1کُرِنتھِیوں 7:9 - کِتاب مُقدّس سرائیکی ترجمہ

⁹ پر جے برداشت دی طاقت نہ ہووے تاں شادی کر گِھننڑ کیوں جو شادی کر گِھننڑ خواہش دی بھاہ ءچ سڑدے راہنڑ کنُوں چنگا ہے۔

1کُرِنتھِیوں 7:9 Iomraidhean Croise

اعمال 19:36

بس جڈاں اِنہاں گالھیں دا اِنکار کوئی نئیں کر سگدا تاں لازم ہے جو تُساں چُپ راہو تے سوچے بغیر کُجھ کم نہ کرو۔

1کُرِنتھِیوں 7:2

پر حرام کاری کنُوں بچنڑ کیتے ہر مرد کُوں چاہیدے جو اُوندی ذال ہووے تے ہر عورت کُوں چاہیدے جو اُوندا پایا ہووے۔

1کُرِنتھِیوں 7:28

پر جے تُوں شادی کر وی گِھدی ہے تاں ایہ کوئی گُناہ نئیں تے جے کوئی کُنواری چھوہیر شادی کر گِھنے تاں ایہ وی گُناہ نئیں۔ پر ایجھے لوک مُصیبتاں برداشت کریسن تے مَیں تُہاکُوں مُصیبت تُوں بچاوݨ چاہندا ہاں۔

1کُرِنتھِیوں 7:36

جے کہیں کُنواری چھوہیر دا پِیُو ایہ سمجھدے جو او آپنڑی چھوہیر دا حق مریندے تے اُوندی جوانی ڈھلدی ویندی ہے تے شادی دی ضرورت وی معلوم تھیوے تاں اُونکُوں چاہیدے جو چھوہیر کُوں پرنا چھوڑے کیوں جو ایہ کوئی گُناہ نئیں۔

1کُرِنتھِیوں 7:39

ذال آپنڑے پئے دے جیندے جی اُوندی پابند ہے پر جے او مر ونجے تاں او جیندے نال چاہوے ڈُوجھی شادی کر سگدی ہے، شرط ایہ ہے جو او خُداوند دا شاگرد ہووے۔

1تھِسّلُنیکیوں 4:4

تے تُہاڈے ءچوں ہر ہِک پاک تے باعزت طریقے نال آپنڑے جِسم کُوں قابو ءچ رکھنڑ جانڑے۔

1 تِیمُتھِیُس 5:11

پر جوان بیوہ عورتاں دے ناں نہ لِکھے ونجنڑ کیوں جو جڈاں اُنہاں دیاں نفسانی خواہشاں اُنہاں اُتے غالب آ ویندیاں ہِن تاں او مسیح تُوں دُور تھی تے ولا شادی کرݨ چاہندیاں ہِن،

1 تِیمُتھِیُس 5:14

اِیں واسطے مَیں جوان بیوہ عورتاں کُوں صلاح ڈیندا ہاں جو او شادی کرݨ، بال جمنڑ، آپنڑا گھر سنبھالنڑ تے کہیں مخالف کُوں بدگوئی کرݨ دا موقع نہ ڈیوݨ۔