1کُرِنتھِیوں 4:10 - کِتاب مُقدّس سرائیکی ترجمہ

¹⁰ اساں مسیح دی خاطر بیوقُوف بنڑ گئے ہیں، پر تُساں مسیح ءچ عقل مند ہیوے۔ اساں کمزور ہیں پر تُساں زور آور ہیوے۔ لوک تُہاڈی عزت کریندن پر ساڈی بے عزتی۔

1کُرِنتھِیوں 4:10 Iomraidhean Croise

متّی 24:9

اُوں ویلے لوک تُہاکُوں پکڑ تے سخت سزاواں ڈیسن تے قتل کریسن۔ تے سبھ قوماں میڈے ناں دے سببّوں تُہاڈے نال دُشمنڑی رکھیسن۔

متّی 5:11

مُبارک ہوسو تُساں جِیں ویلے لوک تُہاکُوں میڈے سببّوں لعن طعن کریسن تے طرحاں طرحاں دے بُرے گالھیں تُہاڈے بارے ءچ نا حق اکھیسن۔

لُوقا 10:16

جیہڑا کوئی تُہاڈی سُنڑدے او میڈی سُنڑدے، تے جیہڑا تُہاکُوں نئیں منیندا او میکُوں نئیں منیندا، تے جیہڑا میکُوں نئیں منیندا او میڈے بھیجنڑ آلے کُوں نئیں منیندا۔“

لُوقا 18:9

وَل یسُوع کُجھ لوکاں کُوں جیہڑے آپنڑے آپ کُوں بہُوں راستباز سمجھدے ہَن تے ڈُوجھیاں کُوں کم تر جانڑدے ہَن، ایہ مثال سُنڑائی:

لُوقا 6:22

جِیں ویلے اِبنِ آدم دی وجہ کنُوں لوک تُہاڈے نال نفرت رکھیسن تے تُہاکُوں خارج کر ڈیسن تے لعن طعن کریسن تے تُہاڈی بدنامی کریسن تاں تُساں مُبارک ہوسو۔

اعمال 17:18

کُجھ اِپکُوری تے ستوئیکی فیلسُوف اُوندے نال بحث ءچ پے گئے۔ اُنہاں ءچوں کُجھ آکھیا جو ”ایہ بکواسی کیا آکھنڑ چاہندا ہے؟“ کُجھ ایہ آکھنڑ لگے جو ”ایہ تاں اجنبی دیوتیاں دی خبر ڈیوݨ آلا لگدے۔“ کیوں جو پولُس یسُوع تے قیامت دی خوشخبری ڈیندا ہا۔

اعمال 17:32

جِیں ویلے لوکاں مُردیاں دی قیامت دے بارے ءچ سُنڑیا تاں اُنہاں ءچوں کُجھ اِیں گالھ کُوں کِھل ءچ اُڈا ڈِتا تے کُجھ آکھیا جو ”اساں اِیں موضوع تے وَل کہیں ویلے تَیں تُوں سُنڑسوں۔“

اعمال 26:24

جِیں ویلے پولُس آپنڑی صفائی ءچ ایہ آدھا ای پِیا ہا تاں فیستُس اُونکُوں روک تے اُچی اواز نال آکھیا، ”پولُس تُوں دیوانہ تھی گئیں۔ علم دی زیادتی تیکُوں پاگل کر ڈِتے۔“

اعمال 9:16

تے مَیں اُونکُوں ڈِکھا ڈیساں جو میڈے ناں دی خاطر اُونکُوں کتنا ڈُکھ جھلنڑا پوسی۔“

1کُرِنتھِیوں 1:21

کیوں جو خُدا آپنڑی حِکمت دے مطابق ایہ فیصلہ کیتے جو دُنیا آلے آپنڑی حِکمت نال خُدا کُوں نہ جانڑݨ بلکہ خُدا کُوں ایہ پسند آیا جو اِیں بیوقُوفی دے پیغام دے وسیلے نال جیندی اساں تبلیغ کریندے ہیں اِیمان گِھن آوݨ آلیاں کُوں نجات بخشے۔

1کُرِنتھِیوں 1:23

پر اساں صلیب اُتے چڑھائے گئے مسیح دی تبلیغ کریندے ہیں تے ایہ گالھ یہُودیاں کیتے تُھڈا کھاوݨ دا سبب ہے تے غیریہُودیاں کیتے بیوقُوفی۔

1کُرِنتھِیوں 1:25

کیوں جو خُدا دی بیوقُوفی آدمیاں دی حِکمت کنُوں زیادہ حِکمت آلی ہے تے خُدا دی کمزوری آدمیاں دے زور کنُوں زیادہ زور آور ہے۔

1کُرِنتھِیوں 10:12

بس جیہڑا کوئی آپنڑے آپ کُوں اِیمان ءچ مضبوطی نال قائم سمجھدے، خبردار راہوے جو کِتھائیں ڈھے نہ پووے۔

1کُرِنتھِیوں 2:14

پر جیہڑا بندہ رُوحانی نئیں او خُدا دے رُوح دے گالھیں قبول نئیں کریندا، کیوں جو او اُوندی نظر ءچ بیوقُوفی ہِن تے نہ ای اُنہاں کُوں سمجھ سگدے کیوں جو او صرف رُوح القُدس دے ذریعے سمجھیاں ویندیاں ہِن۔

1کُرِنتھِیوں 2:3

مَیں کمزوری تے ڈر دی حالت ءچ کمبدا ہویا تُہاڈے کولھ آیا۔

1کُرِنتھِیوں 3:18

آپنڑے آپ کُوں فریب نہ ڈیؤ۔ جے تُہاڈے ءچوں کوئی آپنڑے آپ کُوں اِیں دُنیا دے معیار دے مطابق حِکمت آلا سمجھدا ہے تاں او نادان بنڑے تاں جو سچ مُچ دانا بنڑ سگے۔

1کُرِنتھِیوں 3:2

مَیں تُہاکُوں کھیر پِلایا، کھانڑا نئیں کھوایا، کیوں جو تُساں اُونکُوں ہضم کرݨ دے قابل نہ ہَوے بلکہ ہُنڑ وی اِیں قابل نئیں۔

1کُرِنتھِیوں 4:8

واہ جی واہ! تُساں تاں پہلے کنُوں ای رجے ہوئے ہیوے! پہلے کنُوں ای دولت مند ہیوے! تُساں ساڈے بغیر بادشاہی وی کرݨ لگے ہیوے! کاش تُساں واقعی بادشاہی کریندے تاں جو اساں وی تُہاڈے نال بادشاہی کر سگدے!

2کُرِنتھِیوں 10:10

کیوں جو کُجھ لوک تاں آدھے ہِن جو ”پولُس دے خط تاں بہُوں کارآمد تے زبردست ہِن پر جِیں ویلے او خود موجود ہوندا ہے تاں معمولی جِیہا لگدے تے اُوندی تقریر کہیں کم دی نئیں ہوندی۔“

2کُرِنتھِیوں 11:19

تُساں خود اِتی عقل مند ہیوے جو بیوقُوفاں دے گالھیں خوشی نال برداشت گِھندے ہیوے۔

2کُرِنتھِیوں 11:29

کیندی کمزوری نال مَیں کمزور نئیں تھیندا؟ تے کیندی گُمراہی تُوں میڈا دل نئیں ڈُکھدا؟

2کُرِنتھِیوں 13:9

کیوں جو اساں خوش ہیں جڈاں تُساں زور آور ہیوے بھانویں اساں کمزور ہیں۔ تے ساڈی دُعا ہے جو تُساں کامل تھی ونجو۔

2کُرِنتھِیوں 4:12

بس موت تاں ساڈے ءچ اثر کریندی ہے پر زندگی تُہاڈے ءچ۔

2کُرِنتھِیوں 6:8

عزت تے بے عزتی ءچ، بدنامی تے نیک نامی ءچ۔ اساں سچے ہیں پر وَل وی لوک ساکُوں دوکھے باز سمجھدے ہِن۔

1تھِسّلُنیکیوں 4:8

اِیں واسطے جیہڑا ایہ ہدایت نئیں منیندا او اِنسان کُوں نئیں بلکہ خُدا کُوں رَد کریندے، جیہڑا تُہاکُوں رُوح القُدس عطا کریندے۔

1 پطرس 4:14

جے مسیح دے ناں دے سببّوں تُہاڈی بے عزتی کیتی ویندی ہے تاں تُساں مُبارک ہیوے کیوں جو خُدا دا جلالی رُوح القُدس تُہاڈے اُتے چھاں کیتی پئے۔