1کُرِنتھِیوں 8:7 - کِتاب مُقدّس سرائیکی ترجمہ

⁷ پر ایہ علم ساریاں دے کولھ نئیں، بلکہ کُجھ ایماندار ہُنڑ تئیں بُتاں دے عادی ہِن۔ اِیں واسطے جِیں ویلے او قُربانی دا گوشت کھاندن تاں ایہ سمجھ تے جو بُت دی پُوجا کریندے پئین، آپنڑے ضمیر دی کمزوری دے سببّوں آپنڑے آپ کُوں قصُوروار سمجھنڑ لگدن۔

1کُرِنتھِیوں 8:7 Iomraidhean Croise

اعمال 15:20

پر اُنہاں کُوں خط لِکھ تے ایہ ڈساؤں جو او بُتاں کُوں نذر کیتیاں ہوئیاں چیزاں تے حرام کاری تے گَل گُھٹ تے مارے ہوئے جانوراں تے خون کنُوں پرہیز کرݨ۔

رومیوں 14:14

میکُوں پتہ ہے بلکہ خُداوند یسُوع ءچ پُورا یقین ہے جو کوئی چیز آپنڑے آپ ءچ حرام نئیں ہوندی، پر جیہڑا اُونکُوں حرام سمجھدے اُوندے کیتے حرام ہے۔

رومیوں 15:14

میڈے بِھراؤ! میکُوں تُہاڈے بارے ءچ یقین ہے جو تُساں خود وی نیکی تے علم نال بھریج گئے ہیوے تے ہِک ڈُوجھے کُوں نصیحت کرݨ دے قابل وی ہیوے۔

1کُرِنتھِیوں 10:25

جیہڑا گوشت بازار ءچ وِکدے، او کھاؤ تے آپنڑے ضمیر کُوں تسلی ڈیوݨ کیتے اِیندے بارے ءچ کُجھ نہ پُچھو۔

1کُرِنتھِیوں 8:1

بُتاں کُوں پیش کیتیاں ونجنڑ آلیاں قُربانیاں دے بارے ءچ ایہ ہے: اساں جانڑدے ہیں جو ”اساں سارا علم رکھیندے ہیں“ پر علم غرور پیدا کریندے جڈاں جو محبت ترقی بخشیندی ہے۔

1کُرِنتھِیوں 8:4

بُتاں دیاں قُربانیاں دا گوشت کھاوݨ دے بارے ءچ اساں جانڑدے ہیں جو دُنیا ءچ بُتاں دی حقیقت بالکل نئیں۔ خُدا ہِک ہے تے اُوندے علاوہ کوئی معبُود نئیں۔

1تھِسّلُنیکیوں 5:14

بِھراؤ! اساں تُہاڈی مِنت کریندے ہیں جو آلسیاں کُوں سمجھاؤ، بے دِلاں کُوں ہِمت ڈیواؤ، کمزوراں دی مدد کرو تے سارے لوکاں نال صبر نال پیش آؤ۔