1کُرِنتھِیوں 13:12 - کِتاب مُقدّس سرائیکی ترجمہ

¹² ہُنڑ ساکُوں شیشے ءچ دُھندلا نظر آندے پر اُوں ویلے آمنڑے سامنڑے ڈیکھسوں۔ اِیں ویلے میڈا علم نامکمل ہے پر اُوں ویلے پُوری طرحاں پچھاݨ گِھنساں، جِینویں خُدا میکُوں پُوری طرحاں پچھانڑے۔

1کُرِنتھِیوں 13:12 Iomraidhean Croise

متّی 18:10

خبردار اِنہاں چھوٹیاں ءچوں کہیں کُوں ناچیز نہ سمجھو کیوں جو مَیں تُہاکُوں آدھا ہاں جو اُنہاں دے فرشتے اسمان اُتے ہر ویلے میڈے اسمانی باپ دا مُنہ ڈیدھے ہِن۔

متّی 5:8

مُبارک ہِن او جیہڑے پاک دل ہِن، کیوں جو او خُدا کُوں ڈیکھسن۔

یُوحنّا 10:15

بالکل اُونویں ای جِینویں باپ میکُوں جانڑدے تے مَیں باپ کُوں جانڑدا ہاں۔ تے مَیں بھیڈاں کیتے آپنڑی جان ڈیندا ہاں۔

رومیوں 8:18

مَیں سمجھدا ہاں جو جیہڑے ڈُکھ اساں اِیں زمانے ءچ سہندے پئے ہیں، اُوں جلال دے مُقابلے ءچ کُجھ وی نئیں جیہڑا ساڈے اُتے ظاہر تھیوݨ آلا ہے۔

1کُرِنتھِیوں 13:11

جِیں ویلے مَیں بال ہم تاں بالاں وانگُوں بُولیندا ہم، بالاں وانگُوں سوچیندا ہم تے بالاں وانگُوں سمجھدا ہم۔ پر جِیں ویلے جوان تھیّا تاں بچپن دے گالھیں چھوڑ ڈِتیاں۔

1کُرِنتھِیوں 8:3

پر جیہڑا خُدا نال محبت رکھیندے، خُدا اُونکُوں جانڑدے۔

2کُرِنتھِیوں 3:18

اِیں واسطے شیشے آلی کار اساں ساریاں دے بے نقاب چہریاں تُوں خُداوند دا جلال ظاہر تھیندے تے اساں خُداوند دے رُوح القُدس دے وسیلے نال آہستہ آہستہ اُوندی جلالی صورت ءچ بدلدے ویندے ہیں۔

2کُرِنتھِیوں 5:7

کیوں جو اساں اِیمان ءچ ٹُردے ہیں نہ جو اکھیں نال ڈیکھنڑ نال۔

فِلِپّیوں 3:12

میڈا مطلب ایہ نئیں جو مَیں ایہ سبھ کُجھ پا گِھدے یا کامِل تھی گِیا ہاں بلکہ مَیں او سبھ کُجھ پاوݨ کیتے بھجدا ویندا پِیا ہاں جیندے کیتے یسُوع مسیح میکُوں پکڑیا ہا۔

یعقُوب 1:23

کیوں جو جیہڑا کوئی صرف کلام کُوں سُنڑݨ آلا ہووے تے اُوندے اُتے عمل کرݨ آلا نہ ہووے، او اُوں بندے وانگُوں ہے جیہڑا شیشے ءچ آپنڑی شکل ڈیدھے۔

1 یُوحنّا 3:2

عزیزو! اساں اِیں ویلے خُدا دے فرزند ہیں پر اجنڑ تئیں ایہ ظاہر نئیں تھیّا جو بِیا کیا کُجھ ہوسُوں۔ پر اِتنا جانڑدے ہیں جو جِیں ویلے یسُوع ظاہر تھیسی تاں اساں اُوندے وانگُوں ہوسُوں کیوں جو اساں اُونکُوں اُونویں ای ڈیکھسوں جِینویں او اصل ءچ ہے۔

مُکاشفہ 22:4

او اُوندا مُنہ ڈیکھسن تے اُوندا ناں اُنہاں دے متھیاں اُتے لِکھیا ہوسی۔