1کُرِنتھِیوں 8:3 - کِتاب مُقدّس سرائیکی ترجمہ

³ پر جیہڑا خُدا نال محبت رکھیندے، خُدا اُونکُوں جانڑدے۔

1کُرِنتھِیوں 8:3 Iomraidhean Croise

متّی 7:23

اُوں ویلے مَیں اُنہاں کُوں صاف اکھیساں جو ’میڈی کڈھائیں تُہاڈے نال واقفیت نہ ہئی۔ بدکارو! میڈے سامنڑے تُوں دُور تھی ونجو۔‘

یُوحنّا 10:14

چنگا آجڑی مَیں ہاں۔ مَیں آپنڑیاں بھیڈاں کُوں جانڑدا ہاں تے او میکُوں جانڑدیاں ہِن،

یُوحنّا 21:17

یسُوع تریجھی پھیری ولا اُونکُوں آکھیا، ”یُوحنّا دے پوتر شمعون! کیا تُوں میکُوں عزیز رکھیندیں؟“ پطرس ڈُکھی تھی گِیا کیوں جو اُوں اُونکُوں تریجھی پھیری آکھیا ہا، ”کیا تُوں میکُوں عزیز رکھیندیں؟“ اُوں اُونکُوں آکھیا، ”اے خُداوند! تُساں تاں سبھ کُجھ جانڑدے ہیوے۔ تُہاکُوں پتہ ہے جو مَیں تُہاکُوں عزیز رکھیندا ہاں۔“ یسُوع اُونکُوں آکھیا، ”تُوں میڈیاں بھیڈاں چَرا۔

رومیوں 11:2

خُدا آپنڑی قوم کُوں جِینکُوں او پہلے کنُوں جانڑدا ہا، رَد نئیں کیتا۔ کیا تُساں نئیں جانڑدے جو خُدا دا کلام ایلیّاہ دے بارے ءچ کیا فرمیندے، جو او کِینویں خُدا کُوں اِسرائیل دے خلاف ایہ فریاد کریندے جو

1کُرِنتھِیوں 13:12

ہُنڑ ساکُوں شیشے ءچ دُھندلا نظر آندے پر اُوں ویلے آمنڑے سامنڑے ڈیکھسوں۔ اِیں ویلے میڈا علم نامکمل ہے پر اُوں ویلے پُوری طرحاں پچھاݨ گِھنساں، جِینویں خُدا میکُوں پُوری طرحاں پچھانڑے۔

1کُرِنتھِیوں 2:9

پر جِینویں پاک کلام ءچ لِکھیا ہے اُونویں ای تھیّا جو ”جیہڑا نہ تاں کہیں اکھ ڈِٹھا، نہ کہیں کَن سُنڑیا، نہ کہیں دے خیال ءچ آیا، او سبھ کُجھ خُدا اُنہاں کیتے تیار کیتا جیہڑے اُوں نال محبت رکھیندے ہِن۔“

گلتِیوں 4:9

پر ہُنڑ جڈاں تُساں خُدا کُوں پچھاݨ گِھدے بلکہ خُدا تُہاکُوں پچھاݨ گِھدے تاں تُساں کیوں اُنہاں کمزور تے بے کار اصُولاں دو واپس ویندے پئے ہیوے؟ کیا ولا کنُوں اُنہاں دی غُلامی ءچ آوݨ چاہندے ہیوے؟

2 تِیمُتھِیُس 2:19

وَل وی خُدا دی مضبوط بنیاد قائم راہندی ہے تے اُوندے اُتے اِنہاں گالھیں دی مُہر تھی گئی ہے جو ”رب آپنڑے بندیاں کُوں پچھاݨ گِھندے۔“ تے ”جیہڑا کوئی رب دا ناں گِھندے او بدی تُوں دُور راہوے۔“

یعقُوب 1:12

مُبارک ہے او بندہ جیہڑا ازمائش ویلے ثابت قدم راہندے، کیوں جو کامیاب تھیوݨ اُتے اُونکُوں اِنعام ءچ زندگی دا او تاج مِلسی جِیندا وعدہ خُداوند آپنڑے سبھ پیار کرݨ آلیاں نال کیتے۔

یعقُوب 2:5

میڈے پیارے بِھراؤ سُنڑو! کیا خُدا دُنیا دے غریباں کُوں نئیں چُنڑیا جو اِیمان ءچ دولت مند ہووݨ تے اُوں بادشاہی دے وارث ہووݨ جِیندا اُوں آپنڑے محبت رکھنڑ آلیاں کُوں ڈیوݨ دا وعدہ کیتے؟

1 پطرس 1:8

تُساں یسُوع کُوں نئیں ڈِٹھا وَل وی اُوندے نال محبت کریندے ہیوے۔ بھانویں تُساں اِیں وقت اُونکُوں نئیں ڈیدھے، وَل وی اُوندے اُتے اِیمان رکھیندے ہوئے ایجھی خوشی منیندے ہیوے جیہڑی بیان تُوں باہر تے جلال آلی ہے۔

1 یُوحنّا 4:19

اساں اِیں واسطے محبت رکھیندے ہیں جو پہلے خُدا ساڈے نال محبت رکھی۔

1 یُوحنّا 4:7

عزیزو! آؤ اساں ہِک ڈُوجھے نال محبت رکھوں کیوں جو محبت خُدا دی طرفوں ہے تے جیہڑا کوئی محبت رکھیندے، او خُدا دا فرزند ہے تے خُدا کُوں جانڑدے۔

مُکاشفہ 2:13

”مَیں جانڑدا ہاں جو جِتھاں تُوں راہندیں اُتھاں شیطان دا تخت ہے، پر وَل وی تُوں میڈے ناں نال وفادار ریہا ہیں۔ تے اُنہاں ڈینہاں ءچ وی جِیں ویلے میڈا سچا گواہ اِنتپاس تیڈے شہر ءچ شہید کیتا گِیا جِتھاں شیطان راہندے، اُوں ویلے وی تَیں میڈے اُتے اِیمان رکھنڑ تُوں اِنکار نئیں کیتا۔

مُکاشفہ 2:19

”مَیں تیڈے کماں، تیڈی محبت، تیڈے اِیمان، تیڈی خدمت تے تیڈی ثابت قدمی کُوں جانڑدا ہاں تے ایہ وی جو تُوں ہُنڑ پہلے کنُوں وی زیادہ کم کریندا پِیا ہیں۔

مُکاشفہ 2:9

”مَیں تیڈی مُصیبت تے غریبی کُوں جانڑدا ہاں، پر حقیقت ءچ تُوں دولت مند ہیں۔ تے مَیں اُنہاں لوکاں دی تُہمت کُوں وی جانڑدا ہاں جیہڑے آپنڑے آپ کُوں بنی اِسرائیل تاں اکھیندے ہِن پر ہِن نئیں بلکہ شیطان دی جماعت ہِن۔