1کُرِنتھِیوں 13:1 - کِتاب مُقدّس سرائیکی ترجمہ

¹ جے مَیں اِنساناں تے فرشتیاں دیاں زباناں بولاں پر محبت نہ رکھاں تاں مَیں صرف ٹن ٹن کریندا گھنٹا یا جھن جھن کریندی جھانجھ ہاں۔

1کُرِنتھِیوں 13:1 Iomraidhean Croise

متّی 25:45

وَل او اُنہاں کُوں جواب ڈیسی، ’مَیں تُہاکُوں سچ آدھا ہاں جو جِیں ویلے تُساں اِنہاں ساریاں کنُوں چھوٹیاں ءچوں کہیں دے نال ایہ سلوک نہ کیتا تاں میڈے نال نہ کیتا۔‘

مرقس 16:17

تے اِیمان گِھن آوݨ آلیاں دے وچال ایہ معجزے تھیسن: او میڈے ناں نال بدرُوحاں کُوں کڈھیسن، نوِیاں نوِیاں زباناں بُولیسن،

رومیوں 14:15

جے تیڈے کوئی چیز کھاوݨ تُوں تیڈے بِھرا کُوں ڈُکھ پُجدے تاں وَل تُوں محبت دے اصُول اُتے نئیں ٹُردا۔ جِیں بندے کیتے مسیح آپنڑی جان قُربان کیتی تُوں اُونکُوں آپنڑے کھاوݨ نال ہلاک نہ کر۔

1کُرِنتھِیوں 12:10

کہیں کُوں معجزے ڈِکھاوݨ دی قُدرت، تے کہیں کُوں نبُوّت کرݨ دی، کہیں کُوں رُوحاں دا اِمتیاز کرݨ دی، کہیں کُوں طرحاں طرحاں دیاں زباناں بولنڑ دی، تے کہیں کُوں زباناں دا ترجمہ کرݨ دی توفیق مِلی ہے۔

1کُرِنتھِیوں 12:16

تے جے کَن آکھے، ”کیوں جو مَیں اکھ نئیں اِیں واسطے بدن دا حصہ نئیں،“ تاں او اِیں وجہ کنُوں بدن تُوں اَنج تاں نئیں۔

1کُرِنتھِیوں 12:8

کہیں کُوں رُوح القُدس دی طرفوں حِکمت نال بھریا ہویا کلام ڈِتا ویندے تے کہیں کُوں اُونہئی رُوح دے وسیلے علم نال بھریا ہویا کلام۔

1کُرِنتھِیوں 13:8

محبت کڈھائیں ختم نئیں تھیندی پر نبُوّتاں ختم تھی ویسن، غیر زباناں مُک ویسن تے علم ختم تھی ویسی۔

1کُرِنتھِیوں 14:2

کیوں جو جیہڑا کوئی غیر زبان ءچ گالھیں کریندے او اِنسان نال نئیں بلکہ خُدا نال گالھیں کریندے، اِیں واسطے جو اُوندی گالھ کوئی نئیں سمجھدا۔ او رُوح القُدس دی قُدرت نال غیب دی گالھ آدھے۔

1کُرِنتھِیوں 14:4

جیہڑا کوئی غیر زبان ءچ گالھیں کریندے او آپنڑی ترقی کیتے کریندے۔ پر جیہڑا نبُوّت کریندے او کلیسیا دی ترقی کیتے کریندے۔

1کُرِنتھِیوں 14:5

مَیں چاہندا ہاں جو تُساں سارے غیر زباناں ءچ گالھیں کرو پر اِیں تُوں زیادہ ایہ چاہندا ہاں جو نبُوّت کرو۔ جے غیر زباناں بولنڑ آلا کلیسیا دی ترقی کیتے ترجمہ نہ کرے تاں نبُوّت کرݨ آلا اُوں کنُوں وڈا ہے۔

1کُرِنتھِیوں 8:1

بُتاں کُوں پیش کیتیاں ونجنڑ آلیاں قُربانیاں دے بارے ءچ ایہ ہے: اساں جانڑدے ہیں جو ”اساں سارا علم رکھیندے ہیں“ پر علم غرور پیدا کریندے جڈاں جو محبت ترقی بخشیندی ہے۔

2کُرِنتھِیوں 12:4

تے اُتھاں اُوں ایجھے گالھیں سُنڑیاں جیہڑیاں بیان نئیں تھی سگدیاں تے جِنہاں دا آکھنڑ اِنسان کیتے جائز نئیں۔

گلتِیوں 5:22

پر رُوح القُدس دا پھل محبت، خوشی، اِطمینان، صبر، مہربانی، نیکی، وفاداری،

گلتِیوں 5:6

کیوں جو مسیح یسُوع ءچ ہوندے ہوئے ختنہ کراوݨ یا نہ کراوݨ دی کوئی اہمیت نئیں۔ صرف او اِیمان اہم ہے جیہڑا محبت کرݨ نال ظاہر تھیندے۔

1 تِیمُتھِیُس 1:5

میڈی اِیں نصیحت دا مقصد او محبت ہے جیہڑی پاک دِلی، نیک نیّتی تے حقیقی اِیمان نال پیدا تھیندی ہے۔

1 پطرس 4:8

سبھ تُوں اہم گالھ تاں ایہ ہے جو آپس ءچ گھاٹی محبت رکھو کیوں جو محبت بہُوں سارے گُناہاں اُتے پڑدہ پا ڈیندی ہے۔

2 پطرس 2:18

ایہ لوک غرور دیاں فضول گالھیں کریندے ہِن، تے بے ہُودہ جسمانی خواہشاں نال ایجھے لوکاں کُوں ورغلیندے ہِن جیہڑے گُمراہی ءچ راہوݨ آلیاں ءچوں ہُنڑیں ہُنڑیں بچ نِکلے ہِن۔

مُکاشفہ 14:2

وَل مَیں اسمان کنُوں ہِک ایجھی اواز سُنڑی جیہڑی زور نال واہندے پانڑی وانگُوں تے بجلی دی ہِک وڈی گجکار وانگُوں ہئی۔ تے ایہ اواز جیہڑی میں سُنڑی ہئی اِینویں ہئی جِینویں سِتار وجاوݨ آلے آپنڑے ساز وجیندے پئے ہووݨ۔