1کُرِنتھِیوں 1:8 - کِتاب مُقدّس سرائیکی ترجمہ

⁸ اُوہو تُہاکُوں آخر تئیں قائم وی رکھیسی تاں جو تُساں ساڈے خُداوند یسُوع مسیح دے واپس آوݨ دے ڈینہہ بے اِلزام تھیؤ۔

1کُرِنتھِیوں 1:8 Iomraidhean Croise

لُوقا 17:24

کیوں جو جِینویں بجلی دِرک تے اسمان کُوں ہِک پاسے کنُوں گِھن تے ڈُوجھے پاسے تئیں روشن کر ڈیندی ہے، اِینویں ای اِبنِ آدم آپنڑے آوݨ دے ڈینہہ ءچ ظاہر تھیسی۔

لُوقا 17:30

اِبنِ آدم دے ظاہر تھیوݨ دے ڈینہہ وی اِینویں ای تھیسی۔

رومیوں 14:4

تُوں کوݨ ہیں جو کہیں ڈُوجھے دے نوکر اُتے اِلزام لاویں؟ او قائم ہے یا ڈھٹھا پِیا ہے، اُوندے مالک دا فیصلہ ہے۔ بلکہ او قائم کیتا ویسی کیوں جو خُداوند اُونکُوں قائم کرݨ اُتے قادر ہے۔

رومیوں 16:25

خُدا دی تمجید ہووے جیہڑا تُہاکُوں میڈی خوشخبری یعنی یسُوع مسیح دی تبلیغ دے وسیلے مضبوط کر سگدا ہے، اُوں بھید دے مُکاشفہ دے مطابق جیہڑا ازل کنُوں لُکیا ریہا

رومیوں 8:19

کیوں جو ساری مخلوق بہُوں شوق نال خُدا دے پوتراں دے ظاہر تھیوݨ دے اِنتظار ءچ ہے۔

1کُرِنتھِیوں 3:13

اُوندے کم کُوں بھاہ عدالت دے ڈینہہ ظاہر کر ڈیسی کیوں جو بھاہ کم کُوں ازما تے ثابت کریسی جو کیجھا ہے۔

1کُرِنتھِیوں 5:5

تاں اُوں بندے کُوں جِسمانی ہلاکت کیتے شیطان دے حوالے کر ڈیؤ تاں جو خُداوند یسُوع دے واپس آوݨ دے ڈینہہ اُوندی رُوح بچ ونجے۔

2کُرِنتھِیوں 1:13

اساں تُہاکُوں ایجھے گالھیں نئیں لِکھدے، جیہڑیاں تُساں پڑھ تے سمجھ نہ سگو تے میکُوں اُمید ہے جو

2کُرِنتھِیوں 1:14

جِینویں تُہاکُوں ساڈی کُجھ سمجھ آ گئی ہے، تُساں آخر تئیں وی پُوری طرحاں سمجھ گِھنسو۔ وَل خُداوند یسُوع دے واپس آوݨ دے ڈینہہ جِینویں اساں تُہاڈے کیتے فخر دا سبب ہیں، اُونویں ای تُساں وی ساڈے کیتے فخر دا سبب ہوسو۔

2کُرِنتھِیوں 1:21

تے خُدا ای ہے جیہڑا ساکُوں تُہاڈے نال مسیح ءچ قائم رکھیندے تے ساکُوں مقرر کر تے مخصوص کیتے۔

اِفِسیوں 5:27

تے ایجھی جلال آلی کلیسیا بنڑا تے آپنڑے کولھ حاضر کرے جیندے ءچ کوئی داغ یا جُھری یا کوئی بِیا نُقص نہ ہووے بلکہ او پاک تے بے اِلزام ہووے۔

فِلِپّیوں 1:10

تاں جو تُساں پچھاݨ سگو جو کیہڑے گالھیں چنگیاں ہِن تے تُساں مسیح دے واپس آوݨ دے ڈینہہ تئیں صاف دل تے بے عیب راہو،

فِلِپّیوں 1:6

تے میکُوں اِیں گالھ دا یقین ہے جو خُدا، جئیں تُساں لوکاں ءچ نیک کم شروع کیتے، او اُونکُوں یسُوع مسیح دے واپس آوݨ دے ڈینہہ تئیں پُورا کر ڈیسی۔

کلُسِّیوں 1:22

پر ہُنڑ مسیح دی جِسمانی موت دے وسیلے نال اُوں تُہاڈے نال صُلح کر گِھدی ہے تاں جو تُہاکُوں پاک، بے عیب تے بے اِلزام بنڑا تے آپنڑے حضُور پیش کرے۔

کلُسِّیوں 2:7

اُوندے ءچ جڑھ پکڑیندے تے تعمیر تھیندے ونجو تے جِینویں تُساں تعلیم گِھدی ہے اُونویں ای اِیمان ءچ مضبوط راہو تے خُدا دی بہُوں شُکرگزاری کیتا کرو۔

1تھِسّلُنیکیوں 3:13

او تُہاڈے دِلاں کُوں ایجھا مضبوط کرے جو جِیں ویلے ساڈا خُداوند یسُوع آپنڑے سارے مُقدّساں نال آوے تاں تُہاڈے دل ساڈے خُدا تے باپ دے سامنڑے پاک تے بے عیب ہووݨ۔

1تھِسّلُنیکیوں 5:2

کیوں جو تُساں چنگی طرحاں جانڑدے ہیوے جو خُداوند دے واپس آوݨ دا ڈینہہ اِینویں آوݨ آلا ہے جِینویں چور رات کُوں آندے۔

2تھِسّلُنیکیوں 2:2

جو جڈاں لوک دعویٰ کرݨ جو کہیں اِلہام یا پیغام تُوں یا ساڈی طرفوں کہیں خط تُوں پتا چلے جو خُداوند دے واپس آوݨ دا ڈینہہ آ گئے تاں تُساں پریشان نہ تھیوائے تے نہ گھبرائے۔

2تھِسّلُنیکیوں 3:3

پر خُداوند وفادار ہے۔ او تُہاکُوں مضبوط کریسی تے شیطان کنُوں محفوظ رکھیسی۔

2 تِیمُتھِیُس 1:12

اِیہو وجہ ہے جو مَیں ہُنڑ ڈُکھ چیندا ہاں۔ پر مَیں شرمیندا نئیں کیوں جو جئیں اُتے مَیں اِیمان رکھیندا ہاں، اُونکُوں جانڑدا ہاں تے میکُوں یقین ہے جو او آپنڑے وَل آوݨ آلے ڈینہہ تئیں میڈی امانت دی حفاظت کر سگدے۔

2 تِیمُتھِیُس 1:18

خُداوند کرے جو قیامت آلے ڈینہہ اُوندے اُتے خُداوند دا رحم تھیوے۔ تیکُوں چنگی طرحاں پتا ہے جو اُوں اِفِسُس ءچ میڈی بہُوں خدمت کیتی ہئی۔

1 پطرس 5:10

تُہاڈے تھوڑی دیر تئیں ڈُکھ چاوݨ تُوں بعد، خُدا جیہڑا سارے فضل دا مالک ہے تے جئیں مسیح دے ذریعے تُہاکُوں آپنڑے ابدی جلال ءچ شریک تھیوݨ کیتے سڈے، اُوہو خود تُہاکُوں کامِل، مضبوط، قائم تے زورآور کریسی۔

2 پطرس 3:10

پر خُداوند دے واپس آوݨ دا ڈینہہ چور وانگُوں آ ویسی۔ اُوں ڈینہہ اسمان بہُوں خوفناک اواز نال غائب تھی ویسن، تے اسمان دیاں سبھ چیزاں بھاہ دی شِدت کنُوں پگھر ویسن تے زمین تے اُوندے اُتے دے سبھ کم ظاہر تھی ویسن۔

2 پطرس 3:14

بس عزیزو، کیوں جو تُساں اِنہاں گالھیں دے اِنتظار ءچ ہیوے، اِیں واسطے پُوری کوشش کرو جو تُساں خُدا دے نال صُلح ءچ اُوندے نزدیک بے داغ تے بے اِلزام تے ثابت تھیؤ۔