1کُرِنتھِیوں 8:1 - کِتاب مُقدّس سرائیکی ترجمہ

¹ بُتاں کُوں پیش کیتیاں ونجنڑ آلیاں قُربانیاں دے بارے ءچ ایہ ہے: اساں جانڑدے ہیں جو ”اساں سارا علم رکھیندے ہیں“ پر علم غرور پیدا کریندے جڈاں جو محبت ترقی بخشیندی ہے۔

1کُرِنتھِیوں 8:1 Iomraidhean Croise

اعمال 15:10

بس ہُنڑ تُساں شاگرداں دی گردن اُتے ایجھی پنجالی رکھ تے جِینکُوں نہ ساڈے پِیُو ڈاڈا چا سگدے ہَن، نہ ای اساں، خُدا کُوں کیوں ازمیندے ہیوے؟

اعمال 15:29

جو تُساں بُتاں دیاں قُربانیاں دے گوشت، خون تے گلا گُھٹ تے مارے ہوئے جانوراں دے گوشت تے حرام کاری کنُوں پرہیز کرو۔ جے تُساں آپنڑے آپ کُوں اِنہاں چیزاں کنُوں بچائی رکھیسو تاں چنگا کریسو۔ والسّلام۔

اعمال 21:25

تے جِتھوں تئیں اُنہاں غیریہُودیاں دا سوال ہے جیہڑے اِیمان گِھن آئے ہِن، اُنہاں کیتے اساں فیصلہ کر تے پہلے ای خط لِکھ ڈِتے جو او بُتاں دیاں قُربانیاں دے گوشت تے خون تُوں، گَل گُھٹ تے مارے ہوئے جانوراں دا گوشت کھاوݨ تُوں تے حرام کاری تُوں پرہیز کرݨ۔“

رومیوں 11:25

بِھراؤ! مَیں اِیں راز کُوں تُہاکُوں سمجھاونڑاں چاہندا ہاں تاں جو تُساں آپنڑے آپ اُتے فخر نہ کرو۔ گالھ ایہ ہے جو اِسرائیل دا ہِک حصہ سخت دل تھی گِیا ہے تے جئیں تئیں غیر قوماں مکمل طور تے داخل نہ تھی ونجنڑ او اِینویں ای راہسی۔

رومیوں 12:16

ہِک ڈُوجھے نال اِتفاق نال راہو۔ اُچے اُچے خیال نہ بدھو، بلکہ پست لوکاں نال میل جول رکھو۔ آپنڑے آپ کُوں ڈُوجھیاں کنُوں عقل مند نہ سمجھو۔

رومیوں 14:10

وَل تُوں آپنڑے بِھرا اُتے کیوں اِلزام لیندیں، یا اُونکُوں کیوں حقیر سمجھدیں؟ اساں تاں سارے دے سارے خُدا دے تختِ عدالت دے سامنڑے حاضر کیتے ویسوں۔

رومیوں 14:14

میکُوں پتہ ہے بلکہ خُداوند یسُوع ءچ پُورا یقین ہے جو کوئی چیز آپنڑے آپ ءچ حرام نئیں ہوندی، پر جیہڑا اُونکُوں حرام سمجھدے اُوندے کیتے حرام ہے۔

رومیوں 14:19

آؤ اساں اُنہاں گالھیں دے طالب راہوں جیہڑیاں میل مِلاپ تے آپس دی ترقی دا سبب ہِن۔

رومیوں 14:22

تیڈا جیہڑا اِیمان ہے، اُونکُوں آپنڑے تے خُدا دے حضُور ای راہنڑ ڈے۔ او بندہ مُبارک ہے جیہڑا اُوں چیز دی وجہ کنُوں جِینکُوں او جائز سمجھدے آپنڑے آپ کُوں قصُوروار نئیں کھڑیندا۔

رومیوں 14:3

ہر چیز دے کھاوݨ آلا پرہیز کرݨ آلے کُوں کم تر نہ سمجھے تے پرہیز کرݨ آلا کھاوݨ آلے اُتے اِلزام نہ لاوے کیوں جو اُونکُوں خُدا قبول کر گِھدے۔

رومیوں 15:14

میڈے بِھراؤ! میکُوں تُہاڈے بارے ءچ یقین ہے جو تُساں خود وی نیکی تے علم نال بھریج گئے ہیوے تے ہِک ڈُوجھے کُوں نصیحت کرݨ دے قابل وی ہیوے۔

1کُرِنتھِیوں 1:5

تُساں اُوندے ءچ ہر لحاظ نال یعنی ہر قِسم دا کلام کرݨ تے علم رکھنڑ ءچ دولتمند تھی گئے ہیوے۔

1کُرِنتھِیوں 10:15

مَیں تُہاکُوں سمجھ دار جاݨ تے ایہ گالھیں آدھا ہاں۔ تُساں خود میڈے گالھیں کُوں پرکھو۔

1کُرِنتھِیوں 10:28

پر جے کوئی تُہاکُوں چتاوے جو ”ایہ بُتاں دی قُربانی دا گوشت ہے“ تاں چتاوݨ آلے کیتے تے ضمیر دے سببّوں اُونکُوں نہ کھاؤ۔

1کُرِنتھِیوں 14:20

بِھراؤ! تُساں سمجھ ءچ بال آلی کار نہ بنڑو۔ بُرائی ءچ تاں بالاں وانگُوں بنڑو پر سمجھ ءچ بالغ بنڑو۔

1کُرِنتھِیوں 15:34

چنگی طرحاں ہوش ءچ آؤ تے گُناہ نہ کرو۔ کیجھی شرم دی گالھ ہے جو ہُنڑ وی تُہاڈے ءچوں کُجھ خُدا کُوں نئیں جانڑدے۔ ایہ میں تُہاکُوں شرم ڈیواوݨ کیتے آدھا ہاں۔

1کُرِنتھِیوں 4:10

اساں مسیح دی خاطر بیوقُوف بنڑ گئے ہیں، پر تُساں مسیح ءچ عقل مند ہیوے۔ اساں کمزور ہیں پر تُساں زور آور ہیوے۔ لوک تُہاڈی عزت کریندن پر ساڈی بے عزتی۔

1کُرِنتھِیوں 4:18

تُہاڈے ءچ کُجھ لوک ایہ سوچ تے بہُوں شیخی مریندے ہِن جو مَیں تُہاڈے کولھ آوݨ آلا ای نئیں۔

1کُرِنتھِیوں 4:6

بِھراؤ! مَیں تُہاڈی خاطر اِنہاں گالھیں ءچ آپنڑا تے اپُلّوس دا ذِکر مثال دے طور تے پیش کیتے تاں جو تُساں ساڈے ذریعے سِکھو جو ”لِکھے ہوئے کنُوں اگھاں نہ ودھو۔“ تے تُہاڈے ءچوں کوئی کہیں ہِک دی حمایت ءچ ڈُوجھے دے خلاف نہ پُھنڈے۔

1کُرِنتھِیوں 5:2

تُساں وَل وی پُھنڈدے ہیوے۔ تُہاکُوں تاں اِیں گالھ اُتے ماتم کرنڑا چاہیدا ہا۔ جئیں ایہ بُرا کم کیتے، اُونکُوں تُہاڈے ءچوں کڈھ ڈیونڑا چاہیدے۔

1کُرِنتھِیوں 5:6

تُہاڈا فخر کرݨ ٹھیک نئیں۔ کیا تُساں نئیں جانڑدے جو تھوڑا جِیہا خمیر سارے مَلے ہوئے اٹّے کُوں خمیرا کر ڈیندے؟

1کُرِنتھِیوں 8:2

جیہڑا وی سمجھدا ہے جو او کُجھ جانڑدا ہے تاں او ہُنڑ تئیں اُونویں نئیں جانڑدا جِینویں جاننڑاں چاہیدے۔

1کُرِنتھِیوں 8:4

بُتاں دیاں قُربانیاں دا گوشت کھاوݨ دے بارے ءچ اساں جانڑدے ہیں جو دُنیا ءچ بُتاں دی حقیقت بالکل نئیں۔ خُدا ہِک ہے تے اُوندے علاوہ کوئی معبُود نئیں۔

1کُرِنتھِیوں 8:7

پر ایہ علم ساریاں دے کولھ نئیں، بلکہ کُجھ ایماندار ہُنڑ تئیں بُتاں دے عادی ہِن۔ اِیں واسطے جِیں ویلے او قُربانی دا گوشت کھاندن تاں ایہ سمجھ تے جو بُت دی پُوجا کریندے پئین، آپنڑے ضمیر دی کمزوری دے سببّوں آپنڑے آپ کُوں قصُوروار سمجھنڑ لگدن۔

اِفِسیوں 4:16

اُوندے وسیلے پُورا بدن آپنڑے ہر جوڑ دی مدد نال آپس ءچ جُڑ تے قائم راہندے تے ہر اَنگ دے آپنڑا آپنڑا کم کرݨ نال پُورا بدن محبت ءچ ودھدے تے ترقی کریندے۔

کلُسِّیوں 2:18

کوئی بندہ ظاہری پرہیزگاری تے فرشتیاں دی عبادت کرݨ نال تُہاکُوں اِنعام کنُوں محروم نہ کر ڈیوے۔ ایجھا بندہ رویا ڈیکھنڑ دے بارے ءچ گالھیں کریندا راہندے تے آپنڑی جِسمانی سوچ نال بِلاوجہ پُھلیا ہوندے۔

مُکاشفہ 2:14

پر میکُوں تیڈے تُوں کُجھ گالھیں دی شکایت ہے جو تیڈے ءچوں کُجھ لوک بلعام دی تعلیم دی پیروی کریندے ہِن، جئیں بلق کُوں سِکھایا جو بنی اِسرائیل کُوں کِینویں گُمراہ کرے تے نتیجے ءچ اُنہاں بُتاں کُوں نذر کیتیاں گئیاں قُربانیاں دا گوشت کھادا تے حرام کاری کیتی۔

مُکاشفہ 2:20

پر میکُوں تیڈے تُوں ایہ شکایت ہے جو تَیں اُوں عورت اِیزبل کُوں جیہڑی آپنڑے آپ کُوں نبِیّہ آدھی ہے، نئیں روکیا۔ او میڈے خادماں کُوں تعلیم ڈے تے گُمراہ کریندی ہے جو او بُتاں کُوں پیش کیتیاں گئیاں قُربانیاں دا گوشت کھاوݨ تے حرامکاری کرݨ۔