1کُرِنتھِیوں 6:9 - کِتاب مُقدّس سرائیکی ترجمہ

⁹ کیا تُساں نئیں جانڑدے جو بدکار خُدا دی بادشاہی دے وارث نہ ہوسن؟ دوکھے ءچ نہ رہوائے۔ نہ حرام کار، نہ بُتاں دی پُوجا کرݨ آلے، نہ زِنا کار، نہ لونڈے باز،

1کُرِنتھِیوں 6:9 Iomraidhean Croise

متّی 19:29

تے جئیں کہیں گھراں یا بِھرانواں یا بھینڑاں یا پِیُو یا ماء یا بالاں یا رَڑھاں کُوں میڈے ناں دی خاطر چھوڑ ڈِتے اُونکُوں سو گُنا مِلسی، تے او ہمیشاں دی زندگی دا وارث تھیسی۔

متّی 25:34

وَل بادشاہ آپنڑے سجے پاسے آلیاں کُوں اکھیسی، ’آؤ میڈے باپ دے مُبارک لوکو، اُوں بادشاہی کُوں جیہڑی دُنیا بنڑݨ تُوں پہلے تُہاڈے کیتے تیار کیتی گئی ہے، میراث ءچ گِھنو۔

لُوقا 21:8

اُوں آکھیا، ”خبردار، کوئی تُہاکُوں گُمراہ نہ کر ڈیوے کیوں جو بہُوں سارے میڈے ناں نال آسن تے اکھیسن، ’مَیں المسیح ہاں‘ تے ایہ وی جو ’ویلا نیڑے آ گِیا ہے۔‘ تُساں اُنہاں دے پِچُھوں نہ ٹُر پوائے۔

اعمال 20:32

ہُنڑ مَیں تُہاکُوں خُدا تے اُوندے فضل دے کلام دے سپُرد کریندا ہاں جیہڑا تُہاڈے اِیمان دی ترقی دا سبب بنڑ سگدے تے تُہاکُوں سارے مُقدّساں ءچ شامل کر تے میراث دا حقدار بنڑا سگدے۔

اعمال 24:25

جِیں ویلے او راستبازی، پرہیزگاری تے آوݨ آلی عدالت دے بارے ءچ بیان کریندا پِیا ہا تاں فیلِکس ڈر تے آکھنڑ لگا، ”اجنڑ ایہ بہُوں ہے، تُوں وَنج سگدیں۔ جڈاں میکُوں فُرصت مِلسی تاں مَیں تیکُوں ولا سڈوا گِھنساں۔“

رومیوں 1:18

پر خُدا دا قہر اُنہاں لوکاں دی ساری بے دینی تے بدکاری اُتے اسمان کنُوں ظاہر تھیندے جیہڑے سچائی کُوں آپنڑی بدکاری نال دبا ڈیندے ہِن۔

1کُرِنتھِیوں 15:33

دوکھا نہ کھاؤ، بُریاں صُحبتاں چنگیاں عادتاں کُوں وِگاڑ ڈیندیاں ہِن۔

1کُرِنتھِیوں 15:50

بِھراؤ! میڈا مطلب ایہ ہے جو خون تے گوشت خُدا دی بادشاہی دے وارث نئیں تھی سگدے تے نہ جیہڑا فانی ہے، غیرفانی دا وارث تھی سگدے۔

1کُرِنتھِیوں 3:16

کیا تُساں نئیں جانڑدے جو تُساں خُدا دی ہیکل ہیوے تے خُدا دا رُوح القُدس تُہاڈے ءچ وسیا ہویا ہے؟

1کُرِنتھِیوں 5:1

مَیں سُنڑیا ہے جو تُہاڈی جماعت ءچ ایجھی حرامکاری تھیندی پئی ہے جیہڑی غیر قوماں ءچ وی نئیں تھیندی، یعنی ہِک بندہ ایجھا ہے جیہڑا آپنڑی مَترئی ماء نال گُناہ کریندا ہے۔

1کُرِنتھِیوں 5:10

میڈا مطلب ایہ نئیں جو دُنیا دے زِناکاراں نال، لالچیاں نال، ظالماں یا بُتاں دی پُوجا کرݨ آلیاں نال اصلُوں نہ مِلائے، کیوں جو اِینویں تاں تُہاکُوں دُنیا تُوں نِکلنڑاں پوسی۔

1کُرِنتھِیوں 5:11

پر مَیں ایہ لِکھیا ہا جو جے کوئی اِیمان ءچ بِھرا اکھویندے تے وَل وی زِناکار، لالچی، بُتاں دا مننڑ آلا، مندھے کڈھنڑ آلا، شرابی یا ٹَھگ ہووے تاں اُوندے نال تعلق نہ رکھائے بلکہ ایجھیاں نال کھانڑا تئیں نہ کھوائے۔

1کُرِنتھِیوں 6:10

نہ چور، نہ لالچی، نہ شرابی، نہ مندھے کڈھنڑ آلے، نہ ظالم خُدا دی بادشاہی دے وارث ہوسن۔

1کُرِنتھِیوں 6:18

حرام کاری کنُوں بھجو۔ اِنسان دے ڈُوجھے سارے گُناہ بدن نال تعلق نئیں رکھیندے پر حرام کار آپنڑے بدن دا وی گُنہگار ہے۔

1کُرِنتھِیوں 6:19

کیا تُساں نئیں جانڑدے جو تُہاڈا بدن رُوح القُدس دی ہیکل ہے جیہڑا تُہاڈے ءچ وسدے تے جیہڑا تُہاکُوں خُدا دی طرفوں مِلے؟ تُساں آپنڑے مالک نئیں

1کُرِنتھِیوں 9:24

کیا تُساں نئیں جانڑدے جو مُقابلے ءچ بھجنڑ آلے تاں سبھ بھجدے ہِن پر اِنعام صرف ہِک کُوں مِلدے؟ تُساں وی اِینویں ای بھجو تاں جو اِنعام حاصل کرو۔

2کُرِنتھِیوں 12:21

میکُوں ڈر ہے جو جِیں ویلے مَیں آساں تاں خُدا تُہاڈے سامنڑے میکُوں شرمندہ کریسی تے میکُوں بہُوں سارے لوکاں دے سببّوں افسوس کرنڑا پوسی جِنہاں پہلے ای گُناہ کیتے ہِن تے ہُنڑ وی آپنڑی ناپاکی، زِناکاری تے عیاشی کنُوں جیہڑی اُنہاں کیتی توبہ نئیں کیتی۔

گلتِیوں 6:7

دوکھا نہ کھاؤ، خُدا بیوقُوف نئیں بنڑایا وَنج سگدا۔ بندہ جیہڑا کُجھ رہیندے، اُوہو کپیسی۔

کلُسِّیوں 3:5

بس تُساں آپنڑیاں دُنیاوی خواہشاں کُوں ختم کر ڈیؤ یعنی زِنا کاری، ناپاکی، شہوت پرستی، بُریاں خواہشاں تے لالچ کُوں جیہڑا بُت پرستی دے برابر ہے۔

عبرانیوں 12:14

ہِک ڈُوجھے نال صُلح سلامتی نال راہو تے اُوں پاکیزگی دے طالب راہو، جیندے بغیر کوئی خُداوند کُوں نہ ڈیکھسی۔

عبرانیوں 12:16

خبردار، نہ کوئی زِناکار ہووے یا نہ عیسو وانگُوں بے دین، جئیں ہِک وقت دے کھانڑے کیتے آپنڑے پلیٹھی دے حق کُوں ویچ ڈِتا۔

عبرانیوں 13:4

شادی کرݨ سبھ لوکاں ءچ عزت دی گالھ سمجھی ونجے تے میاں بیوی دا رشتہ بے داغ راہوے، کیوں جو خُدا حرام کاراں تے زِنا کاراں دی عدالت کریسی۔

یعقُوب 1:16

میڈے پیارے بِھراؤ، دوکھا نہ کھاؤ۔

1 یُوحنّا 3:7

بالو! کہیں دے دوکھے ءچ نہ اوائے۔ جیہڑا کوئی نیک کم کریندے، او نیک ہے جِینویں مسیح نیک ہے۔

مُکاشفہ 21:8

پر بُزدلاں، غیر اِیمانداراں، گندے کم کرݨ آلیاں، قاتلاں، حرام کاراں، جادُوگراں، بُت پرستاں تے سبھ کُوڑیاں دی جاہ بھاہ تے گندھک نال سڑن آلی جھیل ہوسی۔ ایہ ڈُوجھی موت ہے۔“

مُکاشفہ 22:15

پر کُتے، جادُوگر، حرام کار، خونی، بُت پرست، کُوڑی گالھ گھڑن تے پسند کرݨ آلے باہر راہسن۔