1کُرِنتھِیوں 6:3 - کِتاب مُقدّس سرائیکی ترجمہ

³ کیا تُساں نئیں جانڑدے جو اساں فرشتیاں دا اِنصاف کریسوں؟ تاں کیا اساں اِیں دُنیا دے معاملات دا فیصلہ نئیں کر سگدے؟

1کُرِنتھِیوں 6:3 Iomraidhean Croise

متّی 25:41

وَل او آپنڑے کھبے پاسے آلیاں کُوں اکھیسی، ’لعنتیو! میڈے سامنڑے کنُوں پرے تھی ونجو، تے اُوں ہمیشاں تئیں بلنڑ آلی بھاہ ءچ چلے ونجو جیہڑی ابلیس تے اُوندے فرشتیاں کیتے تیار کیتی گئی ہے۔

لُوقا 21:34

بس خبردار راہو، اِینویں نہ تھیوے جو تُہاڈے دل عیاشی تے شراب پِیوݨ تے اِیں زندگی دیاں فِکراں ءچ سُست تھی ونجنڑ تے او ڈینہہ تُہاڈے اُتے پھندے وانگُوں اچانک آ ونجے۔

لُوقا 8:14

تے جیہڑا جھاڑیاں ءچ ڈھٹھا، اُوہو لوک ہِن جیہڑے سُنڑدے تاں ہِن پر آہستہ آہستہ زندگی دیاں فِکراں تے دولت تے عیش و عشرت ءچ پَھس ویندے ہِن تے اُنہاں دا پھل پکدا نئیں۔

رومیوں 6:16

کیا تُساں نئیں جانڑدے جو تُساں جیندی فرمانبرداری کرݨ کیتے آپنڑے آپ کُوں غُلاماں وانگُوں سپُرد کر ڈیندے ہیوے، اُوندے ای غُلام ہیوے؟ یا تُساں گُناہ دے غُلام ہیوے، جِیندا انجام موت ہے، یا خُدا دے، جِیندا انجام راستبازی ہے۔

1کُرِنتھِیوں 6:15

کیا تُساں نئیں جانڑدے جو تُہاڈے بدن مسیح دے اَنگ ہِن؟ کیا مَیں مسیح دے انگاں کُوں گِھن تے کہیں طوائف نال جوڑ ڈیواں؟ ہرگز نئیں!

1کُرِنتھِیوں 6:16

کیا تُساں نئیں جانڑدے جو جیہڑا کہیں طوائف نال سَمدے، او اُوندے نال ہِک تَن تھی ویندے؟ کیوں جو لِکھیا ہے جو ”او ڈوہائیں ہِک تَن ہوسن۔“

1کُرِنتھِیوں 6:19

کیا تُساں نئیں جانڑدے جو تُہاڈا بدن رُوح القُدس دی ہیکل ہے جیہڑا تُہاڈے ءچ وسدے تے جیہڑا تُہاکُوں خُدا دی طرفوں مِلے؟ تُساں آپنڑے مالک نئیں

1کُرِنتھِیوں 6:4

جے تُہاڈے ءچ ایجھے دُنیاوی مقدمے ہووݨ تاں اُنہاں کُوں ایجھے مُنصف دے سامنڑے کیوں پیش کریندے ہیوے جِنہاں دی کلیسیا دی نِگاہ ءچ کوئی حیثیت نئیں؟

2 تِیمُتھِیُس 2:4

کوئی سپاہی آپنڑے آپ کُوں دُنیا دے معاملیاں ءچ نئیں پھسیندا کیوں جو او بھرتی کرݨ آلے کُوں خوش کرݨ چاہندے۔

2 تِیمُتھِیُس 4:10

کیوں جو دیماس دُنیا نال محبت کر تے میکُوں چھوڑ ڈِتے تے تھِسّلُنِیکے چلیا گئے۔ تے کریسکینس گلِتیہ تے طِطُس دلمتیہ کُوں روانہ تھی گئے۔

2 پطرس 2:4

ڈیکھو، خُدا اُنہاں فرشتیاں کُوں نئیں چھوڑیا جِنہاں گُناہ کیتا، بلکہ اُنہاں کُوں اندھارے دیاں زنجیراں نال بَدھ تے دوزخ ءچ سَٹ ڈِتا تاں جو عدالت دے ڈینہہ تئیں قید ءچ راہوݨ۔

یہُوداہ 1:6

تے جیہڑے فرشتیاں آپنڑے مقام کُوں قائم نہ رکھیا بلکہ آپنڑی مقررہ جاہ کُوں چھوڑ ڈِتا، اُنہاں کُوں خُدا ابدی زنجیراں نال بَدھ تے عدالت دے عظیم ڈینہہ تئیں اندھارے ءچ قید رکھیا ہے۔