1کُرِنتھِیوں 10:11 - کِتاب مُقدّس سرائیکی ترجمہ

¹¹ ایہ گالھیں اُنہاں کیتے سبق دے طور تے پیش آئیاں تے اساں آخری زمانے آلیاں دی نصیحت کیتے لِکھیاں گئیاں۔

1کُرِنتھِیوں 10:11 Iomraidhean Croise

متّی 13:39

دُشمنڑ جئیں اُنہاں کُوں رہایا ابلیس ہے تے کٹائی دُنیا دا آخر ہے تے کٹائی کرݨ آلے فرشتے ہِن۔

متّی 13:40

بس جِینویں کڑوے دانڑے جمع کیتے ویندے تے بھاہ ءچ ساڑ ڈِتے ویندن، اُونویں ای دُنیا دے آخر ءچ تھیسی۔

رومیوں 13:11

وقت کُوں پچھانڑو تے اِینویں ای کرو، کیوں جو نیندر کنُوں جاگنڑ دا ویلا آ گِیا ہے۔ جِیں ویلے اساں اِیمان گِھن آئے ہسے، اُوں وقت دی نسبت ہُنڑ ساڈی نجات بہُوں نیڑے ہے۔

رومیوں 13:12

رات تقریباً لنگھ گئی ہے تے ڈینہہ نِکلنڑ آلا ہے، اِیں واسطے اساں اندھارے دے کماں کُوں چھوڑ تے نُور دے ہتھیار بَدھ گِھنوں۔

رومیوں 15:4

جیہڑے گالھیں پہلے لِکھیاں گئیاں او ساڈی نصیحت کیتے لِکھیاں گئیاں تاں جو صبر نال تے خُدا دے کلام دی تسلی نال ساڈی اُمید قائم راہوے۔

رومیوں 4:23

ایہ گالھ جو ”اِیمان اُوندے کیتے راستبازی شمار کیتا گِیا،“ صرف اُوندے کیتے نئیں لِکھیا گِیا

1کُرِنتھِیوں 10:6

ایہ گالھیں ساڈے کیتے ہِک سبق ہِن تاں جو اساں اُنہاں لوکاں آلی کار بُرے چیزاں دی خواہش نہ کرُوں۔

1کُرِنتھِیوں 7:29

بِھراؤ! مَیں ایہ آدھا ہاں جو وقت گھٹ ہے، اِیں واسطے اگُوں کنُوں ذال آلے اِینویں ہووݨ جِینویں او بغیر ذال دے ہِن۔

1کُرِنتھِیوں 9:10

کیا او خاص کر ایہ ساڈے کیتے نئیں آدھا؟ ہاں ایہ ساڈے کیتے لِکھیا گئے کیوں جو ہَل وہاوݨ آلا اُمید اُتے ہَل وہیندے تے گہاوݨ آلا اُمید اُتے گہیندے جو میکُوں فصل دا کُجھ حصہ ضرور مِلسی۔

گلتِیوں 4:24

اِنہاں گالھیں ءچ ہِک مثال ہے کیوں جو ایہ عورتاں ڈُو عہداں دو اِشارہ کریندیاں ہِن۔ ہِک کوہ ِسِینا اُتے بدھیا ہویا عہد ہے جیندے ءچوں غُلام ای پیدا تھیندے ہِن تے او ہاجرہ ہے۔

فِلِپّیوں 4:5

تُہاڈی نرم دِلی سارے لوکاں اُتے ظاہر تھیوے۔ یاد رکھو جو خُداوند آوݨ آلا ہے۔

عبرانیوں 10:25

آپس ءچ میل جول رکھنڑ نہ چھوڑوں جِینویں کُجھ لوکاں دی عادت بنڑ گئی ہے بلکہ اساں ہِک ڈُوجھے کُوں مزید حوصلہ ڈیؤں خاص کر ایہ ڈیدھے ہوئے جو مسیح دے واپس آوݨ دا ڈینہہ نیڑے آندا پِیا ہے۔

عبرانیوں 10:37

کیوں جو ہُنڑ تھوڑی جیہی دیر باقی ہے جو ”آوݨ آلا آ ویسی، تے دیر نہ لیسی۔

1 یُوحنّا 2:18

بالو! ایہ دُنیا دا آخری ویلا ہے۔ جِینویں تُساں سُنڑیا ہے جو مسیح دا مخالف آوݨ آلا ہے، اُوندے مطابق ہُنڑ مسیح دے بہُوں سارے مخالف اُٹھی کھڑے تھئے ہِن۔ اِیں تُوں ساکُوں پتہ چلدے جو آخری ویلا آ گئے۔