1کُرِنتھِیوں 12:9 - کِتاب مُقدّس سرائیکی ترجمہ

⁹ کہیں کُوں اُونہئی رُوح نال اِیمان دی تے کہیں کُوں شِفا ڈیوݨ دی نعمت مِلدی ہے۔

1کُرِنتھِیوں 12:9 Iomraidhean Croise

متّی 10:8

بیماراں کُوں شِفا ڈیوائے۔ مُردیاں کُوں زندہ کرائے۔ کوڑھیاں کُوں پاک صاف کرائے۔ بدرُوحاں کُوں کڈھائے۔ تُہاکُوں مُفت مِلے، مُفت ڈیوائے۔

متّی 21:21

یسُوع جواب ڈِتا، ”مَیں تُہاکُوں سچ آدھا ہاں جو جے اِیمان رکھو تے شک نہ کرو تاں تُساں نہ صرف او جیہڑا ہنجیر دے درخت نال تھئے کر سگسو، بلکہ جے اِیں پہاڑ کُوں وی اکھیسو جو ’پٹیج تے سمندر ءچ وَنج ڈھے‘ تاں اُونویں ای تھیسی۔

مرقس 16:18

نانگاں کُوں چا گِھنسن، تے جے کوئی زہریلی چیز پی گِھنسن تاں اُنہاں کُوں کُجھ نُقصان نہ تھیسی۔ او بیماراں اُتے ہتھ رکھیسن تے او چنگے تھی ویسن۔“

مرقس 6:13

تے بہُوں ساریاں بدرُوحاں کُوں کڈھیا تے بہُوں سارے بیماراں کُوں زیتون دا تیل لا تے شِفا ڈِتی۔

لُوقا 10:9

اُتھاں دے بیماراں کُوں شِفا ڈیؤ تے اُنہاں کُوں ڈساؤ جو ’خُدا دی بادشاہی تُہاڈے نیڑے آ پُجی ہے۔‘

لُوقا 9:2

تے اُنہاں کُوں خُدا دی بادشاہی دی تبلیغ کرݨ تے بیماراں کُوں چنگا کرݨ کیتے بھیجیا۔

اعمال 10:38

جو خُدا یسُوع ناصری کُوں رُوح القُدس تے قُدرت نال کِینویں مسح کیتا۔ او بھلائی کریندا تے اُنہاں ساریاں کُوں جیہڑے ابلیس دے ظلم دا شکار ہَن، شِفا ڈیندا ریہا کیوں جو خُدا اُوندے نال ہا۔

اعمال 5:15

اِتُھوں تئیں جو لوک بیماراں کُوں کَھٹاں تے چٹائیاں اُتے گِھن گِھن تے سڑکاں اُتے سَٹ ڈیندے ہَن، تاں جو جِیں ویلے پطرس اُتھوں لنگھے تاں گھٹ و گھٹ اُوندا پرچھانواں ای اُنہاں اُتے پے ونجے۔

1کُرِنتھِیوں 12:28

تے خُدا کلیسیا ءچ پہلے رسُول، ڈُوجھے نبی، تریجھے اُستاد، وَل معجزے ڈِکھاوݨ آلے، وَل شِفا ڈیوݨ دی نعمت آلے، مددگار، اِنتظام چلاوݨ آلے، تے طرحاں طرحاں دیاں زباناں بولنڑ آلے مقرر کیتے۔

1کُرِنتھِیوں 12:30

کیا ساریاں کُوں شِفا ڈیوݨ دی نعمت مِلی ہے؟ کیا سارے طرحاں طرحاں دیاں زباناں بُولیندے ہِن؟ کیا سارے اِنہاں زباناں دا ترجمہ کریندے ہِن؟

1کُرِنتھِیوں 13:2

تے جے میکُوں نبُوّت دی نعمت مِلے تے مَیں ہر راز تے علم کنُوں واقف تھی وَنجاں، تے جے میڈا اِیمان اِتُھوں تئیں کامِل ہووے جو پہاڑاں کُوں ہٹا ڈیواں، پر محبت نہ رکھاں تاں مَیں کُجھ وی نئیں۔

2کُرِنتھِیوں 4:13

کلام ءچ لِکھیا ہے جو ”مَیں اِیمان گِھن آیا تے اِیں واسطے آکھیا۔“ ساڈے ءچ ایجھا ای اِیمان ہے، اِیں واسطے اساں وی اِیمان گِھن آوݨ دے سببّوں اکھیندے ہیں۔

اِفِسیوں 2:8

کیوں جو تُہاکُوں اِیمان گِھن آوݨ دے وسیلے فضل نال ای نجات مِلی ہے۔ ایہ تُہاڈی طرفوں نئیں بلکہ خُدا دی بخشش ہے۔

عبرانیوں 11:33

اِیمان دی وجہ کنُوں ای او سلطنتاں اُتے غالب آئے، اِنصاف کریندے ریہے، وعدہ کیتیاں ہوئیاں چیزاں کُوں حاصل کیتا، شیراں دے مُنہ بند کیتے،