1کُرِنتھِیوں 3:16 - کِتاب مُقدّس سرائیکی ترجمہ

¹⁶ کیا تُساں نئیں جانڑدے جو تُساں خُدا دی ہیکل ہیوے تے خُدا دا رُوح القُدس تُہاڈے ءچ وسیا ہویا ہے؟

1کُرِنتھِیوں 3:16 Iomraidhean Croise

یُوحنّا 14:17

یعنی سچائی دا رُوح، جِینکُوں دُنیا حاصل نئیں کر سگدی کیوں جو نہ تاں اُونکُوں ڈیدھی ہے نہ جانڑدی ہے۔ پر تُساں اُونکُوں جانڑدے ہیوے کیوں جو او تُہاڈے نال راہندے تے تُہاڈے اندر ہوسی۔

رومیوں 6:16

کیا تُساں نئیں جانڑدے جو تُساں جیندی فرمانبرداری کرݨ کیتے آپنڑے آپ کُوں غُلاماں وانگُوں سپُرد کر ڈیندے ہیوے، اُوندے ای غُلام ہیوے؟ یا تُساں گُناہ دے غُلام ہیوے، جِیندا انجام موت ہے، یا خُدا دے، جِیندا انجام راستبازی ہے۔

رومیوں 6:3

کیا تُساں نئیں جانڑدے جو ساڈے ءچوں جیہڑے لوکاں مسیح یسُوع ءچ شامل تھیوݨ دا بپتسمہ گِھدے تاں اُوندی موت ءچ شامل تھیوݨ دا بپتسمہ گِھدے؟

رومیوں 8:11

خُدا یسُوع کُوں مُردیاں ءچوں زندہ کیتا تے اُوندا رُوح تُہاڈے ءچ وسیا ہویا ہے۔ او اُونہی رُوح القُدس دے وسیلے جیہڑا تُہاڈے ءچ ہے تُہاڈے فانی جِسماں کُوں وی زندہ کریسی جِینویں اُوں مسیح کُوں زندہ کیتا۔

رومیوں 8:9

پر تُساں جِسمانی فطرت دے اِختیار ءچ نئیں بلکہ رُوح دے اِختیار ءچ ہیوے، شرط ایہ ہے جو خُدا دا رُوح القُدس تُہاڈے ءچ وسیا ہووے۔ پر جیندے ءچ مسیح دا رُوح القُدس نئیں او مسیح دا نئیں۔

1کُرِنتھِیوں 3:17

جے کوئی خُدا دی ہیکل کُوں برباد کریسی تاں خُدا اُونکُوں برباد کریسی کیوں جو خُدا دی ہیکل پاک ہے تے او تُساں ہیوے۔

1کُرِنتھِیوں 3:9

کیوں جو اساں رَل تے خُدا دے کم کرݨ آلے ہیں تے تُساں خُدا دی کھیتی ہیوے۔ تے تُساں خُدا دا گھر وی ہیوے۔

1کُرِنتھِیوں 5:6

تُہاڈا فخر کرݨ ٹھیک نئیں۔ کیا تُساں نئیں جانڑدے جو تھوڑا جِیہا خمیر سارے مَلے ہوئے اٹّے کُوں خمیرا کر ڈیندے؟

1کُرِنتھِیوں 6:16

کیا تُساں نئیں جانڑدے جو جیہڑا کہیں طوائف نال سَمدے، او اُوندے نال ہِک تَن تھی ویندے؟ کیوں جو لِکھیا ہے جو ”او ڈوہائیں ہِک تَن ہوسن۔“

1کُرِنتھِیوں 6:19

کیا تُساں نئیں جانڑدے جو تُہاڈا بدن رُوح القُدس دی ہیکل ہے جیہڑا تُہاڈے ءچ وسدے تے جیہڑا تُہاکُوں خُدا دی طرفوں مِلے؟ تُساں آپنڑے مالک نئیں

1کُرِنتھِیوں 6:9

کیا تُساں نئیں جانڑدے جو بدکار خُدا دی بادشاہی دے وارث نہ ہوسن؟ دوکھے ءچ نہ رہوائے۔ نہ حرام کار، نہ بُتاں دی پُوجا کرݨ آلے، نہ زِنا کار، نہ لونڈے باز،

1کُرِنتھِیوں 9:13

کیا تُساں نئیں جانڑدے جو جیہڑے ہیکل ءچ خدمت کریندے ہِن، اُنہاں کُوں کھانڑا اُتھوں مِلدے؟ تے جیہڑے قُربان گاہ اُتے خدمت کریندے ہِن، اُنہاں کُوں اُنہاں قُربانیاں ءچوں حصہ مِلدے؟

1کُرِنتھِیوں 9:24

کیا تُساں نئیں جانڑدے جو مُقابلے ءچ بھجنڑ آلے تاں سبھ بھجدے ہِن پر اِنعام صرف ہِک کُوں مِلدے؟ تُساں وی اِینویں ای بھجو تاں جو اِنعام حاصل کرو۔

2کُرِنتھِیوں 6:16

خُدا دی ہیکل دا بُتاں نال کیا تعلق؟ کیوں جو اساں زندہ خُدا دی ہیکل ہیں، جِینویں خُدا فرمایا ہے جو ”مَیں اُنہاں ءچ راہساں تے اُنہاں دے وچال پِھرساں۔ مَیں اُنہاں دا خُدا ہوساں تے او میڈی قوم ہوسن۔

1 تِیمُتھِیُس 3:15

جو جے میکُوں آوݨ ءچ دیر تھی ونجے تاں تیکُوں پتا ہووے جو خُدا دے گھر آلیاں دے وچال جیہڑے زندہ خُدا دی کلیسیا تے حق دا تھمبا تے بنیاد ہِن، ساڈا چال چلنڑ کِینویں ہوونڑا چاہیدے۔

2 تِیمُتھِیُس 1:14

تے رُوح القُدس دی مدد نال جیہڑا ساڈے ءچ وسدا پئے، اُوں چنگی امانت دی حفاظت کر جیہڑی تیڈے سپُرد کیتی گئی ہے۔

عبرانیوں 3:6

پر مسیح پوتر دی حیثیت نال خُدا دے گھر دا مُختار ہے۔ تے اُوندے گھر آلے اساں ہیں پر شرط ایہ ہے جو اساں اُوں دلیری تے اُمید کُوں مضبوطی نال قائم رکھوں جیندے اُتے اساں فخر کریندے ہیں۔

یعقُوب 4:4

خُدا نال بے وفائی کرݨ آلیو! کیا تُہاکُوں پتہ نئیں جو دُنیا نال دوستی رکھنڑ خُدا نال دُشمنڑی کرݨ ہے؟ اِیں واسطے جیہڑا کوئی دُنیا دا دوست بنڑݨ چاہندے او خُدا دا دُشمنڑ بنڑ ویندے۔

1 پطرس 2:5

تے تُساں زندہ پتھراں آلی کار ہِک رُوحانی گھر بنڑدے ویندے ہیوے تاں جو مُقدّس کاہِن بنڑو تے ایجھیاں رُوحانی قُربانیاں پیش کرو جیہڑیاں یسُوع مسیح دے وسیلہ نال خُدا دے حضُور مقبول تھیندیاں ہِن۔

1 یُوحنّا 4:12

خُدا کُوں کہیں کڈھائیں نئیں ڈِٹھا پر جے اساں ہِک ڈُوجھے نال محبت رکھیندے ہیں تاں خُدا ساڈے ءچ راہندے تے اُوندی محبت ساڈے ءچ کامِل تھی گئی ہے۔