1کُرِنتھِیوں 2:1 - کِتاب مُقدّس سرائیکی ترجمہ

¹ بِھراؤ! جِیں ویلے مَیں تُہاڈے کولھ آیا ہم تاں خُدا دے راز دی منادی شاندار خطاب تے حِکمت دا اِظہار کریندے ہوئے نہ آیا ہم۔

1کُرِنتھِیوں 2:1 Iomraidhean Croise

اعمال 20:21

مَیں یہُودیاں تے یُونانیاں ڈوہائیں دے سامنڑے گواہی ڈیندا ریہا ہاں جو او خُدا دو رجُوع کر تے توبہ کرݨ تے ساڈے خُداوند یسُوع المسیح اُتے اِیمان گِھن آوݨ۔

اعمال 22:18

مَیں خُداوند کُوں ڈِٹھا تے ایہ آدھے سُنڑیا جو ’جلدی کر تے فوراً یروشلیم ءچوں نِکل وَنج کیوں جو او میڈے بارے ءچ تیڈی گواہی قبول نہ کریسن۔‘

رومیوں 16:18

کیوں جو ایجھے لوک ساڈے خُداوند مسیح دی نئیں بلکہ آپنڑے پیٹ دی خدمت کریندے ہِن۔ او آپنڑے مِٹھے تے خوشامد دے گالھیں نال اُنہاں لوکاں کُوں دوکھا ڈیندے ہِن، جیہڑے کُجھ نئیں جانڑدے۔

رومیوں 16:25

خُدا دی تمجید ہووے جیہڑا تُہاکُوں میڈی خوشخبری یعنی یسُوع مسیح دی تبلیغ دے وسیلے مضبوط کر سگدا ہے، اُوں بھید دے مُکاشفہ دے مطابق جیہڑا ازل کنُوں لُکیا ریہا

1کُرِنتھِیوں 1:17

کیوں جو مسیح میکُوں بپتسمہ ڈیوݨ کیتے نئیں بلکہ خوشخبری سُنڑاوݨ کیتے بھیجے، او وی حِکمت آلی تقریر نال نئیں تاں جو یسُوع المسیح دی صلیب بے اثر نہ تھیوے۔

1کُرِنتھِیوں 1:6

اِینویں مسیح دے بارے ءچ ساڈی گواہی تُہاڈے ءچ چنگی طرحاں قائم تھی گئی ہے۔

1کُرِنتھِیوں 2:13

ایہ گالھیں اساں اِنسانی حِکمت دے سِکھائے ہوئے لفظاں نال نئیں بلکہ رُوح القُدس دے سِکھائے ہوئے لفظاں ءچ بیان کریندے ہیں۔ اساں رُوحانی لوکاں کُوں رُوحانی گالھیں سمجھیندے ہیں۔

1کُرِنتھِیوں 2:4

مَیں پیغام تے تبلیغ کریندے ویلے حِکمت تے قائل کرݨ آلے الفاظ اِستعمال کرݨ دی بجائے صرف رُوح القُدس دی قوت اُتے بھروسا کیتا،

1کُرِنتھِیوں 2:7

بلکہ اساں خُدا دی او حِکمت پیش کریندے ہیں جیہڑی پہلے راز وانگُوں لُکی ہوئی ہئی، پر ہُنڑ ظاہر کیتی گئی ہے، تے جِینکُوں خُدا اِیں موجودہ جہان تُوں پہلے ای ساڈے جلال کیتے مقرر کر ڈِتا ہا۔

2کُرِنتھِیوں 10:10

کیوں جو کُجھ لوک تاں آدھے ہِن جو ”پولُس دے خط تاں بہُوں کارآمد تے زبردست ہِن پر جِیں ویلے او خود موجود ہوندا ہے تاں معمولی جِیہا لگدے تے اُوندی تقریر کہیں کم دی نئیں ہوندی۔“

2کُرِنتھِیوں 11:6

بھانویں مَیں تقریر کرݨ ءچ ماہر نئیں، پر میڈے کولھ علم تاں ضرور ہے تے اِیندا ثبوت اساں تُہاکُوں ہر گالھ ءچ تے ہر طرحاں ڈے ڈِتے۔

2تھِسّلُنیکیوں 1:10

ایہ اُوں ڈینہہ تھیسی جڈاں یسُوع آ تے آپنڑے مُقدّس لوکاں ءچ جلال پیسی تے سبھ اِیماندار اُوندی شان ڈیکھ تے حیران تھیسن تے اُوندی تعریف کریسن۔ اُنہاں ءچ تُساں وی شامل ہوسو کیوں جو تُساں ساڈی گواہی اُتے اِیمان گِھن آئے ہَوے۔

1 تِیمُتھِیُس 1:11

ایہ تعلیم مُبارک خُدا دے جلال آلی اُوں خوشخبری دے مطابق ہے جیہڑی میڈے سپُرد کیتی گئی ہے۔

2 تِیمُتھِیُس 1:8

اِیں واسطے تُوں ساڈے خُداوند دی گواہی ڈیوݨ تُوں نہ شرما، تے نہ میڈے تُوں جیہڑا اُوندی خاطر قیدی ہاں بلکہ خُدا دی قُدرت دی مدد نال میڈے نال خوشخبری دی خاطر ڈُکھ چا۔

1 یُوحنّا 4:14

اساں ڈیکھ گِھدے تے ہُنڑ گواہی ڈیندے ہیں جو باپ آپنڑے پوتر کُوں دُنیا دا نجات ڈیوݨ آلا بنڑا تے بھیج ڈِتے۔

مُکاشفہ 1:2

تے جیہڑا کُجھ یُوحنّا ڈِٹھا، اُوں اُوندی گواہی ڈِتی ہے بھانویں او خُدا دے کلام دی گواہی ہووے یا یسُوع مسیح دی۔

مُکاشفہ 1:9

مَیں یُوحنّا، تُہاڈا بِھرا تے یسُوع دی پیروی کریندے ہوئے ڈُکھ، بادشاہی تے صبر ءچ تُہاڈا شریک ہاں۔ مَیں خُدا دا کلام سُنڑاوݨ تے یسُوع دی گواہی ڈیوݨ دی وجہ کنُوں اُوں جزیرہ اُتے بھیجیا گِیا ہم جیہڑا پتمُس اکھویندے۔

مُکاشفہ 19:10

وَل مَیں اُونکُوں سجدہ کرݨ کیتے اُوندے پیراں ءچ ڈھے پِیا پر اُوں میکُوں آکھیا، ”خبردار! اِینویں نہ کر۔ مَیں وی تیڈے نال تے تیڈے بِھرانواں نال جیہڑے یسُوع دی گواہی ڈیوݨ اُتے قائم ہِن، خدمت کرݨ آلا ہاں۔ خُدا ای کُوں سجدہ کر کیوں جو یسُوع دی گواہی ڈیوݨ نبُوّت دی رُوح ہے۔“