1کُرِنتھِیوں 13:4 - کِتاب مُقدّس سرائیکی ترجمہ

⁴ محبت صبر کریندی ہے تے مہربان ہے۔ محبت حسد نئیں کریندی، محبت شیخی نئیں مریندی تے غرور نئیں کریندی،

1کُرِنتھِیوں 13:4 Iomraidhean Croise

متّی 27:18

کیوں جو اُونکُوں پتہ ہا جو اُنہاں اُونکُوں حسد نال پکڑوائے۔

اعمال 7:9

بزُرگاں حسد ءچ آ تے یُوسف کُوں مِصریاں دے ہتھ ویچ ڈِتا۔ پر خُدا اُوندے نال ہا،

رومیوں 1:29

او ہر طرحاں دی ناراستی، بدی، لالچ، ناانصافی، حسد، قتل، جھیڑے، فریب تے بُغض نال بھریج گئے۔ او چغلی کرݨ آلے،

رومیوں 13:13

اساں حیادار زندگی گُزاروں جِینویں لوک ڈینہہ دی روشنی ءچ کریندے ہِن۔ اِیں واسطے ساڈے ءچ نچنڑ ٹپنڑ، نشہ بازی، زِناکاری، شہوت پرستی، جھیڑے تے حسد وغیرہ نہ ہووے۔

1کُرِنتھِیوں 3:3

تُساں اجنڑ تئیں جِسمانی لوکاں وانگُوں زندگی گُزریندے پئے ہیوے۔ کیوں جو تُہاڈے ءچ حسد تے جھیڑے ہِن تاں کیا تُساں دُنیاوی نئیں؟ کیا تُساں اِنسانی طور طریقے اُتے نئیں چلدے پئے؟

1کُرِنتھِیوں 4:18

تُہاڈے ءچ کُجھ لوک ایہ سوچ تے بہُوں شیخی مریندے ہِن جو مَیں تُہاڈے کولھ آوݨ آلا ای نئیں۔

1کُرِنتھِیوں 4:6

بِھراؤ! مَیں تُہاڈی خاطر اِنہاں گالھیں ءچ آپنڑا تے اپُلّوس دا ذِکر مثال دے طور تے پیش کیتے تاں جو تُساں ساڈے ذریعے سِکھو جو ”لِکھے ہوئے کنُوں اگھاں نہ ودھو۔“ تے تُہاڈے ءچوں کوئی کہیں ہِک دی حمایت ءچ ڈُوجھے دے خلاف نہ پُھنڈے۔

1کُرِنتھِیوں 5:2

تُساں وَل وی پُھنڈدے ہیوے۔ تُہاکُوں تاں اِیں گالھ اُتے ماتم کرنڑا چاہیدا ہا۔ جئیں ایہ بُرا کم کیتے، اُونکُوں تُہاڈے ءچوں کڈھ ڈیونڑا چاہیدے۔

1کُرِنتھِیوں 8:1

بُتاں کُوں پیش کیتیاں ونجنڑ آلیاں قُربانیاں دے بارے ءچ ایہ ہے: اساں جانڑدے ہیں جو ”اساں سارا علم رکھیندے ہیں“ پر علم غرور پیدا کریندے جڈاں جو محبت ترقی بخشیندی ہے۔

2کُرِنتھِیوں 12:20

کیوں جو میکُوں ڈر ہے جو کِتھائیں اِینویں نہ تھیوے جو جڈاں مَیں آواں تاں جِینویں مَیں چاہندا ہاں تُہاکُوں اُونویں نہ پاواں، تے جِینویں تُساں چاہندے ہیوے میں اُونویں نہ ہوواں۔ میکُوں ڈر ہے جو تُہاڈے ءچ جھیڑے، حسد، کاوڑ، خود غرضی، بدزبانی، چُغل خوری، شیخی تے فساد ہوسن۔

2کُرِنتھِیوں 6:6

پاکیزگی، علم، تحمل، مہربانی، رُوح القُدس، سچی محبت،

گلتِیوں 5:26

اساں غیر مناسب فخر، ہِک ڈُوجھے کُوں بھڑکاوݨ تے ہِک ڈُوجھے کنُوں حسد کرݨ چھوڑ ڈیؤں۔

اِفِسیوں 4:2

یعنی کمال فروتنی، نرم دِلی تے صبر نال، محبت ءچ ہِک ڈُوجھے دی برداشت کرو۔

اِفِسیوں 4:32

ہر ہِک نال مہربانی تے نرم دِلی نال پیش آؤ۔ جِینویں خُدا مسیح ءچ تُہاڈے قصُور معاف کیتے ہِن، تُساں وی ہِک ڈُوجھے دے قصُور معاف کرو۔

فِلِپّیوں 1:15

بےشک کئی لوک تاں حسد تے پارٹی بازی دی وجہ کنُوں مسیح دی تبلیغ کریندے ہِن پر کئی نیک نیّتی نال۔

کلُسِّیوں 1:11

تے تُساں اُوندے جلال آلی قُدرت دے مطابق ہر طرحاں دی طاقت ءچ مضبوط تھیندے ونجو تاں جو تُہاڈے ءچ خوشی نال بے حد برداشت تے صبر پیدا تھیوے،

کلُسِّیوں 2:18

کوئی بندہ ظاہری پرہیزگاری تے فرشتیاں دی عبادت کرݨ نال تُہاکُوں اِنعام کنُوں محروم نہ کر ڈیوے۔ ایجھا بندہ رویا ڈیکھنڑ دے بارے ءچ گالھیں کریندا راہندے تے آپنڑی جِسمانی سوچ نال بِلاوجہ پُھلیا ہوندے۔

کلُسِّیوں 3:12

تُساں خُدا دے چُنڑے ہوئے، پاک تے عزیز لوک ہیوے، اِیں واسطے رحم، ہمدردی، فروتنی، نرمی تے صبر دے کپڑے پا گِھنو۔

1تھِسّلُنیکیوں 5:14

بِھراؤ! اساں تُہاڈی مِنت کریندے ہیں جو آلسیاں کُوں سمجھاؤ، بے دِلاں کُوں ہِمت ڈیواؤ، کمزوراں دی مدد کرو تے سارے لوکاں نال صبر نال پیش آؤ۔

1 تِیمُتھِیُس 6:4

تاں او مغرُور ہے تے کُجھ نئیں جانڑدا۔ اُونکُوں فضول بحث تے لفظاں دے بارے ءچ تکرار کرݨ دا مرض ہے جِیندا نتیجہ حسد، جھیڑے، بدگوئیاں تے ڈُوجھیاں دے بارے ءچ بُری سوچ رکھنڑ ہے،

2 تِیمُتھِیُس 2:25

آپنڑے مخالفاں کُوں حلیمی نال سمجھاوے۔ شاید خُدا اُنہاں کُوں توبہ دی توفیق ڈیوے تے او سچائی کُوں پچھاݨ گِھننڑ۔

2 تِیمُتھِیُس 3:10

پر تُوں تعلیم ءچ، چال چلنڑ ءچ، مقصد ءچ، اِیمان ءچ، صبر ءچ، محبت ءچ، برداشت ءچ،

2 تِیمُتھِیُس 4:2

جو تُوں کلام دی تبلیغ کر، تے اِیندے کیتے چنگے ماڑے ویلے تیار رہ، بہُوں صبر نال تے تعلیم ڈیندے ہوئے لوکاں کُوں سمجھا، ملامت کر، تے نصیحت کر۔

طِطُس 3:3

اساں وی ہِک وقت نادان، نافرمان تے گُمراہ ہسے تے ہر طرحاں دیاں خواہشاں تے عیاشیاں دی غُلامی ءچ ہسے، تے کینہ تے حسد ءچ زندگی گُزریندے پئے ہسے۔ ڈُوجھے ساڈے تُوں نفرت کریندے ہَن تے اساں ڈُوجھیاں تُوں۔

یعقُوب 4:5

کیا تُساں ایہ سوچیندے ہیوے جو خُدا دا کلام بے مقصد فرمیندے جو خُدا اُوں رُوح کیتے جیہڑا اُوں ساڈے دِلاں ءچ وسایا ہے غیرت رکھیندا ہے ؟

1 پطرس 2:1

اِیں واسطے ہر قِسم دی بُرائی، فریب، منافقت، حسد تے بدگوئی کُوں چھوڑ ڈیؤ۔

1 پطرس 3:8

آخری گالھ ایہ ہے جو تُساں سارے ہِک ڈُوجھے نال ہمدردی، برادرانہ محبت، رحم دِلی تے عاجزی نال راہو۔

1 پطرس 4:8

سبھ تُوں اہم گالھ تاں ایہ ہے جو آپس ءچ گھاٹی محبت رکھو کیوں جو محبت بہُوں سارے گُناہاں اُتے پڑدہ پا ڈیندی ہے۔

2 پطرس 1:7

تے دینداری نال برادرانہ پیار تے برادرانہ پیار نال محبت ودھے۔

1 یُوحنّا 4:11

عزیزو! جڈاں خُدا ساڈے نال ایجھی محبت کیتی تاں ساکُوں وی چاہیدے جو اساں وی ہِک ڈُوجھے نال محبت رکھوں۔