1کُرِنتھِیوں 6:2 - کِتاب مُقدّس سرائیکی ترجمہ

² کیا تُساں نئیں جانڑدے جو خُدا دے لوک دُنیا دا اِنصاف کریسن؟ تے جِیں ویلے تُہاکُوں دُنیا دا اِنصاف کرنڑا ہے تاں کیا تُساں اِیں قابل وی نئیں جو چھوٹے چھوٹے گالھیں دا فیصلہ کر سگو؟

1کُرِنتھِیوں 6:2 Iomraidhean Croise

متّی 19:28

یسُوع اُنہاں کُوں آکھیا، ”مَیں تُہاکُوں سچ آدھا ہاں جو نوِیں دُنیا ءچ جِیں ویلے اِبنِ آدم آپنڑے جلالی تخت اُتے بَہسی تاں تُساں وی جیہڑے میڈے پِچُھوں تھی پئے ہیوے بارہاں تختاں اُتے بہہ تے بنی اِسرائیل دے بارہاں قبیلیاں دا اِنصاف کریسو۔

لُوقا 22:30

تاں جو تُساں میڈی بادشاہی ءچ میڈے دسترخوان اُتے کھاؤ پِیو بلکہ تُساں تختاں اُتے بہہ تے بنی اِسرائیل دے بارہاں قبیلیاں دا اِنصاف کریسو۔

رومیوں 6:16

کیا تُساں نئیں جانڑدے جو تُساں جیندی فرمانبرداری کرݨ کیتے آپنڑے آپ کُوں غُلاماں وانگُوں سپُرد کر ڈیندے ہیوے، اُوندے ای غُلام ہیوے؟ یا تُساں گُناہ دے غُلام ہیوے، جِیندا انجام موت ہے، یا خُدا دے، جِیندا انجام راستبازی ہے۔

1کُرِنتھِیوں 1:20

کِتھاں ہے دانش مند؟ کِتھاں ہے شریعت دا عالم؟ کِتھاں ہے اِیں جہان دا بحث کرݨ آلا؟ کیا خُدا دُنیا دی حِکمت کُوں بیوقُوفی نئیں کھڑایا؟

1کُرِنتھِیوں 1:21

کیوں جو خُدا آپنڑی حِکمت دے مطابق ایہ فیصلہ کیتے جو دُنیا آلے آپنڑی حِکمت نال خُدا کُوں نہ جانڑݨ بلکہ خُدا کُوں ایہ پسند آیا جو اِیں بیوقُوفی دے پیغام دے وسیلے نال جیندی اساں تبلیغ کریندے ہیں اِیمان گِھن آوݨ آلیاں کُوں نجات بخشے۔

1کُرِنتھِیوں 6:4

جے تُہاڈے ءچ ایجھے دُنیاوی مقدمے ہووݨ تاں اُنہاں کُوں ایجھے مُنصف دے سامنڑے کیوں پیش کریندے ہیوے جِنہاں دی کلیسیا دی نِگاہ ءچ کوئی حیثیت نئیں؟

2کُرِنتھِیوں 4:18

اِیں واسطے اساں نظر آوݨ آلیاں چیزاں اُتے نئیں بلکہ نظر نہ آوݨ آلیاں چیزاں اُتے غور کریندے ہیں کیوں جو نظر آوݨ آلیاں چیزاں عارضی ہِن پر نظر نہ آوݨ آلیاں ابدی ہِن۔

1تھِسّلُنیکیوں 3:13

او تُہاڈے دِلاں کُوں ایجھا مضبوط کرے جو جِیں ویلے ساڈا خُداوند یسُوع آپنڑے سارے مُقدّساں نال آوے تاں تُہاڈے دل ساڈے خُدا تے باپ دے سامنڑے پاک تے بے عیب ہووݨ۔

مُکاشفہ 20:4

وَل مَیں تخت ڈِٹھے جِنہاں اُتے او لوک بیٹھے ہَن جِنہاں کُوں عدالت کرݨ دا اِختیار ڈِتا گِیا ہا۔ تے مَیں اُنہاں لوکاں دیاں رُوحاں ڈِٹھیاں جِنہاں دے سر یسُوع دی گواہی ڈیوݨ تے خُدا دے کلام دی وجہ کنُوں کپ ڈِتے گئے ہَن۔ اُنہاں لوکاں، نہ تاں اُوں حیوان دی تے نہ اُوندے بُت دی عبادت کیتی تے نہ متھے یا ہتھاں اُتے اُوندا نشان لوایا ہا۔ او زندہ تھی گئے تے ہِک ہزار سال تئیں مسیح دے نال بادشاہی کریندے ریہے۔

مُکاشفہ 3:21

جیہڑا غالب آسی، مَیں اُونکُوں آپنڑے نال آپنڑے تخت اُتے بِلھیساں، جِینویں مَیں غالب آیا ہاں تے آپنڑے باپ دے نال اُوندے تخت اُتے بہہ گِیا ہاں۔