1کُرِنتھِیوں 8:12 - کِتاب مُقدّس سرائیکی ترجمہ

¹² تُوں آپنڑے بِھرانواں دے کمزور ضمیر کُوں دھک لگنڑ دا سبب بنڑ تے نہ صرف اُنہاں دے خلاف گُناہ کیتے بلکہ مسیح دے خلاف وی۔

1کُرِنتھِیوں 8:12 Iomraidhean Croise

متّی 18:10

خبردار اِنہاں چھوٹیاں ءچوں کہیں کُوں ناچیز نہ سمجھو کیوں جو مَیں تُہاکُوں آدھا ہاں جو اُنہاں دے فرشتے اسمان اُتے ہر ویلے میڈے اسمانی باپ دا مُنہ ڈیدھے ہِن۔

متّی 18:21

اُوں ویلے پطرس کولھ آ تے اُونکُوں پُچھیا، ”مالک! جے میڈا بِھرا میڈا گُناہ کریندا راہوے تاں مَیں اُونکُوں کِتی پھیری معاف کراں؟ کیا سَت پھیری؟“

متّی 18:6

پر جیہڑا کوئی اِنہاں چھوٹیاں ءچوں جیہڑے میڈے اُتے اِیمان گِھن آئے ہِن کہیں کیتے اِیمان تُوں گُمراہ تھیوݨ دا سبب بنڑدے، اُوندے کیتے اِیہو چنگا ہے جو چکّی دا پُڑ اُوندی گِچی ءچ پا تے اُونکُوں ڈونگھے سمندر ءچ بوڈ ڈِتا ونجے۔

متّی 25:40

بادشاہ جواب ڈیسی مَیں تُہاکُوں سچ آدھا ہاں جو ’جِیں ویلے تُساں میڈے اِنہاں سبھ کنُوں چھوٹیاں بِھرانواں ءچوں کہیں ہِک نال ایہ سلوک کیتا تاں میڈے نال کیتا۔‘

متّی 25:45

وَل او اُنہاں کُوں جواب ڈیسی، ’مَیں تُہاکُوں سچ آدھا ہاں جو جِیں ویلے تُساں اِنہاں ساریاں کنُوں چھوٹیاں ءچوں کہیں دے نال ایہ سلوک نہ کیتا تاں میڈے نال نہ کیتا۔‘

مرقس 9:42

پر جیہڑا کوئی اِنہاں چھوٹیاں ءچوں جیہڑے میڈے اُتے اِیمان گِھن آئے ہِن، کہیں کیتے اِیمان تُوں گُمراہ تھیوݨ دا سبب بنڑدے، اُوندے کیتے اِیہو چنگا ہے جو چکّی دا پُڑ اُوندی گِچی ءچ پا تے اُونکُوں سمندر ءچ سَٹ ڈِتا ونجے۔

لُوقا 17:2

اِنہاں چھوٹیاں ءچوں کہیں کیتے اِیمان تُوں گُمراہ تھیوݨ دا سبب بنڑݨ کنُوں اُوندے کیتے اِیہو چنگا ہے جو چکّی دا بھارا پُڑ اُوندی گِچی ءچ پا تے اُونکُوں سمندر ءچ سَٹ ڈِتا ویندا۔

رومیوں 14:20

صرف کھاوݨ دی خاطر خُدا دے کم کُوں نہ وِگاڑ۔ ہر چیز پاک تاں ہے پر جے تیڈے کھاوݨ نال ڈُوجھے کُوں تُھڈا لگدے تاں وَل او غلط ہے۔

1کُرِنتھِیوں 12:12

جِینویں اِنسانی بدن ہِک ہے تے اُوندے بہُوں سارے اَنگ ہِن تے او سبھ اَنگ رَل تے ہِک بدن بنڑیندن، اُونویں ای مسیح دا بدن وی ہے۔