1کُرِنتھِیوں 1:2 - کِتاب مُقدّس سرائیکی ترجمہ

² خُدا دی اُوں کلیسیا دے ناں جیہڑی کُرِنتُھس شہر ءچ ہے، یعنی اُنہاں دے ناں جیہڑے یسُوع مسیح ءچ پاک کیتے گئے تے مُقدّس لوک ہووݨ کیتے سڈے گئے ہِن۔ ایہ خط اُنہاں ساریاں دے ناں وی ہے جیہڑے جاہ جاہ یسُوع مسیح دا ناں گِھندے ہِن جیہڑا اُنہاں دا تے ساڈا خُداوند ہے۔

1کُرِنتھِیوں 1:2 Iomraidhean Croise

اعمال 10:36

اُوں بنی اِسرائیل دے کولھ آپنڑا کلام بھیجیا تے یسُوع مسیح دے وسیلے، جیہڑا ساریاں دا خُداوند ہے، صُلح دی خوشخبری سُنڑائی۔

اعمال 15:9

تے اِیمان دے وسیلہ نال اُنہاں دے دل پاک کر تے ساڈے ءچ تے اُنہاں ءچ کوئی فرق نئیں کیتا۔

اعمال 18:1

اِیندے بعد پولُس اتھینے ءچوں نِکل تے کُرِنتُھس چلیا گِیا

اعمال 22:16

ہُنڑ کیجھی دیر؟ اُٹھی بپتسمہ گِھن، تے اُوندا ناں گِھن تے آپنڑے گُناہ دھو گِھن۔‘

اعمال 26:18

جو تُوں اُنہاں دے اکھیں کھولیں تاں جو او اندھارے کنُوں روشنی دو تے شیطان دے اِختیار کنُوں خُدا دو رجُوع گِھن آوݨ، تے میڈے اُتے اِیمان گِھن آ تے گُناہاں دی معافی پاوݨ، تے خُدا دے پاک لوکاں ءچ شریک تھی تے میراث حاصل کرݨ۔‘

اعمال 9:13

حننیاہ جواب ڈِتا ”اے خُداوند! مَیں اِیں بندے دے بارے ءچ بہُوں لوکاں کنُوں سُنڑیا ہے جو یروشلیم ءچ اِیں تیڈے مُقدّساں نال کیجھیاں کیجھیاں بُرائیاں کیتیاں ہِن۔

اعمال 9:14

تے اِتھاں اِینکُوں سردار کاہِناں دی طرفوں اِختیار مِلیا ہے جو جیہڑے لوک تیڈا ناں گِھندے ہِن اُنہاں ساریاں کُوں گرفتار کر گِھنے۔“

اعمال 9:21

سبھ سُنڑݨ آلے حیران تھی تے آکھنڑ لگے ”کیا ایہ اُوہو بندہ نئیں جیہڑا یروشلیم ءچ اِیں ناں دے گِھننڑ آلیاں کُوں برباد کریندا ہا تے اِتھاں وی اِیں مقصد نال آیا ہا جو اُنہاں کُوں گرفتار کر تے سردار کاہِناں کولھ گِھن ونجے؟“

رومیوں 1:7

ایہ خط اُنہاں سارے خُدا دے پیاریاں دے ناں ہے جیہڑے روم ءچ ہِن تے مُقدّس تھیوݨ کیتے سڈے گئے ہِن۔ ساڈے باپ خُدا تے خُداوند یسُوع المسیح دی طرفوں تُہاکُوں فضل تے اِطمینان حاصل تھیندا راہوے۔

رومیوں 10:12

کیوں جو یہُودی تے غیریہُودی ءچ کوئی فرق نئیں اِیں واسطے جو اُوہو خُداوند سبھ دا خُداوند ہے تے سبھ کُوں جیہڑے اُوندے تُوں دُعا کریندن فیاضی نال برکت ڈیندے۔

رومیوں 3:22

یعنی خُدا دی او راستبازی جیہڑی یسُوع مسیح اُتے اِیمان گِھن آوݨ نال سبھ اِیمانداراں کُوں مِلدی ہے۔ یہُودیاں تے غیر یہُودیاں ءچ کوئی فرق نئیں،

رومیوں 8:28

تے اساں جانڑدے ہیں جو ساریاں چیزاں مِل تے خُدا نال محبت رکھنڑ آلیاں کیتے بھلائی پیدا کریندیاں ہِن یعنی اُنہاں کیتے جیہڑے اُوندے اِرادے دے مطابق سڈے گئے ہِن۔

1کُرِنتھِیوں 1:30

پر ایہ خُدا دی طرفوں ہے جو تُساں مسیح یسُوع ءچ ہیوے جیہڑا ساڈے کیتے حِکمت بنڑیا یعنی راستبازی، پاکیزگی تے مخلصی۔

1کُرِنتھِیوں 10:32

تُساں نہ یہُودیاں کیتے نہ یُونانیاں کیتے تے نہ ای خُدا دی کلیسیا کیتے تُھڈا کھاوݨ دا سبب بنڑو۔

1کُرِنتھِیوں 12:27

بس تُساں رَل تے مسیح دا بدن ہیوے تے کلھے کلھے اُوندے اَنگ ہیوے۔

1کُرِنتھِیوں 8:6

پر ساڈے کیتے تاں ہِکو ای خُدا ہے یعنی اسمانی باپ جیہڑا ساریاں چیزاں دا خالق ہے تے اساں اُوندے کیتے زندہ ہیں۔ تے ہِک ای خُداوند ہے یعنی یسُوع مسیح جیندے وسیلے نال ساریاں چیزاں وجود ءچ آئیاں تے اساں وی اُوندے وسیلے نال زندہ ہیں۔

2کُرِنتھِیوں 1:1

ایہ خط میں پولُس دی طرفوں ہے جیہڑا خُدا دی مرضی نال مسیح یسُوع دا رسُول ہاں، تے ساڈے بِھرا تِیمُتِھیُس دی طرفوں، خُدا دی کلیسیا دے ناں جیہڑی کُرِنتُھس شہر ءچ ہے تے پُورے اَخیہ دے سارے مُقدّساں دے ناں۔

2کُرِنتھِیوں 4:5

کیوں جو اساں آپنڑی نئیں بلکہ مسیح یسُوع دی تبلیغ کریندے ہیں جو اُوہو خُداوند ہے تے آپنڑے بارے ءچ ایہ آدھے ہیں جو یسُوع دی خاطر اساں تُہاڈی خدمت کرݨ آلے ہیں۔

گلتِیوں 1:2

تے او سارے مسیحی بِھرا وی جیہڑے میڈے نال ہِن، گلِتیہ دی کلیسیاواں کُوں سلام آدھن۔

اِفِسیوں 5:26

تاں جو او کلیسیا کُوں کلام دے ذریعے پانڑی نال غُسل ڈے تے صاف تے مُقدّس بنڑا ڈیوے،

1تھِسّلُنیکیوں 1:1

ایہ خط پولُس، سِیلاس تے تِیمُتِھیُس دی طرفوں تھِسّلُنِیکے دی کلیسیا دے ناں ہے جیہڑی خُدا باپ تے خُداوند یسُوع المسیح ءچ ہے۔ فضل تے اِطمینان تُہاکُوں حاصل تھیندا راہوے۔

1تھِسّلُنیکیوں 4:7

کیوں جو خُدا ساکُوں ناپاکی کیتے نئیں بلکہ پاکیزگی کیتے سڈیا ہے۔

2تھِسّلُنیکیوں 1:1

ایہ خط پولُس، سِیلاس تے تِیمُتِھیُس دی طرفوں تھِسّلُنِیکے دی کلیسیا دے ناں ہے جیہڑی خُدا باپ تے خُداوند یسُوع المسیح ءچ ہے۔

1 تِیمُتھِیُس 2:8

بس مَیں چاہندا ہاں جو بندے ہر جاہ، کاوڑ تے تکرار دے بغیر پاک ہتھاں کُوں چا تے دُعا کرݨ۔

1 تِیمُتھِیُس 3:15

جو جے میکُوں آوݨ ءچ دیر تھی ونجے تاں تیکُوں پتا ہووے جو خُدا دے گھر آلیاں دے وچال جیہڑے زندہ خُدا دی کلیسیا تے حق دا تھمبا تے بنیاد ہِن، ساڈا چال چلنڑ کِینویں ہوونڑا چاہیدے۔

2 تِیمُتھِیُس 1:9

کیوں جو اُوں ساکُوں نجات ڈِتی ہے تے مُقدّس زندگی گُزارݨ کیتے سڈے۔ ایہ ساڈے اعمال دی وجہ کنُوں نئیں بلکہ اُوندے آپنڑے خاص اِرادے تے فضل دی وجہ تُوں ہے۔ ایہ فضل ساڈے اُتے مسیح یسُوع ءچ ازل کنُوں ای تھی گِیا ہئی،

2 تِیمُتھِیُس 2:19

وَل وی خُدا دی مضبوط بنیاد قائم راہندی ہے تے اُوندے اُتے اِنہاں گالھیں دی مُہر تھی گئی ہے جو ”رب آپنڑے بندیاں کُوں پچھاݨ گِھندے۔“ تے ”جیہڑا کوئی رب دا ناں گِھندے او بدی تُوں دُور راہوے۔“

2 تِیمُتھِیُس 2:22

جوانی دیاں بُریاں خواہشاں کنُوں بھج۔ جیہڑے لوک پاک دل نال خُداوند تُوں دُعا کریندے ہِن اُنہاں دے نال رَل تے راستبازی، اِیمان، محبت تے صُلح دے پِچُھوں لگا رہ۔

عبرانیوں 10:10

خُدا دی مرضی دا نتیجہ ایہ ہے جو اساں یسُوع مسیح دے جِسم دے ہِکے پھیری قُربان تھیوݨ دے وسیلے نال پاک کر ڈِتے گئے ہیں۔

عبرانیوں 13:12

اِینویں ای یسُوع وی لوکاں کُوں خود آپنڑے خون نال پاک کرݨ کیتے شہر دے پھاٹک دے باہر ڈُکھ چاتا۔

عبرانیوں 2:11

پاک کرݨ آلا یسُوع تے پاک تھیوݨ آلے لوک ہِکو خاندان دے ہِن۔ اِیں واسطے او اُنہاں کُوں بِھرا آکھنڑ تُوں نئیں شرمیندا۔

یہُوداہ 1:1

ایہ خط میں یہُوداہ دی طرفوں ہے جیہڑا یسُوع مسیح دا خادم تے یعقُوب دا بِھرا ہاں، اُنہاں لوکاں دے ناں جیہڑے سڈے گئے ہِن تے خُدا باپ دے عزیز ہِن تے یسُوع مسیح دے وسیلے نال محفوظ رکھے گئے ہِن۔

مُکاشفہ 19:16

اُوندے کپڑیاں تے ستھل اُتے ایہ ناں لِکھیا ہویا ہے ”بادشاہاں دا بادشاہ، خُداونداں دا خُداوند۔“