1کُرِنتھِیوں 1:13 - کِتاب مُقدّس سرائیکی ترجمہ

¹³ کیا مسیح ونڈیج گِیا؟ کیا پولُس تُہاڈے کیتے صلیب اُتے چڑھایا گِیا؟ کیا تُساں پولُس دے ناں اُتے بپتسمہ گِھدا ہا؟

1کُرِنتھِیوں 1:13 Iomraidhean Croise

متّی 28:19

اِیں واسطے تُساں ونجو تے ساریاں قوماں کُوں شاگرد بنڑاؤ تے اُنہاں کُوں باپ تے بیٹے تے رُوح القُدس دے ناں ءچ بپتسمہ ڈیؤ۔

متّی 3:6

تے آپنڑے گُناہاں دا اِقرار کر تے یردن دریا ءچ اُوں کنُوں بپتسمہ گِھدا۔

اعمال 10:48

تے اُوں حُکم ڈِتا جو یسُوع مسیح دے ناں نال بپتسمہ ڈِتا ونجے۔ وَل اُنہاں پطرس کُوں درخاست کیتی جو ساڈے نال کُجھ ڈینہہ بِیا ٹِک۔

اعمال 19:5

ایہ سُنڑ تے اُنہاں خُداوند یسُوع دے ناں ءچ بپتسمہ گِھدا۔

اعمال 2:38

پطرس اُنہاں کُوں آکھیا، ”توبہ کرو تے تُہاڈے ءچوں ہر ہِک آپنڑے گُناہاں دی معافی کیتے یسُوع مسیح دے ناں ءچ بپتسمہ گِھنے تاں تُساں رُوح القُدس دی نعمت پے سو۔

اعمال 8:16

کیوں جو او اُوں ویلے تئیں اُنہاں ءچوں کہیں اُتے نازل نہ تھیّا ہا۔ اُنہاں صرف خُداوند یسُوع دے ناں اُتے بپتسمہ گِھدا ہا۔

رومیوں 14:9

کیوں جو مسیح اِیں واسطے مویا تے زندہ تھیّا جو مویاں تے زندیاں ڈوہائیں دا خُداوند ہووے۔

1کُرِنتھِیوں 1:15

تے ہُنڑ کوئی ایہ نئیں آکھ سگدا جو اُنہاں میڈے ناں اُتے بپتسمہ گِھدے۔

1کُرِنتھِیوں 10:2

اُنہاں ساریاں مُوسیٰ دے پیروکار تھیوݨ کیتے، بدّل تے سمندر ءچ بپتسمہ گِھدا۔

2کُرِنتھِیوں 11:4

کیوں جو جے کوئی آ تے کہیں بئے یسُوع دی تبلیغ کریندے، جیندی اساں نئیں کیتی، یا جے تُساں کہیں بئی طرحاں دی رُوح قبول کریندے ہیوے جیہڑی اُوں رُوح تُوں فرق ہے جیہڑی تُہاکُوں مِلی ہئی، یا جے تُساں بئی خوشخبری قبول کریندے ہیوے جیہڑی اُوں خوشخبری کنُوں فرق ہے جیہڑی تُساں قبول کیتی ہئی، تاں تُساں اُونکُوں صحیح برداشت کریندے ہیوے۔

گلتِیوں 1:7

کوئی ڈُوجھا ہے ای کائنا۔ ہا، کُجھ لوک تُہاکُوں پریشان کریندے پئے ہِن جیہڑے مسیح دی خوشخبری کُوں تروڑ مروڑ تے پیش کرݨ چاہندے ہِن۔

اِفِسیوں 4:5

تے ہِک ای خُداوند ہے، ہِک ای اِیمان تے ہِک ای بپتسمہ ہے،

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔