1کُرِنتھِیوں 3:3 - کِتاب مُقدّس سرائیکی ترجمہ

³ تُساں اجنڑ تئیں جِسمانی لوکاں وانگُوں زندگی گُزریندے پئے ہیوے۔ کیوں جو تُہاڈے ءچ حسد تے جھیڑے ہِن تاں کیا تُساں دُنیاوی نئیں؟ کیا تُساں اِنسانی طور طریقے اُتے نئیں چلدے پئے؟

1کُرِنتھِیوں 3:3 Iomraidhean Croise

رومیوں 13:13

اساں حیادار زندگی گُزاروں جِینویں لوک ڈینہہ دی روشنی ءچ کریندے ہِن۔ اِیں واسطے ساڈے ءچ نچنڑ ٹپنڑ، نشہ بازی، زِناکاری، شہوت پرستی، جھیڑے تے حسد وغیرہ نہ ہووے۔

1کُرِنتھِیوں 1:10

بِھراؤ! مَیں آپنڑے خُداوند یسُوع المسیح دے ناں کنُوں تُہاڈی مِنت کریندا ہاں جو تُساں ہِک ڈُوجھے نال اِتفاق رکھو، تے تُہاڈے ءچ پارٹی بازی نہ ہووے، بلکہ تُساں سارے ہِک دل تے ہِک سوچ تھی تے ہِک مُٹھ راہو۔

1کُرِنتھِیوں 1:11

میڈے بِھراؤ! خلوئے دے گھر آلیاں میکُوں خبر ڈِتی ہے جو تُہاڈے ءچ جھیڑے تھیندے پئے ہِن۔

1کُرِنتھِیوں 11:18

پہلی گالھ ایہ ہے جو مَیں سُنڑے جو جِیں ویلے تُساں کلیسیا دے طور تے جمع تھیندے ہیوے تاں تُہاڈے ءچ تفرقے تھیندے ہِن۔ تے میکُوں کہیں حد تئیں اِیں گالھ دا یقین وی ہے۔

1کُرِنتھِیوں 3:4

جِیں ویلے ہِک آدھے جو ”مَیں پولُس دا شاگرد ہاں“ تے ڈُوجھا آدھے جو ”مَیں اپُلّوس دا“ تاں کیا تُساں دُنیاوی لوکاں وانگُوں نہ تھئے؟

2کُرِنتھِیوں 12:20

کیوں جو میکُوں ڈر ہے جو کِتھائیں اِینویں نہ تھیوے جو جڈاں مَیں آواں تاں جِینویں مَیں چاہندا ہاں تُہاکُوں اُونویں نہ پاواں، تے جِینویں تُساں چاہندے ہیوے میں اُونویں نہ ہوواں۔ میکُوں ڈر ہے جو تُہاڈے ءچ جھیڑے، حسد، کاوڑ، خود غرضی، بدزبانی، چُغل خوری، شیخی تے فساد ہوسن۔

گلتِیوں 5:15

جے تُساں ہِک ڈُوجھے کُوں چِیر پھاڑ تے کھاندے ہیوے تاں خبردار، کِتھائیں اِینویں نہ تھیوے جو ہِک ڈُوجھے کُوں ختم کر ڈیؤ۔

طِطُس 3:3

اساں وی ہِک وقت نادان، نافرمان تے گُمراہ ہسے تے ہر طرحاں دیاں خواہشاں تے عیاشیاں دی غُلامی ءچ ہسے، تے کینہ تے حسد ءچ زندگی گُزریندے پئے ہسے۔ ڈُوجھے ساڈے تُوں نفرت کریندے ہَن تے اساں ڈُوجھیاں تُوں۔

یعقُوب 3:16

کیوں جو جِتھاں حسد تے خود غرضی ہوندی ہے اُتھاں فساد تے ہر طرحاں دا بُرا کم وی ہوندا ہے۔

1 پطرس 4:2

ہُنڑ او دُنیا ءچ آپنڑی باقی زندگی اِنسانی بُریاں خواہشاں دے مطابق نئیں بلکہ خُدا دی مرضی دے مطابق گُزارے۔