1کُرِنتھِیوں 4:9 - کِتاب مُقدّس سرائیکی ترجمہ

⁹ میکُوں تاں اِینویں لگدے جو خُدا اساں رسُولاں کُوں سبھ تُوں گھٹیا بنڑا تے اُنہاں جنگی قیدیاں وانگُوں پیش کیتے، جِنہاں کیتے موت مقرر تھی گئی ہے کیوں جو اساں پُوری دُنیا، فرشتیاں تے اِنساناں کیتے تماشا بنڑ گئے ہیں۔

1کُرِنتھِیوں 4:9 Iomraidhean Croise

اعمال 19:29

سارے شہر ءچ افراتفری مچ گئی تے لوکاں گِیُس تے ارِسترخُس مَکِدُنیہ آلیاں کُوں جیہڑے پولُس نال آئے ہَن پکڑ گِھدا تے اُنہاں کُوں گھلیندے ہوئے تماشا گاہ دو بھج پئے۔

اعمال 19:31

تے آسِیہ دے حاکماں ءچوں کُجھ جیہڑے پولُس دے دوست ہَن، اُونکُوں پیغام بھیج تے مِنت کیتی جو تماشا گاہ ءچ نہ ونجے۔

رومیوں 8:36

جِینویں لِکھیا ہے جو ”اساں تیڈی خاطر سارا ڈینہہ موت دا سامنڑا کریندے ہیں، اساں ذبح تھیوݨ آلیاں بھیڈاں وانگُوں سمجھے ویندے ہیں۔“

1کُرِنتھِیوں 15:19

جے مسیح اُتے ساڈی اُمید صرف اِیں زندگی کیتے ہے تاں اساں ساریاں لوکاں کنُوں زیادہ بدنصیب ہیں۔

2کُرِنتھِیوں 11:23

کیا او مسیح دے خادم ہِن؟ میں ایہ گالھ پاگل آلی کار کریندا پِیا ہاں۔ مَیں اُنہاں کنُوں زیادہ اُوندا خادم ہاں۔ مَیں اُنہاں کنُوں زیادہ محنت کیتی، زیادہ دفعہ قید تھیّا، زیادہ کوڑے کھادے، کئی پھیری موت دا سامنڑا کیتا۔

2کُرِنتھِیوں 6:9

اساں مشہور ہیں، وَل وی لوک ساکُوں نئیں جانڑدے۔ اساں موت دے مُنہ ءچ راہندے ہیں، پر ڈیکھو وَل وی زندہ ہیں۔ مار کھاندے راہندے ہیں پر جان کنُوں نئیں مردے۔

1تھِسّلُنیکیوں 3:3

تاں جو اِنہاں مُصیبتاں دے سببّوں کوئی گھبرا نہ ونجے، کیوں جو تُساں خود جانڑدے ہیوے جو اساں اِنہاں کیتے مقرر کیتے گئے ہیں۔

عبرانیوں 1:14

کیا او سارے فرشتے خدمت گُزار رُوحاں نئیں، جیہڑیاں نجات پاوݨ آلیاں دی خدمت کیتے بھیجیاں ویندیاں ہِن؟

عبرانیوں 10:33

کڈھائیں تاں لعن طعن تے مُصیبتاں دے سببّوں تُساں خود تماشا بنڑے تے کڈھائیں ڈُوجھیاں کُوں تکلیفاں سہندے ہوئے ڈیکھ تے اُنہاں نال شریک تھئے۔

عبرانیوں 11:36

کُجھ مذاق دا نشانہ بنڑے، تے کوڑے کھادے، کُجھ زنجیراں نال بدھے گئے تے قید ءچ سٹے گئے۔