1کُرِنتھِیوں 5:3 - کِتاب مُقدّس سرائیکی ترجمہ

³ بھانویں مَیں ظاہری طور تے تُہاڈے نال موجود نہ ہم وَل وی رُوحانی طور تے اُتھاں تُہاڈے نال ہم، تے میں اُوں زانی دے خلاف فیصلہ کر ڈِتے جِینویں میں اُتھاں موجود ہوواں۔

1کُرِنتھِیوں 5:3 Iomraidhean Croise

1کُرِنتھِیوں 5:12

کیوں جو باہر آلیاں دے بارے ءچ فیصلہ کرݨ نال میڈا کیا واسطہ؟ پر جیہڑے جماعت ءچ ہِن، کیا اُنہاں دے بارے ءچ فیصلہ کرݨ تُہاڈا کم نئیں؟

2کُرِنتھِیوں 10:1

ہُنڑ مَیں پولُس جیندے بارے ءچ کُجھ لوک آدھے ہِن جو تُہاڈے سامنڑے تاں عاجز ہاں پر غیر حاضری ءچ دلیر ہاں، مسیح دی عاجزی تے نرمی یاد ڈیویندے ہوئے خود تُہاکُوں درخاست کریندا ہاں۔

2کُرِنتھِیوں 10:11

اِینویں آکھنڑ آلیاں کُوں ایہ سمجھنڑا چاہیدے جو جِینویں اساں آپنڑی غیر حاضری ءچ خط ءچ لِکھدے ہیں اُونویں ای اساں اُتھاں آ تے عمل وی کریسوں۔

2کُرِنتھِیوں 13:2

جِیں ویلے میں ڈُوجھی پھیری تُہاڈے کولھ آیا ہم تاں میں اُوں ویلے تُہاکُوں چتایا ہا تے ہُنڑ غیر حاضر ہوندے ہوئے وی ولا اُنہاں کُوں جِنہاں پہلے گُناہ کیتے ہَن تے بئیاں کُوں وی چتیندا پِیا ہاں جو جڈاں میں واپس آساں تاں کہیں کُوں وی نہ چُھڑیساں،

کلُسِّیوں 2:5

بے شک مَیں بظاہر تُہاڈے نال اُتھاں موجود نئیں، وَل وی مَیں رُوحانی طور تے تُہاڈے نال ہاں تے ایہ ڈیکھ تے خوش ہاں جو تُساں ترتیب نال زندگی گُزریندے تے مسیح اُتے آپنڑے اِیمان ءچ قائم ہیوے۔

1تھِسّلُنیکیوں 2:17

بِھراؤ! جِیں ویلے اساں تھوڑے عرصے کیتے تُہاڈے کنُوں اَنج تھئے ہسے، بےشک جِسمانی طور تے نہ جو دِلی طور تے، تاں تُہاڈے نال ولا مِلنڑ کیتے بہُوں بے چین ہسے۔