1کُرِنتھِیوں 15:2 - کِتاب مُقدّس سرائیکی ترجمہ

² اُوں خوشخبری دے وسیلے تُہاکُوں نجات وی مِلدی ہے شرط ایہ ہے جو تُساں اُوں گالھ اُتے قائم راہو جیہڑی مَیں تُہاکُوں پُچائی ہے، نہ تاں تُہاڈا اِیمان گِھن آوݨ بے فائدہ ہے۔

1کُرِنتھِیوں 15:2 Iomraidhean Croise

لُوقا 8:13

تے پتھریلی زمین آلے او ہِن جیہڑے کلام کُوں سُنڑ تے اُونکُوں خوشی نال قبول تاں کریندے ہِن پر جڑھ نئیں رکھیندے۔ اِیں واسطے کُجھ عرصہ تئیں اِیمان رکھ تے ازمائش دے ویلے پِھر ویندے ہِن۔

اعمال 2:47

تے خُدا دی حمد کریندے تے سارے لوکاں دی نظر ءچ مقبول ہَن۔ تے خُداوند ہر روز نجات پاوݨ آلیاں کُوں جماعت ءچ شامل کر ڈیندا ہا۔

اعمال 8:13

تے شمعون خود وی یقین کیتا تے بپتسمہ گِھن تے فِلپُس نال تھی پِیا تے نشان تے وڈے وڈے معجزے تھیندے ڈیکھ تے حیران تھیّا۔

رومیوں 1:16

مَیں خوشخبری کنُوں نئیں شرمیندا کیوں جو او ہر اِیمان گِھن آوݨ آلے دی نجات کیتے خُدا دی قُدرت ہے۔ پہلے یہُودی کیتے، وَل غیریہُودی کیتے۔

رومیوں 11:22

اِیں واسطے خُدا دی مہربانی تے سختی ڈوہائیں اُتے غور کر، سختی اُنہاں اُتے جیہڑے ڈھے پئے، تے مہربانی تَیں اُتے۔ پر شرط ایہ ہے جو تُوں اُوندی مہربانی اُتے قائم راہویں نہ تاں تُوں وی کپ ڈِتا ویسیں۔

1کُرِنتھِیوں 1:18

کیوں جو ہلاک تھیوݨ آلیاں کیتے تاں صلیب دا پیغام بیوقُوفی ہے پر نجات پاوݨ آلیاں کیتے خُدا دی قُدرت ہے۔

1کُرِنتھِیوں 1:21

کیوں جو خُدا آپنڑی حِکمت دے مطابق ایہ فیصلہ کیتے جو دُنیا آلے آپنڑی حِکمت نال خُدا کُوں نہ جانڑݨ بلکہ خُدا کُوں ایہ پسند آیا جو اِیں بیوقُوفی دے پیغام دے وسیلے نال جیندی اساں تبلیغ کریندے ہیں اِیمان گِھن آوݨ آلیاں کُوں نجات بخشے۔

1کُرِنتھِیوں 11:2

مَیں تُہاڈی تعریف کریندا ہاں جو تُساں ہر گالھ ءچ میکُوں یاد رکھیندے تے اُنہاں تعلیمات کُوں قائم رکھیندے ہیوے جیہڑیاں مَیں تُہاکُوں پُچائیاں۔

1کُرِنتھِیوں 15:14

تے جے مسیح زندہ نئیں تھیّا تاں ساڈی تبلیغ دا کوئی فائدہ نئیں تے تُہاڈا اِیمان گِھن آوݨ وی بے فائدہ ہے۔

2کُرِنتھِیوں 2:15

کیوں جو خُدا دے حضُور ءچ اساں نجات پاوݨ آلیاں تے ہلاک تھیوݨ آلیاں ڈوہائیں کیتے مسیح دی خوشبو ہیں۔

2کُرِنتھِیوں 6:1

اساں جیہڑے خُدا دے کم ءچ شریک ہیں تُہاڈی مِنت کریندے ہیں جو خُدا دے اُوں فضل کُوں جیہڑا تُہاڈے اُتے تھئے بے فائدہ نہ تھیوݨ ڈیؤں۔

گلتِیوں 3:4

کیا تُساں اِتنیاں تکلیفاں بے فائدہ برداشت کیتیاں؟ پر شاید بے فائدہ نئیں۔

اِفِسیوں 2:8

کیوں جو تُہاکُوں اِیمان گِھن آوݨ دے وسیلے فضل نال ای نجات مِلی ہے۔ ایہ تُہاڈی طرفوں نئیں بلکہ خُدا دی بخشش ہے۔

کلُسِّیوں 1:23

پر شرط ایہ ہے جو تُساں آپنڑے اِیمان دی بنیاد اُتے مضبوطی نال قائم راہو تے خوشخبری دی اُوں اُمید کُوں نہ چھوڑو جیہڑی تُہاکُوں خوشخبری سُنڑن نال مِلی ہے۔ خوشخبری دی تبلیغ اسمان دے تلے ساری مخلوقات ءچ کیتی گئی ہے تے مَیں پولُس اُوندا خادم بنڑیا۔

2تھِسّلُنیکیوں 2:15

اِیں واسطے بِھراؤ! ثابت قدم راہو تے اُنہاں تعلیمات اُتے قائم راہو جیہڑیاں تُساں ساڈی زبانی سُنڑیاں یا ساڈے خط دے ذریعے سِکھیاں۔

2 تِیمُتھِیُس 1:9

کیوں جو اُوں ساکُوں نجات ڈِتی ہے تے مُقدّس زندگی گُزارݨ کیتے سڈے۔ ایہ ساڈے اعمال دی وجہ کنُوں نئیں بلکہ اُوندے آپنڑے خاص اِرادے تے فضل دی وجہ تُوں ہے۔ ایہ فضل ساڈے اُتے مسیح یسُوع ءچ ازل کنُوں ای تھی گِیا ہئی،

عبرانیوں 10:23

اساں آپنڑی اُوں اُمید کُوں مضبوطی نال پکڑی رکھوں جِیندا اساں اِقرار کریندے ہیں کیوں جو جئیں وعدہ کیتے او وفادار ہے۔

عبرانیوں 2:1

اِیں واسطے لازم ہے جو جیہڑا کلام اساں سُنڑے، اُوندے اُتے بِیا وی غور کرُوں، کِتھائیں اِینویں نہ تھیوے جو اساں وَیہہ تے اُوندے کنُوں دُور لگے ونجُوں۔

عبرانیوں 3:14

کیوں جو اساں مسیح ءچ شریک تھی گئے ہیں پر شرط ایہ ہے جو جیہڑا اعتماد اساں شروع ءچ کریندے ریہے ہیں اُوندے اُتے آخر تئیں مضبوطی نال قائم راہوں۔

عبرانیوں 3:6

پر مسیح پوتر دی حیثیت نال خُدا دے گھر دا مُختار ہے۔ تے اُوندے گھر آلے اساں ہیں پر شرط ایہ ہے جو اساں اُوں دلیری تے اُمید کُوں مضبوطی نال قائم رکھوں جیندے اُتے اساں فخر کریندے ہیں۔

عبرانیوں 4:14

بس جڈاں ساڈا ہِک ایجھا عظیم کاہِن ِ اعظم ہے جیہڑا اسماناں کنُوں لنگھ گِیا یعنی خُدا دا پوتر یسُوع، تاں آؤ اساں آپنڑے اِیمان اُتے قائم راہوں، جِیندا اِقرار اساں کریندے ہیں۔

یعقُوب 2:14

میڈے بِھراؤ! جے کوئی دعویٰ کرے جو مَیں اِیمان رکھیندا ہاں پر عمل نہ کریندا ہووے تاں کیا فائدہ؟ کیا ایجھا اِیمان اُونکُوں نجات ڈے سگدے؟

یعقُوب 2:17

اِینویں ای جے اِیمان دے نال اعمال نہ ہووݨ تاں او اِیمان مُردہ ہے۔

یعقُوب 2:26

بس جِینویں بدن بغیر رُوح دے مُردہ ہے، اُونویں ای اِیمان وی بغیر اعمال دے مُردہ ہے۔