ازادی ءچ ثابت قدم راہو تے ولا غُلامی دی پنجالی ءچ نہ جُتو۔

1تھِسّلُنیکیوں 2:6

اساں آدمیاں دی تعریف دے مُتھاج نئیں نہ ای تُہاڈی نہ بئے دی، بھانویں اساں مسیح دے رسُول ہووݨ دی حیثیت نال تُہاڈے اُتے آپنڑا بھار سَٹ سگدے ہسے۔

1 تِیمُتھِیُس 2:7

اِیں مقصد کیتے میکُوں تبلیغ کرݨ آلا تے رسُول تے غیر قوماں کُوں اِیمان تے سچائی دے گالھیں سِکھاوݨ آلا مقرر کیتا گِیا۔ مَیں کُوڑ نئیں مریندا بلکہ سچ آدھا ہاں۔

2 تِیمُتھِیُس 1:11

خُدا میکُوں اِیں خوشخبری دی تبلیغ کرݨ آلا، رسُول تے اُستاد مقرر کیتا۔